1 Mokole 21:25 - Wunta Mempori

²⁵ Menteeano napi hori hina ia kana i Ahabi anu me'atao koroino moweweu anu mosa'o a pongkita-Do i Ue, hangano onae ipopandeio i Isebeli, kombiano.

1 Mokole 21:25 Iomraidhean Croise

1 Mokole 16:25

I Omiri moweweu anu mosa'o a pongkita-Do i Ue, ka mosa'oopo sekonopo luwuno anu mese'elungio.

1 Mokole 18:18

Sumangki i Elia ndi onae, ”Komba ongkue anu sumolangi ira to Isaraeli, tendeano omue ka pe'etumu. Imebintaomo luwuno parenta-Do i Ue ka omue andio utonda iramo Ba'ala.

1 Mokole 18:4

I tempono i Isebeli mepate ira nabi-Do i Ue, i Obaja umala ira asa etu mia nabi ka iwuni ira i larono ngkunepo, asa mpo'ianga lima pulu mia, ka ipompatindaako ira kaanga ka inuado.

1 Mokole 19:2

I Isebeli tumenao asa mia lumako ndi Elia saru pe'oliwi, ”Po'ineeomo luwuno pinesombai humuku aku mobea maupo torea mbo'u, tewala tisomo tempo kanandio nahi kupepateko mengkena kana asa mia i olodo atuu.”

1 Mokole 21:20

Motae i Ahabi ndi Elia, ”Gagi uhawe akumo, hei iwaliku?” Sumangki, ”Lano kuhawekomo, hangano upe'ataomo karoimu moweweu anu mosa'o a pongkita-Do i Ue.

1 Mokole 21:7

Motae i Isebeli, kombiano, ndi onae, ”Nde komba omiu kandio-andio anu pabawa gagi mokoledo to Isaraeli? Ipewangumo, ipongkaamo, ka temawongko aroamiu! Ongkue anu ta weeakomiu lereno anggorono i Nabo, to Yisire'eli atuu.”

1 Mokole 22:52

I Ahasia anano i Yahabi gagi mokoledo to Isaraeli i Samaria a nta'u kohopulu ka opitu poparentaano i Yosapa mokoledo to Yehuda. Onae moparenta a nto Isaraeli orua nta'u tehineno.

1 Mokole 22:53

Onae moweweu anu mosa'o a mpongkita-Do i Ue ka tumondao sala ntumuwuno amano ka ineno saru i Yerobea anano i Nebati, anu weweu iramo to Isaraeli mpoweweu hala.

2 Mokole 17:17

Dompesombaako ira anado gagi pesomba a laro api. Mpoparesa ira ura ke rugino mia ka mpopau ira anu ta gagi, saru me'asao koroido mpoweweu anu mosa'o a pongkita-Do i Ue, ranta mokotesingkao tekuda-Do i Ue.

2 Mokole 23:25

Se'eluno onae nahina mokole kana onae anu mepokule ndi Ondae i Ue a tompaano aroano ka tompaano tinuwuno ka saru tompaano rosono, menunu saru luwuno Taurano i Musa. Umarino onae nahina mbo'u me'umbaako mokole kana onae.

2 Mokole 9:22

Mansado kumitao i Yehu, mesikeno i Yorami, Saru tinoo mesintuwu ke andio Yehu?” Sumangki i Yehu, ”Kana'umpe ka ta hina pesintuwu, tempono mia mebebelesuno i Isebeli, inemu, ka mia anu pande sihiri hadio ntu'u!”

2 Mokole 9:34

I Yehu mewinso i larono, kai pongkaa ka mo'inu. Ka i'amba motae, ”Orusuomo beine tetotonaa atuu ka imengkaburuomo, hangano onae anano mokole.”

Nehemia 13:26

Komba hangano anu kanatuuke i Salomo, mokole i Isaraeli moweweuomo hala? Maupo i olono hadio ntu'u tongku nahina mokole kana onae, anu pinehohawa-Do Ue Alano ka Ondae Ue Ala atuu motoroo gagi mokole a luwuno Isaraeli, sine onae tewawaomo a laro hala hangano luwuno beinedo mia hawe atuu.

Peluarakoa 34:16

Kanatuu koa mbo'u tewala mpo'alakomiu ana beinedo gagi kombiado anamiu tama, ana beinedo ira mponsosabo mpotonda a anu pinesombaido, ba mansa dompopandei ira anamiu tama mponsosabo ka mpetonda a anu pinesombaido.

Powadi 22:14

Ngangano beine belesu onaemo aa anu ondalo; mia anu Dotekudaakono i Ue ta tedonta i larono.

Puu Pontutulu 7:26

Mohawe aku asa rupa anu lalu mopa'i sekonopo matea: beine anu onaemo buani, anu aroano onaemo oho ka kaeno onaemo pompongu. Mia anu pinemoiko-Do Ue Ala teliahako inso ndi onae, sine mia anu tehala irakoomo.

Yesaya 50:1

Kanandiomo pau-Do i Ue, ”Nde isuaomoke wunta teposuano inemu tondonino Kusaariomo? Ke ndi semake i olodo puu ponsinga-Ku Kuhori umasako? Menteeano, hangano salamu omuemu ka imempinoko'asa ka hangano salamu omuemu inemu sinaari.

Yesaya 52:3

Hangano kanandiomo pau-Do i Ue: Omiu me'inasa mpena, onaemo pu'uno komiu mbo'u mentinolosi nahi inowahi.

WINEWEUDO TINENA 14:2

Sine to Yahudi, anu nahi tarimao pompaleledo, mokomokulao aroado mia anu nahi domento'ori Ira Ue Ala ka domemosa'oako ira pepaekompo atuudo.

WINEWEUDO TINENA 6:12

Kanatuumo pesalaado mpoweweu aasa tepotowoa i olodo mia hadio saru mia memota'u ka anu mponto'ori Taura; domerakoo i Setepanu, merendeo ka domewawao i arono Puu Mpobitara Agama.

ROMA 6:19

Kupauo mongkona andio a mpinewowolono mia hangano molemamiu. Hangano mengkena kana omiu impeweengakonomo luwuno parewa ngkoroimiu gagi atano mokoburua ka buuntoa anu wawa komiu a buuntoa, kanandiomo teweweumiu kanandio-andio asalakono impeweengakono parewano koroimiu gagi atano menteea anu wawa komiu a pompokomemporia.

ROMA 7:14

Hangano tomento'orio, nine songka Taura onaemo tuwu nsuruga, sine ongkue tuwu tolino, inasa a mpabawano hala.

MENGKAAA 2:20

Sine Kutatako, hangano upo'ineeo beine i Isebeli, anu pauo koroino nabi beine, mompaguru ka mopo'oo ira tetenaa-Ku ka domponsosabo ka mpongkaa luwuno pesomba a lahumoa.