1 Mokole 21:21 - Wunta Mempori

²¹ Menteeano, Aku mompotii masolaa ndi omue. Aku rumoahiko ranta pingko ka moko'upuo luwuno tama inso a somborino i Ahabi, anu hinao potorono ke nahina potorono i Isaraeli.

1 Mokole 21:21 Iomraidhean Croise

1 Mokole 14:10

Onaemo pu'uno, Aku mompotii masukaraa a nsomborino i Yerobea. Aku rumopuo inso ndi Yerobea sompo tama, moiko anu mantande ke anu i totono potorono i Isaraeli. Aku rumoahio somborino i Yerobea kana mia moroahi anu mokoburu ranta kai pingko.

1 Mokole 15:30

Mongkona atuu, hangano luwuno hala anu wineweuno i Yerobea, anu gagi pu'uno to Isaraeli mpoweweu mbo'u hala. Kanandiomo ipokotesingkao tekuda-Do i Ue, Ue Alado to Isaraeli.

1 Mokole 16:3

Hangano atuu, menteeano Aku rumoahio morina i Baesa ka somborino. Aku weweuo somborimu kana somborino i Yerobea anano i Nebati.

2 Mokole 10:17

Sahaweno i Samaria, i Yehu mepate ira luwuno mia anu da tebinta inso ndi Ahabi i Samaria. Iropuo ira luwu, menunu saru pau anu pinau-Do i Ue ndi Elia.

2 Mokole 10:30

Mepau Iramo i Ue ndi Yehu, ”Hangano moikoomo uweweuo hapa anu mentee a pongkita-Ku, ka uweweuomo a nsomborino i Ahabi kona ntu'u kana anu ineheno aroa-Ku, ranta luwuno anamu ira mpentoro a ngkadera poparentaa i Isaraeli hawe a inulemu ko'opaa.”

2 Mokole 14:26

Dokitaomo i Ue tedoa mopa'ino tebobarasaido to isaraeli, pingkoomo luwu moiko anu tetanggo ke anu tola ka nahina anu tumulungi ira to Isaraeli.

2 Mokole 21:13

Aku padindio koloro posongka i Yerusale kana i Samaria ka koloro pompokoleo kana a nsomborino i Ahabi. Aku pahihio Yerusale kana molodui sempe, lumoduio ka i'amba waliteo.

Yesaya 3:11

Masola ntu'u mia mosa'o gauno! Masolaa ta umaluo, wineweuno kaeno ta sinuloako ndi onae.

Winali 32:36

Mentee ntu'u Ondae i Ue mompowee moleoa a bawaa-Do, ka mehohawa ira luwuno tetenaa-Do, tewala dokitao rosodo nami hina, ka tetenaa-Do saru mia maradeka nami hina.

1 Samueli 25:22

Po'ineeomo Ondae i Ue Ala humukuo mobea i Daudi, maupo lalua mbo'u, tewala hinao te'asa tama ndi onae anu tuwu hawe mo'oru.”

1 Samueli 25:34

Sine a nee-Do i Ue anu tuwu, Ue Alado Isaraeli anu umonto akumo moweweu anu mosa'o ndi omue, ande-andeno ba omue nahi uronga aiwa tepohaweakune, asalakono nahina maupo te'asa tama anu da tuwu ndi Naba hawe kai mewanta oleo.”