1 Mokole 21:13 - Wunta Mempori

¹³ Ka i'amba orua mia lambaha atuu hawe ka dopentoro tepo'aroakono i Nabo. Mia lambaha atuudo gagi sakosii umewaio i Nabo i arodo palili, dopotae, ”Itotonaa Iramo i Nabo Ondae i Ue Ala ka ondae mokole.” Umarino atuu, domewawao i bungkuno kota ka do'amba mewunoakono watu ranta kai mate.

1 Mokole 21:13 Iomraidhean Croise

1 Mokole 21:14

Umarino atuu mpotena ira mia lumako ndi i Isebeli saru lele andio, ”I Nabo mateomo winunoako watu.”

2 Mokole 6:32

Kontongaano atuu i Elisa tekonai mentoro i rahano, ka luwuno mia memota'u mpentoro saru onae. Mokole montenaomo mia melempa mese'elungio. Sine napi hawe mia tinena atuu ndi Elisa, i Elisa mepauomo a luwuno mia memota'u atuu, ”Imento'orio koa ke nine puu mpopepate atuu montena mia kai poleo uluku? Impetangkoromo, tewala hawe mia tinena atuu, imentondoo pewowa ka ime'onsoio saru mengkorahakono pewowa atuu. Kombake terongeomo unino pelempano ueno i bungkuno?”

2 Mokole 9:26

’Menteeano indiawi, Kukitao reano i Naboti ka reado luwuno anano’, pau-Do i Ue, ’ka Aku mombalo ndi omue i lere andio’, kanandio pau-Do i Ue. Onaemo pu'uno tandeo ka petadiakono a lere andio, menunu saru pau-Do i Ue.”

2 Tawarika 24:21

Sine, ntepo'asa ira umewaio, ka i'amba a mparentano mokole domewunoakono watu a kintalano raha-Do i Ue.

Ayubi 1:11

Sine, Ipotiiomo kae-Miu ka rumopuo luwuno anu pine'ueno. Manasa itotonaa Komiu i aro-Miu.”

Ayubi 1:5

Sompo umarino oleo pogawea, i Ayubi moboi ira ka mokomempori ira. Tisomono mo'oru, i Ayubi mewangu ka mompesombaako pesomba tinunu menunu saru hadiodo, hangano ipewowoloo, ”Bara'ura anaku mpoweweu iramo hala ka domentotonaa Iramo Ue Ala i laro aroado.” Kanandiomo iwela weweuo i Ayubi.

Ayubi 2:9

Kombiano motaeakono, ”Da ta kongko mpihake morosono pompe'ala-alamu? Totonaa Iramo Ue Ala ka matemo!”

Ayubi 31:39

tewala hasilino pingko kukaano ka nahi ku'owahio, ka mokomasusa ira ueno,

Po'unde-unde 27:12

Si peweengakune a mosa'ono aroado anu umewai aku, hangano mpentade iramo sakosii mpegaupi mensapoi aku, ka mia anu mpepuuriako pobobarasaia.

Po'unde-unde 35:11

Luwuno sakosii anu lambaha mpentade, ka mentuluri aku mongkona anu nahi tino'ori.

Peluarakoa 20:16

Si gagi sakosii megaupi a mpe'asa miamu.

Powadi 19:28

Sakosii anu nahi mentudu mompasinggiri songka ka ngangano mia mosa'o gauno montele pegaupi.

Powadi 19:5

Sakosii megaupi nahi ta tola inso a mpohuku, mia anu mepuuriako pegaupi nahi ta tola.

Powadi 19:9

Sakosii megaupi nahi ta tola inso a mpohuku, mia anu mepuuriako pegaupi ta mate.

Powadi 25:18

Kanamo tuko, ke ponai, ke ana mpana anu montaso, kanandiomo mia anu mesakosii megaupi a mpe'asa miano.

Powadi 6:19

asa mia sakosii megaupi anu mepuuriako pegaupi ka mompokohina pengengeado mpepaekompo.

Puu Pontutulu 10:20

Maupo a laro mpinewowolo omue si totonaa ira mokole, ka a laro bolongko poturia omue si totonaao mia mompoli, hangano manu-manu i laro meene bara'ura ira mpohaweo pinaumu, ka luwuno anu mepani mpokompohaweo hapa anu pinaumu.

