1 Mokole 21:29 - Wunta Mempori

²⁹ ”Nde ukitaomo i Ahabi tedoa me'urumako i aroku? Hangano onae me'urumakoomo i aro-Ku, nahi Aku mopotii masolaa tempono da ituwu. Ambapo a temponopo anano, Aku mompotii masolaa a somborino.”

1 Mokole 21:29 Iomraidhean Croise

1 Mokole 11:12

Sine, tempono da tuwuko andio nahi Aku weweuo hangano i Daudi, amamu; inso a ngkaedomo anamu Aku kumansao.

1 Mokole 21:28

Ka i'amba haweomo pau-Do i Ue ndi Elia to i Tisibe atuu,

1 Mokole 22:1

Otolu nta'u tehineno nahina petea i olodo to Arami ka to Isaraeli.

2 Mokole 10:1

I Ahabi hinao pitu pulu mia anano tama i Samaria. I Yehu moburi wunta, ka i'oliwio i Samaria, a mia anu langkai potorono i kota atuu, a luwuno mia memota'u ka a luwuno pinemota'udo anano i Ahabi, ihino,

2 Mokole 10:11

Ka i'amba i Yehu mepateo luwu mia anu tebinta inso a nsomborino i Ahabi i Yisire'eli, saru mbo'u luwuno miano anu langkai potorono, luwuno mia pine'ala-alano ka luwuno sando mpesombano, ranta nahina maupo te'asa mia anu tola.

2 Mokole 22:19

hangano omue me'o'ole ka me'urumako i aro-Do i Ue, ka u'amba berio sangkamu ka mengese i aro-Ku mansamu rumongeo songka anu Kupauo mongkona po'ianga andio ka palilino nine ira megagi mongkokongiria ka totonaa, onaemo ka Kurongeo, kanandiomo pau-Do i Ue.

2 Mokole 9:24

Sine i Yehu padiio panano tompaano rosono ka ipanao i Yorami i olono orua oweano. Ana mpana atuu lompahi a huleno, ka i'amba tebangku a laro ngkaretano.

2 Mokole 9:33

Petadiakonomo i totono! Mebooli i Yehu. Dompetadiakono i totono. Asa ntia reano tepidiki a rere ka a ngara; onae linolanda.

2 Tawarika 12:7

Mansano Dokitao i Ue nine mpe'urumako ira, haweomo pau-Do i Ue ndi Semaya, kanandio, ”Mpe'urumako iramo, onaemo pu'uno nahi Aku rumopu ira. Aku koa ronga motola ira ka mokulano tekuda-Ku nahi ta pinotii i Yerusale molalo i Sisaki.

Po'unde-unde 18:44

Omiu motola aku inso a mpengengedo tongku; Omiu motoro aku gagi anu pabawa a luwuno tongku; tongku anu nahi kuto'ori ira gagi ataku;

Po'unde-unde 66:3

Pepaumo ndi Ondae Ue Ala, ”Tedoa mongkokongiri luwuno wineweu-Miu; hangano pabawa-Miu anu tedoa langkai luwuno iwali-Miu mpetuundu ndi Omiu.

Po'unde-unde 86:15

Sine Omiu, oo Ue, Ue Ala me'aroa ka mompehohawa, tedoa sabara ka hadio ntu'u pompehohawa ka pokongkomi.

Peluarakoa 10:3

Lumako iramo i Musa ka i Haruni me'aro ndi Pirao ka dopotae ndi onae, ”Kanandiomo pau-Do i Ue, Ue Alado to Ibarani: Da tehine ke, ka u'amba me'urumako i aro-Ku? Potola iramo bawaa-Ku ka domelako mpesomba ndi Ongkue.

Peluarakoa 20:5

Si mpelangkaio ke mpesomba ndi onae nde Ongkue Ue, Ue Alamu, onaemo Ue Ala anu mosiri, anu mombaloakono halano amano a anano, hawe a inuleno anu ko'otolu ka ko'opaa inso a luwuno mia anu umewai Aku.

Yesaya 66:2

Kombake kae-Ku anu weweuo luwuno, ranta ka igagi luwuno andio? Kanandiomo pau-Do i Ue. Sine, miamo anu kanandio anu kinita-Ku: mia anu tepokonsii ka nahina pompe'osaiano ka anu doitoakono pau-Ku.

Yesaya 66:5

Rongeomo pau-Do i Ue, hei omiu anu medoitoakono pau-Do! Ondae pepaekompomiu anu umo'aliaakomiu, ka lumiahako komiu hangano nee-Ku, mpotae iramo, ”Moikoomo Dopopokitao i Ue maramba-Do, ka kimengkitao mawongkomiu!” Sine, tendeano ondaemo anu ira mempinokoko'ii.

Yeremia 7:17

Nahi ukitaoke hapa anu wineweudo a luwuno kotano Yehuda ka luwuno sala i Yerusale?

Danieli 4:27

Gagi, oo mokole, po'ineeomo patuduku andio ipemoikoo i aroamiu ueku: ipoweweumo moleoa ka itepotolamo koroimiu inso a hala, ka ipopokitaomo pompehohawa a mia anu tepokonsii. Ba kanatuu me'uraamiu ueku ta motilalo!”

Yunu 3:10

Mansa-Do kumitao Ue Ala wineweudo atuu, onaemo kana'umpe dompepokule inso a leludo anu mosa'o, me'o'ole Iramo Ue Ala hangano masolaa anu Dopatindaomo tiado ka nahi gagi mbo'u Doweweuo.

Mika 7:18

Isemake kana Omiu Ue Ala anu mo'ampuni hala, anu nahi pompototoi salado toreano bawaa anu lano Ondae me'ueo, ka nahi kongko mpiha a laro ntekuda-Do, tendeano umehe mokomengkaao petenunu pompehohawa?

I LUKASI 7:44

Ka kontongaa-Do mewolili a beine atuu, Dopotaeakono i Simo, ”Ukitao beine andio? Kupewinso a rahamu, sine nahi upowee Aku uwoi pewo'ohi ngkaru-Ku, sine onae uwoi matano ibahoakono karu-Ku ka ipahihiakono wuuno.

ROMA 2:4

Inehemuke me'uru-uruo langkaino pe'aroa-Do, sabara-Do ka sanaano aroa-Do? Nahi uto'orioke, nine pe'aroa-Do Ue Ala onaemo tumaateko a ntepidia?

2 PETURU 3:9

Ondae i Ue nahi Dotekolupe umihiio dandi-Do, maupo hinao mia anu tumuduo kana tekolupe, sine sabara Ira ndi omiu, hangano po'ehe-Do ka si hina anu mate, tendeano luwuno mia ka dompepokule ntepidi.