1 Mokole 2:5 - Wunta Mempori

⁵ Ka omue mbo'u uto'orio hapa anu wineweuno i Yoabi, anano i Seruya ndi ongkue, hapa anu wineweuno ndi Abinere anano i Nere ka i Amasa anano i Yetere, orua ira tadulako sorodadu to Isaraeli. Ipepate ira ka mo'uwu rea i tempono manangai kana tempono peteaa, ranta sulepeno ka sandalano rea luwu.

1 Mokole 2:5 Iomraidhean Croise

2 Samueli 17:25

I Abisalo umariomo montoroo i Amasa umeuo i Yoabi gagi petewawa sorodadu. I Amasa onaemo anano asa mia anu meneeako i Yitira, to Sumaila anu kumombiao i Abigai anano i Nahasi, beine pepaekompono i Seruya ineno i Yoabi.

2 Samueli 18:12

Sine ipotae mia atuu ndi Yoabi, ”Maupo kupohawe asa nsowu lempe salaka a ngkaeku, nahi aku motiio kaeku umewaio anano mokole atuu hangano kimerongeo omami mami ondae mokole parenta komiu ka mbo'u ndi Abisai ka ndi Itai, kanandio: Kaduduiomo i Abisalo, mia mongura atuu, hangano ongkue.

2 Samueli 18:14

Motae i Yoabi, ”Nahi kubehe montadi-tadi tempo saru omue kanandio.” Ka i'amba mo'ala otolu pando ka ipetoboakono a radano i Abisalo anu damenaa, i olono sampa-sampa keu tarabanti atuu.

2 Samueli 18:5

Ondae mokole parenta ira i Yoabi, i Abisai ka i Itai, kanandio, ”Pekakaakono i Abisalo, mia mongura atuu temoiko hangano ongkue.” Luwuno sorodadu merongeo tempono ondae mokole parenta ira luwuno petewawa sorodadu mongkona i Abisalo.

2 Samueli 2:13

I Yoabi, anano i Seruya ka luwuno atano i Daudi mpelungka ira koa mbo'u. Pada ira ntepo'aro i limbo Gibeo. Anu asa ntia mo'ala po'ianga a wiwino limbo ngkoramai ka asa ntiano mbo'u a wiwi limbo ngkoraane.

2 Samueli 2:18

I Yoabi, i Abisai, ka i Asaeli, otolu ira ana ntamano i Seruya, kongko ira i ra'ai. I Asaeli magasi peluluno kana lagiwa a mpada.

2 Samueli 20:10

I Amasa nahi tangkoroo ponai anu a ngkaeno i Yoabi atuu. I Yoabi metoboakono ponai atuu a kompono, ranta ka ite'uweti ihi kompono a wita. Siimo pendua itoboo, hangano mateomo. Ka i'amba i Yoabi ka i Abisai, uaino, motilalo lumuluo i Seba anano i Bikiri.

2 Samueli 3:27

Tempono i Abinere mekule i Heberoni, i Yoabi umoluakono lumako i horino, i larono pewowa langkai atuu, kana-kana ta mepauakono butu ondaedo. I ra'ai itoboo kompono i Abinere ranta kai mate, hangano reano i Asaeli, uaino.

2 Samueli 3:39

Maupo umari akumo inurapi gagi mokole, ongkue kanandio-andio me'aroa akumo, sine mia atuudo, luwuno anano i Seruya, tedoa kupelambaha ira. Po'ineeomo Ondae i Ue sumuloo wineweuno mia anu mosa'o menunu kana mosa'ono.”

1 Mokole 1:7

Onaemo ka itepopauakono i Yoabi, anano i Seruya ka sando mpesomba i Abiata. Ka i'amba ondae gagi mpentonda ndi Adonia.

1 Mokole 2:32

Ondae i Ue Ira mopotembiakono reano ndi onae, hangano ipepate iramo orua mia anu laluopo mentee ka moiko sekono onae. Saru ponai ka nahi doto'orio amaku i Daudi, ipepateo i Abinere anano i Nere, tadulako sorodadu Isaraeli, ka i Amasa anano i Yeteri, tadulako sorodadu Yehuda.

Yeremia 2:34

A lembamu hinawe mbo'u reado mia mongkokolaro anu nahina salado; Uhawe ira komba a tempo tekonai mponako! Maupo luwuno atuu anu gagi,

Yeremia 6:15

Bakanaano ondae memokoko'ii, hangano ondae mpoweweu hapa anu mokoburu. Sine maupo tedei nahina mokoko'iido ka nahi domponto'ori mokoko'ii. Onaemo pu'uno ira ntebangku i olodo mia anu ntebangku; ira ntebangkuako tetidu i tempono Kuhuku ira, pau-Do i Ue.”

I MATIU 3:4

I Yohane mesangkaako lemba meloe inso a wulu unta, ka boo-boono kuli ka kaangano io kosume ka siu hoani.

Winali 27:24

’Tetotonaaomo mia anu mewuni-wuni mompepate pe'asa miano.’ Luwuno tungku atuu asalakono mpotae, ’Ami!’