1 Mokole 2:7 - Wunta Mempori

⁷ Sine, asalakono ka upopokitao pompehohawa a luwuno anano i Barisilai, to Gileadi atuu. Po'ineeomo ondae tewinso bawaa anu mpongkaa a medamu, hangano kanatuumo domentotowo aku i tempono kupolai inso ndi Abisalo, pepaekompomu.

1 Mokole 2:7 Iomraidhean Croise

Tegagia 40:14

Sine, rambe aku koa tempono teweweumu wali moiko. Popokitaomo pe'aroamu ndi ongkue ka ututuluakono i Pirao mongkona ongkue, ka doluarako aku inso a raha andio.

2 Samueli 19:28

Hangano luwuno somborido amaku lano ondaemo mia anu tekona ihuku mate ira ueku mokole. Sine omiu ueku ipakosiomo atamiu andio i olodo mia anu mpongkaa mpe'asa meda saru omiu. Hapapo mbo'u anu ta inemaku ndi omiu mokole?”

2 Samueli 9:10

Asalakono witano ka u'anggaakono, omue ka luwuno anamu ka luwuno atamu. Asalakono ka unaao wuano, ka ihina koa kaangado ana uedo, uemu. I Mepibose, ana ueno, uemu atuu, ta mongkaa merongaakune mpiha.” Anano i Siba hopulu ka olima ira tama ka rua pulu ira atano.

2 Samueli 9:7

Motae i Daudi ndi onae, ”Sii doito, nde ongkue asalakono aku mopokitao pompehohawaku ndi omue hangano amamu i Yonata. Aku mokuleo ndi omue luwuno lereno uemu i Saulu, ka omue, kowela mongkaa meronga saru ongkue.”

2 Mokole 25:29

Onae ineheako mo'uo sangka torungkuno ka ineheako mbo'u mongkaa i arodo mokole asa ntinuwuno.

2 Mokole 25:30

Gagi pepotuwuno, ondae mokole wela moweeakono pototono anu kinereno sompo oleo asa ntinuwuno.

Esera 2:61

Ka inso i olono inuledo sando mpesomba: inuleno i Habaia, inuleno i Hakosi, inuleno i Barisilai. I Barisilai atuu mekombiaako asa beine to Gileadi, anano i Barisilai, onaemo ka inineeako montonda neeno amano beine atuu.

Powadi 27:10

Si bintao walimu ka walino amamu. Si aiwa a rahano pepaekompomu i tempono omue urasa'o. Moikoopo pehori raha anu umpeda sekonopo pepaekompo anu olai.

Yeremia 52:33

Onae moiko i'euo sangkano a torungku ka moikoomo mpiha ipongkaa i arodo mokole asa ntinuwuno.

I LUKASI 12:37

Meme'ura iramo ata anu ihawe ira uedo mpedaga-dagai tempono ihawe. Kupauakomiu: Menteeano onae ta meboo ntonga ka itena ira mpentoro mpongkaa, ka onae ta aiwa mekakaako ira.