1 Mokole 2:4 - Wunta Mempori

⁴ ka Ondae i Ue Ira umihiio dandi anu pinau-Do mongkona ongkue: Tewala luwuno anamu mekongko ira mentuwu mpetenunu i aro-Ku, tompaano aroado ka tompaano tinuwudo manasa inulemu nahi ta te'otu inso a ngkadera poparentaa i Isaraeli.

1 Mokole 2:4 Iomraidhean Croise

Tegagia 17:1

Tempono i Burama tinuwuno sio pulu ka osio nta'u, Ondae i Ue mepopokita ndi Burama ka Dopepau ndi onae, ”Ongkuemo Ue Ala Anu Tedoa Pabawa, tuwumo i aro-Ku saru nahina tataano.

Tegagia 18:19

Hangano Kubinikiomo, ka iparenta ira anano ka inuleno ka dokongko mentondao sala-Do i Ue saru mpoweweu menteea ka moleoa; ka Dopoweeakono mbo'u i Ue i Burahima hapa anu dinandi-Do ndi onae.”

2 Samueli 7:25

Kanandio-andio, oo Ue Ala, dandi anu pinau-Miu mongkona tetenaa-Miu andio ka somborino I'ihiiomo ranta nahina tampulaano ka Iweweuomo kana anu dinandi-Miu atuu.

1 Mokole 1:48

ka dopotae, ’Inunde-unde Iramo i Ue, Ue Alado to Isaraeli, hangano oleo andio Dopotoroomo asa inuleku mentoro a ngkadera poparentaaku, ka ongkue isa'a da pokosakosiio’.”

1 Mokole 11:36

Ndi anano Aku weeakono asa suku, kaihina mpiha inuleno tetenaa-Ku i Daudi i aro-Ku i Yerusale, kota anu Kubinikio kai po'ia nee-Ku i ra'ai.

1 Mokole 3:14

Umarino atuu, tewala omue tuwu montonda sala-Ku ka mekariao luwuno pompakosi ka parenta-Ku, kana anu wineweuno i Daudi, amamu, manasa Aku moweeakomu tinuwu anu melai.”

1 Mokole 3:3

I Salomo mehohawa Ira i Ue saru tuwu montonda luwuno pompakosino i Daudi, amano. Butumokoa, onae da mompesombaako pesomba sinumbele ka dupa a pongku-pongkuno wita pompesombaa.

1 Mokole 6:12

”Mongkona raha anu kontongaamu wanguo andio, tewala tuwuko menunu saru luwuno pompakosi-Ku ka metenunu weweuo luwuno atora-Ku saru mekariao luwuno parenta-Ku saru molempao, Aku umihiio dandi-Ku ndi omue anu Kupauomo ndi Daudi, amamu,

1 Mokole 8:23

ka ipotae, ”Oo Ue, Ue Alado to Isaraeli! Nahina Ue Ala kana Omiu, moiko i langi anu i wawono maupo i tolino anu i totono. Omiu anu mekariao pedandia ka pompehohawa a luwuno tetenaa-Miu anu tuwu tompaano aroano i aro-Miu.

1 Mokole 8:25

Kanandio-andio Oo Ue, Ue Alado to Isaraeli, Ipekariaomo hapa anu dinandi-Miu ndi tetenaa-Miu i Daudi, amaku, ka ipepau: Nahi ta hori te'otu i aro-Ku inulemu anu ta mentoro a ngkadera poparentaa i Isaraeli, tewala dompekario anamu salado saru mentuwu i aro-Ku, mengkena kana utuwu i aro-Ku.

1 Mokole 9:5

Aku mokorosoo kadera poparentaamu a nto Isaraeli, anu nahina tampulaano, kana anu Kudandiakonomo i Daudi, amamu, saru mepau: Inulemu nahi ta hori te'otu inso a ngkadera poparentaa i Isaraeli.

2 Mokole 20:3

”Oo Ue, po'ineomo Irambeo nine tuwu akumo metenunu i aro-Miu ka moleo aroa; moweweu akumo hapa anu moiko a pongkita-Miu.” Ka i'amba i Hisikia mengese mongkoko'undu.

2 Mokole 23:25

Se'eluno onae nahina mokole kana onae anu mepokule ndi Ondae i Ue a tompaano aroano ka tompaano tinuwuno ka saru tompaano rosono, menunu saru luwuno Taurano i Musa. Umarino onae nahina mbo'u me'umbaako mokole kana onae.

2 Mokole 23:3

Ka i'amba mokole mentade umpeda a ngkaru raha pesombaa ka moweweu pedandia i aro-Do i Ue ta tumonda Ira i Ue, mekariao luwuno parenta-Do, atora-Do ka pompakosi-Do a tompaano aroa ka tompaano sumanga, ka umihiio pau pedandia anu teburi a wunta atuu. Luwuno palili mengkorahakono pedandia atuu.

