1 Mokole 20:1 - Wunta Mempori

¹ I Benihada, mokoledo to Arami pumpu ira luwuno sorodaduno, tolu pulu ka orua mokole perongano saru ngara ka kareta, ka i'amba lumako kumaduo Samaria ka meteaakono.

1 Mokole 20:1 Iomraidhean Croise

1 Mokole 15:18

Sine i Asa umalao luwu wulaa ka salaka anu da kongko a laro ponaapa arataano raha-Do i Ue ka anu ninaa i laro ponaapa arataa a rahado mokole, ka i'amba meweengakono a ngkaedo pegawaino. Ka i'amba mokole Asa tumena ira melako ndi Benihada anano i Taberimoni anano i Hesioni, mokoledo to Arami anu mo'ia i Damasi, saru pe'oliwi,

1 Mokole 15:20

I Benihada rumongeo po'emano mokole. Itena ira tadulako sorodaduno sumapoio luwuno kota i Isaraeli. Ioni, Dani, Abeli-Beti-Ma'aka, ka luwuno Kineroti saru luwuno wita Napatali, inangiomo.

1 Mokole 16:24

Ka i'amba umolio torukuno Samaria inso ndi Semeri orua talenta salaka. Iwanguo kota i torukuno atuu ka ineeakono Samaria, montonda neeno i Semeri, ueno torukuno atuu.

1 Mokole 20:16

Ntonga oleo, melako iramo mposapoi, kontonggano mo'inu i Benihada ranta kai molangu a laikano saru tolu pulu ka orua mokole anu mokowalio.

1 Mokole 20:2

Onae montena mia lumako i kota atuu ndi Ahabi, mokoledo to Isaraeli,

1 Mokole 20:24

Weweuomo kanandio: Ipokompenaa-naa ira luwu mokole atuu singge mia inso a potorono, ka ipotoro ira kapala daera umeu ira.

1 Mokole 22:31

Kontongaano atuu mokoledo to Arami parenta iramo luwuno tadulako sorodadu mpekareta anu porokono tolu pulu ka orua mia, kanandio, ”Siimo impetea umewaio maupo isema langkai ke kodei, sangkadio mokoledo to Isaraeli.”

2 Mokole 6:8

Mokole i wita Arami kontongaano metea umewai ira to Isaraeli. Mansano teriso saru luwuno pegawaino, ipotae, ”A mpo'ianga andio ka atuu asalakono impetii mpontowoki.”

2 Mokole 8:5

Kontongaano tumutuluako ira mokole mongkona i Elisa anu motuwuo nana'ote anu mate atuu, haweomo beine anu anano pinotuwuno atuu pauo ndi ondae mokole mongkona raha ka lereno. Motaeomo i Gehasi, ”Oo ueku mokole! Onaemo andio beine atuu ka onaemo andio anano anu pinotuwuno i Elisa.”

Esera 7:12

”I Aritahasasita, mokoleno luwuakoano mokole, hawe ndi Esera, sando mpesomba ka tedoa pande a Taura-Do Ue Alano asa wawolangi, ka anu nahina tampulaano. Kanandio-andio,

Peluarakoa 14:7

Iwawa ira luwu kareta i Masiri tewinso saru nomo'etu kareta anu tebiniki pe'ulaado tadulako sorodadu.

Yesaya 10:8

Ipotae, ”Kombake tadulako sorodaduku atuu luwuno mokole?

Yesaya 37:24

Molalo luwuno tinenamu upokongkodei Iramo i Ue. Upotae, ’Saru hadiono karetaku ongkue mewuatako a luwuno po'ianga mantande a mentorukuno, a mpo'ianga anu lalu olai i torukuno Libano; kutuehi ira keu arasino anu me'ondau ka langkai, keu sinobarino anu tebiniki; hawe akumo a punsuno anu lalu mantande, a ntobuno anu mokapa.

Yeremia 49:27

Aku molangao api a rere watuno Damasi, anu mokomo'aio luwuno benteno i Benihadadi.”

Yehesikieli 26:7

Hangano, kanandiomo pau-Do Ue Ala: Mentee ntu'u, Aku wawao i Nebukanesa, mokole i Babeli inso i utara, mokoledo luwuno mokole, ka i'ewaio Tirusi mompake ngara, kareta, sorodadu mpengara, ka tepumpuno sorodadu anu hadio.

Danieli 2:37

Oo ueku mokole, mokoleno luwuno mokole, Ondae Ue Alano asa wawo langi meweengakono ndi omiu ueku poparentaa, pabawa, roso ka marambaa.

Imama 26:25

ka Aku mompotii ndi omiu aasa ponai anu ta weweuo pombaloa hangano linalo pedandia atuu; tewala mpepumpu komiu te'ipua i luwuno kotamiu, ka Ku'amba mompotola haki mesaki i tonga-tongamiu ka komiu mempineweengako a ngkaedo iwali.

Amosi 1:4

Aku mompotola api a laro langkanaeno i Hasaeli, ranta luwuno benteno i Benihada mo'ai luwu;

Winali 20:1

”Tewala mpeluarako komiu mpetea umewai ira iwalimiu, ka imengkitao ngara ka kareta, sorodadu anu lalu hadio sekono omiu, simedoitoako ira, hangano Ondae i Ue, Ue Alamiu, anu tumaatekomiu mpeluarako inso i wita Masiri, kumongkomikomiu.

Winali 28:52

Komiu mengkinadu a luwuno kotamiu, ranta kai tehoa luwuno rerewatumiu anu mantande ka mebente, anu pinerorohimiu i luwuno witamiu. Tendeano komiu mengkinadu i larono luwuno kotamiu, a luwuno wita anu Doweeakomiu i Ue, Ue Alamiu.

Puu Mpobitara 1:7

Motae i Adoni-Bese, ”Hinao pitupulu mokole anu tinotopi ine ntoniso kaeno saru ine ntoniso karuno. Mpobini ira toreano kaanga a ntoto medaku; kanamo anu wineweuku, kanandiomo Dosulooakune i Ue Ala ndi ongkue.” Ka do'amba mewawao i Yerusale, ka imate i ra'ai.

Puu Mpobitara 4:3

Mpebooli iramo to Isaraeli ndi Ondae i Ue, hangano hinao osio etu kareta labuno i Sisera ka ipokonsii ira to Isaraeli rua pulu nta'u tehineno.

1 Samueli 13:5

To Pelisiti mpepumpu melako mpetea umewai ira to Isaraeli, tolu pulu nsowu kareta mpe'iwali, nomo nsowu sorodadu mpengara, ka sorodadu mpelempa kana one i wiwi ntahi hadiono. Melako iramo ka dompekema i Mikamasi, i sabaano oleo Beti-Awena.