1 Mokole 21:20 - Wunta Mempori

²⁰ Motae i Ahabi ndi Elia, ”Gagi uhawe akumo, hei iwaliku?” Sumangki, ”Lano kuhawekomo, hangano upe'ataomo karoimu moweweu anu mosa'o a pongkita-Do i Ue.

1 Mokole 21:20 Iomraidhean Croise

2 Samueli 11:27

Mansano laloomo tempo mo'inombo, I Daudi montena mia wawao beine atuu i rahano. Onae gagiomo kombiano ka ipe'anaakono asa anano tama. Sine, anu wineweuno i Daudi atuu mosa'o a pongkita-Do i Ue.

1 Mokole 16:30

I Ahabi, anano i Omiri moweweu anu mosa'o a pongkita-Do i Ue, ilaloio luwuno anu mese'elungio.

1 Mokole 18:17

Mansano i Ahabi kumitao i Elia, motaeomo, ”Omueke atuu mia anu sumolangi ira to Isaraeli?”

1 Mokole 21:25

Menteeano napi hori hina ia kana i Ahabi anu me'atao koroino moweweu anu mosa'o a pongkita-Do i Ue, hangano onae ipopandeio i Isebeli, kombiano.

1 Mokole 22:8

Sumangki mokoledo to Isaraeli ndi Yosapa, ”Da hinao mbo'u asa mia anu molalo onae topokompo'ema pontiso-Do i Ue. Sine ku'o'aliaakono hangano nahi hori mompau anu moiko mongkona ongkue, tendeano butu masolaa. Mia atuu, onaemo i Mika, anano i Yimila.” Motae i Yosapa, ”Siimo ipepau kanatuu mokole.”

2 Mokole 17:17

Dompesombaako ira anado gagi pesomba a laro api. Mpoparesa ira ura ke rugino mia ka mpopau ira anu ta gagi, saru me'asao koroido mpoweweu anu mosa'o a pongkita-Do i Ue, ranta mokotesingkao tekuda-Do i Ue.

2 Mokole 21:2

Onae moweweu hapa anu mosa'o a pongkita-Do i Ue, kana poweweudo anu mokoburu luwuno tongku anu Dosaari iramo i Ue inso i arodo to Isaraeli.

2 Tawarika 18:17

Ka i'amba mokole i Isaraeli motaeakono i Yosapa, ”Kombake umariomo kupauakomu: Nahi hori mompau anu ta gagi anu moiko mongkona ongkue, tendeano butu masolaa?”

2 Tawarika 18:7

Sumangki mokole i Isaraeli ndi Yosapa, ”Da hinao asa mia mbo'u anu molalo onae kita mokompo'ema pontiso-Do i Ue. Sine ku'o'aliaakono, hangano onae nahi hori mompau pe'oliwi-Do i Ue anu moiko mongkona ongkue, tendeano masolaa mpiha. Mia atuu onaemo i Mika anano i Yimila.” Motae i Yosapa, ”Nahi moiko mokole ipepau kanandio.”

2 Tawarika 33:6

Tendeano ipesombaako ira anano a laro api i Lebaki Beni-Hinomi. Onae mongkita anu nahi manasa ta gagi, mompau anu nahi manasa ta gagi ka mompake tino'ori, tepohaweako ira puu pompoboi onitu ka puu pompoboi penaa mompau anu nahi manasa ta gagi. Hadio wineweuno anu mosa'o a pongkita-Do i Ue, ranta ka ipokotesingkao tekuda-Do.

Yesaya 50:1

Kanandiomo pau-Do i Ue, ”Nde isuaomoke wunta teposuano inemu tondonino Kusaariomo? Ke ndi semake i olodo puu ponsinga-Ku Kuhori umasako? Menteeano, hangano salamu omuemu ka imempinoko'asa ka hangano salamu omuemu inemu sinaari.

Yesaya 52:3

Hangano kanandiomo pau-Do i Ue: Omiu me'inasa mpena, onaemo pu'uno komiu mbo'u mentinolosi nahi inowahi.

Yeremia 38:4

Ka i'amba luwuno mia pinemota'u mpotae ndi mokole, ”Po'ineeomo mia andio ihinuku mate! Hangano, menteeano pau anu kanatuu onae mokomolusao rosodo sorodadu anu da mentuwu i kota andio ka rosodo palili. Mentee ntu'u, mia andio nahi po'ungkeaono manangaino tongku andio, tendeano masolaa.”

Yehesikieli 14:4

Onaemo pu'uno, pepaumo ndi ondae ka potae: Kanandiomo pau-Do Ue Ala: Sompo mia inso a nsuku Isaraeli anu monsu'u lahumoa i laro aroano ka monaa i arono watu tetidua, pepu'uano salado, ka i'amba aiwa tepohaweakono nabi, ka Ongkue, Ue, anu sumangkio hangano lahumoano anu hadio,

Amosi 5:10

Dome'o'aliaakono mia anu mongkuahako a mpewowa langkai, ka motewedo mia anu mepau moleo.

I MARAKUSU 12:12

Ka do'amba me'ungkeakono ira merako Ira i Yesu, hangano domento'orio, nine ondaemo anu tinoo-Do a mpotundaano tutulu atuu. Sine medoito ira a mia hadio, gagi ondae melako ka dompo'inee Ira.

ROMA 7:14

Hangano tomento'orio, nine songka Taura onaemo tuwu nsuruga, sine ongkue tuwu tolino, inasa a mpabawano hala.

GALATIA 4:16

Nde ba mompau menteea ndi omiu gagi akumo iwalimiuke?

EPESU 4:19

Nami hina mokoko'iido, onaemo ka dompeweengakono koroido a mpo'eheno aroado ka saru me'alu. Meweweuo mperupa-rupa mokoburua.

MENGKAAA 11:10

Ka ondae anu mpo'ia i wawontolino memawongko ka mpo'undeakono ondae atuu ka mpogawe ka memambe oliwi pompowee, hangano orua nabi atuu gagi bobarasaino luwuno mia anu mpo'ia i wawontolino.