1 Tawarika 28:9

Ka omue anaku Salomo, to'oriomo Ue Alano amamu ka pesombamo ndi Ondae tompaano aroa ka bobotoli aroamu, hangano Ondae i Ue paresao sompo aroa ka tumo'orio sompo tinoo. Tewala omue umungke Ira, kohumawe Ira, sine tewala omue binta Ira, Ira tumadiko ranta nahina tampulaano.

2 Tawarika 17:3

Ondae i Ue kumongkomio i Yosapa, hangano onae tuwu tumondao sala ntumuwuno amba-ambano i Daudi, uempu'uno, ka nahi ungke ira Baala,

2 Tawarika 6:16

Kanandio-andio, oo Ue Alano i Isaraeli, Ipekariaomo hapa anu dinandi-Miu ndi tetenaa-Miu i Daudi, amaku, ka Ipepau: Nahi ta otu i aro-Ku inulemu anu ta mentoro a wawo ngkadera poparentaa Isaraeli, tewala luwuno anamu mpekariao sala tumuwudo mentondao songka-Ku, mengkena kana utuwu i aro-Ku.

2 Tawarika 7:18

manasa Aku mokorosoo kadera poparentaamu menunu saru pedandia anu Kuwutuomo saru i Daudi, amamu, saru mepau: Nahi ta te'otu inulemu anu moparenta a nto Isaraeli.

Po'unde-unde 119:9

Kana'umpe idagaio mia mongura peleluno ka si hina tataano? Saru me'ini a mpau-Miu.

Po'unde-unde 37:22

Menteeano, mia anu rinonso-Do i Ue ta me'ueo wita andio, sine luwuno mia anu tinotonaa-Do ira mempinokotampula.

Po'unde-unde 37:9

Hangano mia anu moweweu mosa'o ta pinokotampula, sine mia anu sumisikori Ira i Ue ta me'ueo wita andio.

Po'unde-unde 39:1

Tiano petewawa puu mpenani. Tiano i Yedutuni. Penani po'unde-undeno i Daudi.

Yeremia 33:17

Hangano kanandiomo pau-Do i Ue: Nahi ta te'otu inuleno i Daudi anu mentoro a ngkadera poparentaado suku Isaraeli;

Imama 26:3

Tewala mentuwu komiu montonda pompakosi-Ku ka kongko mpe'ini a parenta-Ku saru meweweuo,

Sakaria 14:2

Aku pumpu ira luwuno tongku ka dompeteaakono Yerusale. Kota atuu ta pinongko'ala, luwuno raha ta rinontu ka luwuno beine ta pinewowaliako. Entonga inso a mpalilino kota atuu asalakono melako a pontadia, sine anu susuano inso a tongku atuu nahi ta pinokotampula inso i kota atuu.

I MATIU 22:37

Sumangki Ira i Yesu ndi onae, ”Pehohawa Iramo i Ue, Ue Alamu, tompaano aroamu ka tompaano sumangamu ka tompaano pompewowolomu anu mentee.

I LUKASI 1:6

Orua ira tuwu mentee i aro-Do Ue Ala ka tuwu montonda luwuno parenta ka pompakosi-Do i Ue ka nahina tataado.

Winali 10:12

Kanandio-andio, hei to Isaraeli, hapa anu tinuntu-Do i Ue, Ue Alamiu, inso ndi omiu, sangkadio doitoako Ira i Ue Alamiu, tuwu montonda luwuno sala-Do, mehohawa Ira, mesomba ndi Ondae i Ue, Ue Alamiu a tompaano aroamiu ka a tompaano sumangamiu,

Winali 11:13

Tewala mentee ntu'u imperorongeakono parenta anu kupohaweakomiu a oleo andio, ranta kai mpehohawa Ira i Ue, Ue Alamiu, ka mpesomba ndi Ondae a tompaano aroamiu ka a tompaano sumangamiu,

Winali 6:5

Pehohawa Iramo i Ue, Ue Alamu, saru tompaano aroamu ka saru tompaano sumangamu ka saru tompaano rosomu.

Winali 7:12

Tewala imerongeo luwuno atora atuu, impe'ini ndi onae, ka imeweweuo, gagi ndi omiu, Ondae i Ue, Ue Alamiu, Ira me'ini a mpedandia ka pompehohawa anu pinau-Do saru sumpa ndi ondae uempu'umiu.

YUDASI 1:24

Ndi Ondae, anu pabawa modagai ka si ntetidu ka anu wawa komiu nahina tataano ka buke mawongkoa i arono maramba-Do,