1 Mokole 2:6 - Wunta Mempori

⁶ Gagi weweumo te moiko ka sipo'ineeo mia me'uwaomo atuu metii moiko a mpo'iangado mia mate.

1 Mokole 2:6 Iomraidhean Croise

Tegagia 42:38

Sine sangkino, ”Anaku atuu nahi ta lumako merongaakomiu, hangano pepaekompono mateomo ka butumo koa onae anu mo'ia. Tewala masolaa umaluo a nsala anu tinondamiu, komiu meweweuo wuu me'uwa andio metii a mpo'iangado mia mate a laro masusaa.”

Tegagia 9:5

Sine, a reamu, onaemo penaamu, Aku motuntu pombalo; inso a luwuno kondehora, Aku tumuntuo, ka inso a sompo mia, Aku tumuntuo penaano pe'asa miano.

Tegagia 9:6

Isema mo'uwu reano mia, reano ira me'uwuo mia, hangano mia pinokogagi, montonda gambara-Do Ue Ala.

2 Samueli 3:39

Maupo umari akumo inurapi gagi mokole, ongkue kanandio-andio me'aroa akumo, sine mia atuudo, luwuno anano i Seruya, tedoa kupelambaha ira. Po'ineeomo Ondae i Ue sumuloo wineweuno mia anu mosa'o menunu kana mosa'ono.”

1 Mokole 2:7

Sine, asalakono ka upopokitao pompehohawa a luwuno anano i Barisilai, to Gileadi atuu. Po'ineeomo ondae tewinso bawaa anu mpongkaa a medamu, hangano kanatuumo domentotowo aku i tempono kupolai inso ndi Abisalo, pepaekompomu.

1 Mokole 2:9

Kanandio-andio si potolao inso a mpohuku, hangano omue anu pande mompewowolo ka tumo'orio hapa anu asalakono koweweuo ndi onae; omue asalakono weweuo mia anu me'uwa atuu ka ipetii medoloako rea a mpo'iangado mia mate.”

1 Mokole 3:12

onaemo pu'uno Aku weweuo menunu saru po'emamu. Menteeano Aku moweeakomu aroa pande mompewowolo ka bukeako ponto'ori, ranta se'eluno omue nahina te'asa mia kana omue, maupo pepaekompomu nahi ta hina te'asa mia kana omue.

2 Mokole 22:20

Onaemo pu'uno, menteeano Aku pumpuko saru uempu'umu, ka kokinaburu moiko, ka matamu nahi ta kumitao luwuno masolaa anu Aku motiio a mpo'ianga andio.” Ka do'amba mpohaweo sangki atuu ndi ondae mokole.

Po'unde-unde 37:37

Pekokoongakono mia anu moleo aroano ka pepenteeomo mia anu nahi molengku, hangano a mia anu ineheno manangai ta hina oleo ramaino;

Powadi 20:26

Mokole anu pande mosongka mokonto'ori ira mia mosa'o gaudo, ka ileloako ira roda ponsesaa.

Powadi 28:17

Mia anu montanggumi reano mia susua ta molai hawe a laro ngkaburu. Si ontoo!

Puu Pontutulu 8:11

Hangano pohuku a wineweu mosa'o nahi ronga pinolempa, aroado anano mia buke pontoo ira mpoweweu mosa'o.

Yesaya 48:22

Pau-Do i Ue, ”Nahina rodoa tiado mia mosa'o gau!”

Yesaya 57:2

Sine onae ta mewinso a laro sintuwua; mia anu tuwu moleo aroa mohawe mateano a wawo mpoturiano.

Yesaya 57:21

Nahina manangai tiado mia mosa'o gaudo atuu,” pau-Do Ue Alaku.

Yesaya 65:20

I tu'ai nahi ta hina mbo'u nana'ote anu tuwu butu ba'opia oleo ke mia mota'u anu nahi haweako tende ntinuwu, hangano isema anu mate a ntinuwu asa etu nta'u da ta pinotaeako mongura, ka isema anu nahi haweako asa etu nta'u ta pinotaeako kona ntotonaa.

Podoaa 35:33

Si mensosa'orio wita po'iangamiu, hanganomo rea anu sumosa'orio wita atuu. A wita atuu nahi pinokompoweweuako pesintuwua, hangano rea anu te'uwu i ra'ai, sangkadio saru reano mia anu umuwuomo.