Puu Pontutulu 4:1

Kukitao mbo'u luwuno pompokonsii anu wineweu i totono mata'oleo. Kitaomo, uwoi matado mia anu mempinokonsii ka nahina anu tumarero ira. Ndi ondae anu mpompokonsii hinao pabawa, sine nahina koa mbo'u anu tumarero ira.

Yesaya 8:21

Mia ira wela ntelalo i wita atuu, memongkokolaro ka memokoninggo, ka tempono mokoninggo, ira ntekuda ka mentotonaao mokoledo ka Ue Alado. Mia ira mpentombu i langi

Amosi 7:10

I Amasia sando mpesomba i Beteli, montena mia lumako ndi Yerobea, mokole i Isaraeli, saru pe'oliwi, ”I Amosi moweweuomo tepo'asaa umewai komiu ueku i tonga-tongano tongku Isaraeli; wita andio nahi pokompeteao mbo'u a luwuno pinauno.

Maleaki 3:5

Aku aiwa umpeda ndi omiu gagi puu mpobitara. Aku ronga gagi sakosii a luwuno puu ponsihiri, luwuno mia anu mponsosabo, ka mia anu mpesumpa mpegaupi, saru mbo'u luwuno mia anu mompokonsii mia tinambo, tuwu beine, ka nana'ote nahina amano, saru anu nahi poweeako ira tia mia hawe ka nahi doito ndi Ongkue, pau-Do Ueno luwuakoano.

I MATIU 9:3

Onaemo ka dompotae ba opia ira anu mponto'ori Taura i laro aroado, ”Ipepaukiako Ira Ue Ala.”

I LUKASI 23:2

I tu'ai mpompu'u iramo tumuluri Ira, dompotae, ”Kimehaweomo, nine mia andio mokontesaa ira tongkumami, ka umonto ira mpo'owahi sima'ulu a Datu, ka mongkona koroi-Do Dopotae, nine Ondaemo i Kerisituu, anu Mokole.”

I YOHANE 19:12

Mompu'u i tu'ai i Pilatu umungkeakono ta motola Ira, sine to Yahudi mpebooli, ”Tewala ipotola Ira, omiu komba sambe'edo Datu. Sompo mia anu tumuduo koroino kana mokole, i'ewai ira Datu.”

WINEWEUDO TINENA 24:5

Mengkaaomo ndi omami, nine mia andio onaemo haki lele, asa mia anu mompokomarisu i olodo luwuno to Yahudi i asa wawontolino anu mponto'ori gau, ka nine onae asa mia petewawado mia Sarani.

WINEWEUDO TINENA 6:11

Ka do'amba mposingki ira ba opia mia ka dompotae, ”Kimerongeomo ipepaukiako ira i Musa ka Ondae Ue Ala.”

Winali 13:10

Asalakono imewunoakono watu, ranta kai mate, hangano montooomo moko'olaikomiu inso ndi Ondae i Ue, Ue Alamiu, anu wawa komiu mpeluarako inso i wita Masiri, a ntepe'ataa.

Winali 21:21

Ka i'amba luwuno tama pe'asa kotano asalakono mewunoakono watu nana'ote atuu ranta kai mate. Asalakono kanatuumo upahihio anu mosa'o atuu inso i tonga-tongamiu. Luwuno to Isaraeli ira merongeo ka gagi medoito.

Winali 22:21

asalakono ana beine winawa meluarako i arono pewowa rahano amano. Luwuno tama pe'asa kotano asalakono mewunoakono watu, ranta kai mate, hangano mebelesu i rahano amano. Gagi isosa'ai iramo to Isaraeli. Kanatuumo asalakono ime'oninio anu mosa'o inso i tonga-tongamiu.

Winali 22:24

asalakono orua ira winawa meluarako a mpewowa langkai kota ka imewunoako ira watu, ranta ka domate: hangano ana beine atuu nahi pebooli mepetulungi maupo i kota, hangano tama atuu ipewowaliakonomo kombiano pe'asa miano. Kanatuumo asalakono ime'oninio anu mosa'o inso i tonga-tongamiu.

Winali 5:20

Si pesakosii a mpe'asa miamu gagi sakosii megaupi.

IBARANI 11:37

Mewinuno ira, meginaragadi, mempinepateako ponai; mpo'itu-itu ira mpesangkaako kulino bimba ka kulino bembe saru memarasaiako makerea, pompema'iso ka pobobarasai.