1 Mokole 22:11 - Wunta Mempori

¹¹ Ka i'amba i Sedekia, anano i Kena'ana anu mompatindaomo tandu-tandu labu, motae, ”Kanandiomo pau-Do i Ue: Saru tandu andio kotumanduo Arami ranta kau mepingko ira.”

1 Mokole 22:11 Iomraidhean Croise

1 Mokole 22:12

Luwuno mbo'u nabi atuu mpopau kanatuu, dompotae, ”Lakomo i Ramoti-Gilea ka komiu monangi. Ondae i Ue Ira meweengakono a ngkaemiu mokole.”

1 Mokole 22:24

Umarino atuu i Sedekia anano i Kena'ana aiwa umpedaakono ka itampeleo kombisino i Mika. Ipotae, ”Kana'umpe ke penaa-Do i Ue melimba inso ndi ongkue ka ipepau ndi omue?”

Yeremia 23:16

Kanandiomo pau-Do Ueno luwuakoano, ”Siimo perorongeakono pinaudo luwuno nabi anu mpompau anu ta gagi ndi omue! Ondae butu mpoweeakomu pomperorohia anu nahina pengkonaano, ka mpohaweo pongkita pohaweno aroado ondaedo, komba hapa anu meluarako inso a nganga-Do i Ue.

Yeremia 23:17

Ondae wela mpotae a luwuno mia anu mentetewehi Aku: ’Ondae i Ue mepau Komiu ntekadudui!’ ka a sompo mia anu mentondao moteano aroado dompotae: Masolaa nahi ta umalu komiu!”

Yeremia 23:25

Kurongeomo hapa anu mempinaudo nabi, anu mpompau nahi mentee a nee-Ku saru mpotae: Mo'ipi akumo, mo'ipi akumo!

Yeremia 23:31

Menteeano, kanandiomo pau-Do i Ue, Aku umewai ira nabi anu mensala pakeo elodo mpo'onde-onde mpompohawe pau-Do anu pabawa.

Yeremia 27:2

Kanandiomo pau-Do i Ue ndi ongkue, ”Weweuomo koloro ka keu ponsela, ka i'amba naaomo atuu a banga we'umu!

Yeremia 29:21

Kanandiomo pau-Do Ueno luwuakoano, Ue Alado to Isaraeli, mongkona i Ahabi anano i Kolaia ka i Sedekia anano i Ma'asea, anu mompau anu ta gagi nahi mentee ndi omiu a nee-Ku: Menteeano Aku meweengako ira a ngkaeno i Nebukanesa, mokole i Babeli, anu ta mepate ira i arono matamiu.

Danieli 8:4

Kukitao bimba lakino atuu metandu te'aro i sumooano oleo, i utara ka i selata. Nahina maupo te'asa kondehora anu moko'aropio, ka nahina anu polio mepotola inso a mpabawano; onae moweweu po'eheno aroano ka mompelangka-langkai.

Mika 3:11

Luwuno mia pinemota'uno memputusio songka hangano pompowee nahi pototono, ka sando mpesombano mompaguru hangano inowahi, nabino mpompau anu nahi manasa ta gagi hangano doi, kahinaano dompotae mpehonda ira ndi Ondae i Ue; kombake Ondae i Ue kongko Ira i tonga-tongato! Masolaa nahi ta umalu kita!”

WINEWEUDO TINENA 21:11

Onae aiwa ndi omami, ka i'amba umalao peboo ntongano i Paulu. Ka iponguo karuno ka kaeno onaeno ipotae, ”Kanandiomo pau-Do Penaa Mempori: Kanandiomo mia anu me'ueo peboo ntonga andio ira memponguo to Yahudi i Yerusale ka pineweengako a ngkaedo tongku susua.”

Winali 33:17

Marambano kana ana sapi amba-ambano, ka tanduno kana tandu onua. Onae ta tumanduo luwuno tongku, asa wawontolino, inso i tompano hawe i tompano. Kanatuumo pulunsowuno to Eparai, ka sowuno to Manase.”

2 TIMOTIU 3:8

Mengkena kana i Yanesi ka i Yamberesi umewaio i Musa, kanandio koa mbo'u dome'ewaio menteea. Pinewowolodo mosa'o ka pompe'ala-alado nahi moroso.