1 Mokole 20:12 - Wunta Mempori

¹² Rumongeo pauno atuu, i Benihada anu kontongaano mo'inu a laika saru luwuno mokole, ipotaeako ira pegawaino, ”Patindao sorodadumu.” Domempatindao sorodadu umewaio kota atuu.

1 Mokole 20:12 Iomraidhean Croise

2 Samueli 13:28

Ka i'amba i Abisalo parenta ira miano kanandio, ”Pepenteeomo! Tempono aroano i Aminoni mawongko hangano anggoro, ka aku mepau ndi omiu: Tunduhiomo i Aminoni ka pepateo. Si medoito, kombake ongkue anu parentako? Pokorosoo aroamiu ka imegagimo mosia!”

1 Mokole 16:9

I Simiri, pegawaino anu gagi tadulako sorodadu a entongano sorodadu mpekareta, memoroko ira umewaio. Tempono i Ela mo'inu ranta kai molangu i Tiresa, i rahano i Arisa anu gagi petewawa langkanae i Tiresa,

1 Mokole 20:16

Ntonga oleo, melako iramo mposapoi, kontonggano mo'inu i Benihada ranta kai molangu a laikano saru tolu pulu ka orua mokole anu mokowalio.

Yeremia 43:10

Ka u'amba pauako ira: Kanandiomo pau-Do Ueno luwuakoano, Ue Alado to Isaraeli: Menteeano, Ongkue montena mia tumotowoo i Nebukanesa, mokole i Babeli, tetenaa-Ku atuu. Aku numaao kadera poparentaano a luwuno watu anu Kutenaomo wunio andio, ka onae ta wileo umpeo tekosi langkaino potorono i wawono.

Danieli 5:2

Kontongaano molanguako anggoro, i Belesiasari montena mia wawao parewa wulaa ka salaka anu inalano i Nebukanesa, amano, inso a laro Raha Mempori i Yerusale, ka dompo'inuario mokole ka anu langkai potorodo a poparentaano, luwuno kombiano ka samburueno.

Danieli 5:30

Ia wongi koa mbo'u atuu i Belesiasari, mokoledo to Kasidimi atuu pinepate.

I LUKASI 21:34

”Dagaiomo koroimiu, ka si aroamiu bukeako pogawea ka molangua saru luwuno po'eheno wawontolino ka si mansa mepobingko hawe oleo-Do i Ue a ngkoroimiu kana aasa oho.

EPESU 5:18

Ka si memolanguako anggoro, hangano anggoro mompokohina po'eheno koroi, sine po'ineeomo ka imebukeako Penaa,

1 Samueli 25:36

Mansano hawe i Abigai ndi Naba, onae kontongaano morame-rame langkai i rahado kana porame-ramedo mokole. Mawongko ntu'u aroano i Naba ka tedoa molangu. Onaemo pu'uno ranta ka isaba oleo, beine atuu nahi pompauakono hapa-hapa ndi Naba.