1 Mokole 22:22 - Wunta Mempori

²² Sangkino, ’Aku meluarako gagi penaa megaupi a gagado luwuno nabino.’ Mepau Ira i Ue, Po'ineeono omue popandeio ka manasa biisa. Peluarakomo ka weweumo kanatuu.

1 Mokole 22:22 Iomraidhean Croise

1 Mokole 13:18

Ka i'amba motae nabi mota'u atuu ndi onae, ”Ongkue mbo'u asa nabi kana omue. A mpetena-Do i Ue, asa Mala'eka mepau ndi ongkue: Wawaomo kai pekule saru omue i rahamu, ka ipongkaa roti ka mo'inu uwoi.” Kanandiomo igaupio.

1 Mokole 22:20

Ondae i Ue mepau: Isema ke ta popandeio i Ahabi lumako metea kai mate i wita Ramoti-Gilea? Asa mia motae kanandio, anu susua motae kanatuu.

1 Mokole 22:21

Ka i'amba meluarakoomo asa penaa ka mentade i aro-Do i Ue, ipotae, ’Ongkuemo anu ta popandeio.’ Mesikeno Ira i Ue ndi onae, ’Kana'umpe ke pompopandeimu?’

2 Mokole 3:13

Motae i Elisa ndi mokoledo to Isaraeli, ”Hapake orusuaku saru omiu? Lakomo a luwuno nabido amamiu ka inemiu.” Sumangki mokoledo to Isaraeli ndi onae, ”Naahi, hangano Ondaemo i Ue anu moboi ira otolu mokole andio, ka domempineweengako a ngkaedo to Moabi!”

Ayubi 1:12

Pau-Do i Ue ndi Mosa'o, ”Kanandio-andio, anu pine'ueno kongko a ngkaemu; butu si potiio kaemu ndi onae.” Ka i'amba lumakoomo i Mosa'o inso i aro-Do i Ue.

Ayubi 12:16

Ndi Ondaemo pabawa ka ponangia, Ondaemo anu pabawaio moiko mia anu pansia maupo mia anu mompokopansia.

Po'unde-unde 109:17

Ikekewoio totonaa, onaemo ka itetotonaa; onae nahi behe ronso, onaemo ka i'olai ronso inso ndi onae.

Yesaya 19:14

Doweweuomo i Ue penaa marisua i olodo, anu weweu ira to Masiri memarisu a laro luwuno usahano, kana mia molangu anu mokolili ulu tempono melua-lua.

Yehesikieli 14:9

Tewala nabi atuu mo'ineeo koroino tepopandei saru mompau te'asa rupa, ka Ongkue, Ue anu popandeio nabi atuu, Aku tumandeo kae-Ku umewaio ka mokotampulao inso i tonga-tongado bawaa-Ku Isaraeli.

Sakaria 13:2

I tempo atuu, kanandiomo pau-Do Ueno luwuakoano, Aku mokotampulao luwuno neeno lahumoa inso i wita andio, ranta nahi ira mempinau mbo'u. Luwuno mbo'u nabino ka luwuno tinoo mokoburu Aku mokotampulao inso i wita atuu.

I YOHANE 8:44

I Mosa'o anu gagiomo amamiu ka inehemiu meweweuo luwuno anu ineheno amamiu. Onae tampu'uno puu pompepate mia ka nahi tuwu a menteea, hangano ndi onae nahina menteea. Tewala mompau pegaupi, ipauo a mpo'eheno onaeno, hangano onae lano puu mpegaupi ka amado luwuno pegaupi.

1 TIMOTIU 4:1

Sine manasa Dopauo Penaa nine a tempo-tempo lembuino, hinao mia anu ta mepoura ka i'amba tumonda ira penaa mompopo'oo ka pompagurudo onitu

1 YOHANE 4:6

Omami nte'inso ndi Ondae Ue Ala: ba isema tumo'ori Ira Ue Ala, iperorongeakami; ba isema komba te'inso ndi Ondae Ue Ala, onae nahi perorongeakami. Onaemo tondonino Penaa menteea ka penaa anu mompopo'oo.

MENGKAAA 13:14

Ipopo'ooako ira anu mpo'ia i tolino hadio petondoni, anu iwineeako ka iweweuo i arono matano kondehora atuu. Ka itena ira anu mpo'ia i tolino, ka dopompontade tinaha ta pelangkaino kondehora anu mobelaako ponai, sine anu kongko tuwu atuu.

MENGKAAA 17:17

Hangano Dopokomewineomo Ue Ala aroado ka domeweweuo po'ehe-Do saru ntepo'asa aroa ka dompeweengakono poparentaado a ngkondehora atuu, ranta luwuno pau-Do Ue Ala inihiiomo.

MENGKAAA 20:10

ka i Mosa'o, anu mopo'oo ira, pinetadiako a laro ntahi api ka walira, onaemo po'iangano kondehora ka nabi megaupi atuu, ka binobarasai ira meene wongi ranta nahina tampulaano.

MENGKAAA 20:3

ka i'amba metadiakono a laro wingke matea, ka tumondoo wingke matea atuu ka tumondonio i wawono, ka si popo'oo ira mbo'u tongku, se'eluno napi tampula tempo asa nsowu ta'u atuu; ka i'amba umarino atuu onae ta motolao sarai.

MENGKAAA 20:7

Ka mansano tampulaomo tempo asa nsowu ta'u atuu, i Mosa'o ta pinotola inso a torungkuno,

Puu Mpobitara 9:23

Ondae Ue Ala sumingkao pe'ewa i olodo i Abimele ka palili kota Sikeme, ranta mpalili i kota Sikeme atuu nami dompetenunu ndi Abimele.

1 Samueli 16:14

Kontongaano atuu Penaa-Do i Ue bintao i Saulu, onaemo ka itebobarasai hangano pabawano i mosa'o anu pine'ehe-Do i Ue.

1 Samueli 18:10

Tisomono, pabawano i mosa'o anu Dope'eheo Ue Ala mewinsokio aroano i Saulu, onaemo ka igagi kana mia mekombe i laro raha. I Daudi memaeakono kasapi a ngkaeno kana biasano, sine i Saulu mo'ini kansai.

1 Samueli 19:9

Kontongaano i Saulu mesana-sanaa i rahano, pabawano mosa'o anu pine'ehe-Do i Ue mewinsokio. Hinao kansai a ngkaeno i Saulu, kontongaano i Daudi memaekono kasapi anu a ngkaeno.