1 Mokole 20:22 - Wunta Mempori

²² Ka i'amba nabi atuu rumangkuhio mokoledo to Isaraeli ka ipotaeakono, ”Lakomo, pokorosoo koroimu, to'oriomo ka pewowoloo temoiko hapa anu koweweuo, hangano a mpe'euano ta'u, mokoledo to Arami ta aiwa sumapoiko.”

1 Mokole 20:22 Iomraidhean Croise

2 Samueli 11:1

A mpe'euano ta'u, a tempono luwuno mokole wela melako mpetea, i Daudi tumenao i Yoabi lumako saru luwuno miano ka luwudo to Isaraeli. Domeropu ira inuleno i Amoni, ka domengkaduo kota Raba, sekono i Daudi mo'ia i Yerusale.

1 Mokole 19:10

Sangkino, ”Tedoa aku me'o'osu mo'angga ndi Omiu Ue, Ue Alano luwuakoano, hangano to Isaraeli mebintao pedandia-Miu, mpobangkuo luwuno meda pontunua pesomba ndi Omiu ka mpepateako ira ponai luwuno nabi-Miu. Butu ongkue asa-asaku anu da tuwu ka ondae mpo'ungke sala ira mpepate aku.”

1 Mokole 20:13

Nahi kinokoo-koo, asa nabi umpedaakono i Ahabi, mokoledo to Isaraeli, ipotae, ”Kanandiomo pau-Do i Ue: Ukitaomo ke howuno anu langkai atuu? Menteeano Aku meweengako ira oleo andio a ngkaemiu, kau to'oriokoa nine Ongkuemo Ue.”

1 Mokole 20:21

Mokoledo to Isaraeli mbo'u lumako sumapoio ngara ka kareta atuu, ka i'amba numangi ira to Arami mongkokongiri.

1 Mokole 20:26

A nta'u tudano i Benihada paresao sorodadudo to Arami ka i'amba lumako i kota Apeki ta meteaako ira to Isaraeli.

1 Mokole 20:38

Ka i'amba nabi atuu lumako ka mentade sumikorio mokole a nsala. Onae mo'onde-onde kana mia susua mompake pontutuwi mata.

1 Mokole 22:8

Sumangki mokoledo to Isaraeli ndi Yosapa, ”Da hinao mbo'u asa mia anu molalo onae topokompo'ema pontiso-Do i Ue. Sine ku'o'aliaakono hangano nahi hori mompau anu moiko mongkona ongkue, tendeano butu masolaa. Mia atuu, onaemo i Mika, anano i Yimila.” Motae i Yosapa, ”Siimo ipepau kanatuu mokole.”

2 Mokole 6:12

Asa mia inso i olodo pegawaino motae, ”Nahina maupo te'asa mia, ueku mokole, sangkadio i Elisa, nabi i Isaraeli atuumo anu pauako ira mokoledo to Isaraeli pau anu pinaumiu a mpoturiamiu.”

1 Tawarika 20:1

A mpe'euano ta'u, a tempono luwuno mokole wela melako mpetea, i Yoabi wawa ira sorodadu mpeluarako ka mengkale-kaleo witado inuleno i Amoni. Ka i'amba lumako kumaduo kota Raba, sekono i Daudi mo'ia i Yerusale. I Yoabi numangio Raba ka irongkao.

2 Tawarika 25:11

I Amasia haweako mosiano ka i'amba wawao sorodaduno i Lembono Mopa'i. Ipepateo hopulu nsowu mia inso a inuleno i Seiri.

2 Tawarika 25:8

Tewala ondae tepo'asa saru omiu, maupo kana'umpe wineweu ka rosomiu a laro mpeteaa, Ira metadiakomiu Ue Ala i arodo iwali, hangano Ondae Ue Ala hinao pabawa-Do montulungi ka mompetadiako!”

Po'unde-unde 27:14

Sikori Iramo i Ue! Pokorosoo ka pedatoomo aroamu! Sikori Iramo i Ue.

Powadi 18:10

Nee-Do i Ue onaemo menara anu moroso, i ra'aimo polaiano mia mentee ka itekadudui.

Powadi 20:18

Sinongka pinakosiako pontimbanga, onaemo pu'uno peteamo saru akala.

Yesaya 26:11

Oo Ue, kae-Miu tetande, sine nahi domengkitao. Moikoano ka domengkitao po'ehe-Miu a bawaa-Miu ka domemokoko'ii! Po'ineeomo api anu rumopu ira anu umewai Komiu sumongko ira!

Yesaya 42:8

Ongkue Ue, onaemo nee-Ku; nahi Kupeweengakono maramba-Ku a nsusuaano ke telele-Ku a ntinaha.

Yesaya 8:9

To'oriomo, hei luwuno tongku, ka tededengkemo, impekokoongakonomo, oo, luwuno siuno tolino, impepatindamo mpetea, ka tededengkemo, impepatindamo mpetea, ka tededengkemo!

EPESU 6:10

Poko'ariano, imemorosomo ndi Ondae i Ue, a morosono pabawa-Do.