1 Mokole 2:33 - Wunta Mempori

³³ Reado ta pinopotembiako ndi Yoabi ka inuleno ranta nahina tampulaano, Sine i Daudi ka inuleno saru somborino ka kadera poparentaano ta mohawe manangaia inso ndi Ondae i Ue ranta nahina tampulaano.”

1 Mokole 2:33 Iomraidhean Croise

Tegagia 42:22

Ka i'amba i Rube sumangki ira, ”Kombake i ndi'ipua kupotaeakomiu: Si mpoweweu hala a nana'ote atuu! Sine, nahi mperorongeakono pinauku. Kanandio-andio reano tinuntu ndi ontae.”

2 Samueli 14:9

Motae beine to Tekoa atuu ndi ondae mokole, ”Humbee ueku mokole, anu sala atuu kususuruo saru somboriku, sine ondae mokole saru kadera poparentado nahina salado.”

1 Mokole 2:32

Ondae i Ue Ira mopotembiakono reano ndi onae, hangano ipepate iramo orua mia anu laluopo mentee ka moiko sekono onae. Saru ponai ka nahi doto'orio amaku i Daudi, ipepateo i Abinere anano i Nere, tadulako sorodadu Isaraeli, ka i Amasa anano i Yeteri, tadulako sorodadu Yehuda.

1 Mokole 2:44

Mepau ira mbo'u mokole ndi Simei, ”Omuemu isa'a tumo'orio i laro aroamu luwuno wineweumu anu mosa'o ndi Daudi, amaku. Gagi, Dopopotembiakomumo i Ue wineweumu anu mosa'o a ngkoroimu omuemu.

1 Mokole 8:32

po'ineeomo Irongeo i suruga, Iweweuo ka Ibitara ira tetenaa-Miu: humukuo anu sala saru mombalo wineweuno a ngkoroino onaeno, ka mokomenteeo mia anu mentee, saru moweeakono ponsulo menunu saru menteeno.

2 Mokole 5:27

Sine, haki ngkuli anu umaluo i Na'ama ta metako ndi omue ka ana'uemu ranta nahina tampulaano.” Ka i'amba meluarako i Gehasi inso i arono; onae i'aluo haki ngkuli, mpute kana uwoi baku.

1 Tawarika 17:27

Kanandio-andio Ipemoikoo rumonsoo somborino tetenaa-Miu andio, kai kongko mpiha i aro-Miu ranta nahina tampulaano. Hangano Omiu, oo Ue umariomo rumonsoo, onaemo ka irinonso ranta nahina tampulaano.”

Po'unde-unde 101:8

Sompo mo'oru aku mepate ira luwuno mia mosa'o gauno i wita andio; ka kupokotampulao inso a ngkota-Do i Ue, luwuno mia anu moweweu mosa'o.

Po'unde-unde 132:12

tewala luwuno anamu mpe'ini a mpedandia-Ku, ka a luwuno atora-Ku anu Kupaguruako ira, asalakono luwuno anado ranta nahina tampulaano ira mpentoro a wawo ngkadera poparentaamu.”

Po'unde-unde 21:4

Hangano Omiu tumotowoakono ronso anu hadio ntu'u; Omiu monaa ramba-ramba ulu inso a wulaa mpena a wawo uluno.

Po'unde-unde 89:29

Onae Aku koa mehohawao mpiha ranta nahina tampulaano, ka pedandia-Ku moroso ndi onae.

Powadi 25:5

Tadiomo mia mosa'o gauno inso i arono mokole, ka morosoomo kadera poparentaano hangano moleoa.

Yehesikieli 17:19

Onaemo pu'uno, kanandiomo pau-Do Ue Ala: A nee-Ku anu tuwu, manasa Aku motiiakono a uluno sumpano ndi Ongkue anu pine'uru-uruno ka pedandia-Ku anu hinapuno.

Podoaa 32:23

Sine tewala nahi mpoweweu kanatuu, mentee ntu'u ntehala komiu ndi Ondae i Ue, ka komiu mpopembasai, nine halamiu atuu ta umalukomiu.

I MATIU 27:25

Ka luwuno palili atuu mesangki, ”Po'ineeomo reano pinoposuruako ndi omami ka a luwuno anamami!”

I LUKASI 2:14

”Marambaa tia-Do Ue Ala a mpo'ianga anu lalu i wawono ka rodoa i tolino i olodo mia anu pinemoiko-Do.”

WINEWEUDO TINENA 18:6

Sine mansado mpe'iwaliakono mia ka mpepaukiakono, itantamio pampawu inso a sangkano ka ipotaeako ira, ”Po'ineeomo ka ite'uwu reamiu a wawo ulumiu omiu-miu; ongkue morina, nahina salaku. Mompu'u kanandio-andio aku lumako a tongku susua.”

Puu Mpobitara 9:24

Nde kanandiomo lambahado a pitu pulu anano i Yeruba'ala tembalo ka reado pinopokonaiako ndi Abimele, pepaekompodo anu mepate iramo ka a mpalili kota Sikeme anu mokowalio mepate ira luwuno pepaekompono atuu.