1 Mokole 20:29 - Wunta Mempori

²⁹ Opitu oleo tehineno dompekema ntepopo'aro ka a oleo anu ko'opitu pinu'uomo petea. I larono asa oleo to Isaraeli mpopepate asa etu nsowu sorodadudo to Arami anu mpelempa ngkaru.

1 Mokole 20:29 Iomraidhean Croise

Tegagia 25:20

Tinuwuno i Saki pato pulu nta'u, tempono i'alao i Ribeka, anano i Betueli, to Arami inso i Padana-Arami, pepaekompono beine i Laba, to Arami atuu, i'alao gagi beineno.

2 Samueli 10:18

Sine to Arami mpolai inso i arodo to Isaraeli. I olodo to Arami, i Daudi mompepate pitu nsowu sorodadu mpekareta, ka pato pulu nsowu sorodadu mpengara. I Sobaki, tadulako sorodadudo, ibelaio ranta ka imate i ra'ai.

1 Mokole 20:28

Tetenaa-Do Ue Ala atuu umpedaakono mokoledo to Isaraeli ka ipotae, ”Kanandio pau-Do i Ue: Hangano to Arami atuu mpotae iramo: Ondae i Ue, onaemo Ue Ala i torukuno komba Ue Ala i lembono, onaemo pu'uno luwuno sorodadu anu hadio atuu, Aku meweengako ira a ngkaemu, kai mento'orio nine Ongkuemo Ue.”

1 Mokole 20:30

Anu mehano mpolai a laro ngkota Apeki, sine rereno tehoa idunsi ira rua pulu ka opitu nsowu mia anu da mo'ia atuu. I Benihada mbo'u molai, mewiso a ngkota ka ipewuni a asa bolongko i larono.

2 Mokole 13:17

ka ipotae, ”Ungkahiomo pentangoa anu i sabaano oleo!” I'ungkahiomo. ”Pepanamo!” Motae i Elisa, ka ipepana. Ka i'amba motae i Elisa, ”Onaemo atuu ana mpana ponangia inso ndi Ondae i Ue, ana mpana ponangia a nto Arami. Konumangio Arami i Apeki ranta ka dometampula.”

2 Mokole 13:25

I Yoasi anano i Yoahasi wali mongko'alao inso a ngkaeno i Benihada, anano i Hasaeli, luwuno kota anu umari pinongko'alano i Benihada a laro mpeteaa inso a ngkaeno i Yoahasi, amano i Yoasi. Pentolu i Yoasi numangio ka wali ipongko'alao luwuno kotado to Isaraeli.

2 Tawarika 13:17

I Abia ka sorodaduno numangi ira. Inso i olodo to Isaraeli memate ira lima etu nsowu mia bininiki.

2 Tawarika 28:6

I larono asa oleo i Pekahi anano i Remalia mompepate asa etu ka rua pulu nsowu mia i Yehuda, luwuno mia anu memoroso, hangano domebinta Iramo i Ue, Ue Alano uempu'udo.

Po'unde-unde 10:16

Ondaemo mpiha i Ue Mokole ranta nahina tampulaano. Luwuno tongku tampula inso i wita-Do.

Yesaya 37:36

Ka i'amba meluarakoomo Mala'eka-Do i Ue ka mepateo asa etu halo pulu ka olima nsowu mia a mpekemaado to Asiuri. Tisomono, tempono dompewangu mia mo'oru, tengkitaomo luwuno gagiomo wata ngkoroi!

Yosua 6:15

Sine ko'opitu oleono dompewangu da mo'oru, tempono da'iaopo isaba oleo, kanampiha domentanggolilio kota atuu pepintu, butu ia oleo atuu domebolilio pepintu.

1 Samueli 17:16

I larono pato pulu oleo, mo'oru ka ngkiniwia, to Pelisiti atuu wela aiwa umewa.