1 Mokole 2:32 - Wunta Mempori

³² Ondae i Ue Ira mopotembiakono reano ndi onae, hangano ipepate iramo orua mia anu laluopo mentee ka moiko sekono onae. Saru ponai ka nahi doto'orio amaku i Daudi, ipepateo i Abinere anano i Nere, tadulako sorodadu Isaraeli, ka i Amasa anano i Yeteri, tadulako sorodadu Yehuda.

1 Mokole 2:32 Iomraidhean Croise

Tegagia 4:11

Kanandio-andio, tetotonaakomo, tensia inso a wita anu menganga tumarimao reano uaimu atuu inso a ngkaemu.

Tegagia 42:22

Ka i'amba i Rube sumangki ira, ”Kombake i ndi'ipua kupotaeakomiu: Si mpoweweu hala a nana'ote atuu! Sine, nahi mperorongeakono pinauku. Kanandio-andio reano tinuntu ndi ontae.”

Tegagia 9:6

Isema mo'uwu reano mia, reano ira me'uwuo mia, hangano mia pinokogagi, montonda gambara-Do Ue Ala.

2 Samueli 1:16

Motae i Daudi ndi onae, ”Ususuruo omuemu reamu, nde hangano paumu omuemu gagiomo sakosii umewaiko ka upotae: Kupepateomo mia anu inurapi-Do i Ue.”

2 Samueli 17:25

I Abisalo umariomo montoroo i Amasa umeuo i Yoabi gagi petewawa sorodadu. I Amasa onaemo anano asa mia anu meneeako i Yitira, to Sumaila anu kumombiao i Abigai anano i Nahasi, beine pepaekompono i Seruya ineno i Yoabi.

2 Samueli 3:29

Po'ineeomo atuu ipinopotembiako a uluno i Yoabi ka a luwuno pe'etuno. Po'ineeomo a inuleno i Yoabi nahi hori otu-otu mia anu moluarako nana, mia anu haki ngkuli mesaki, tama anu gagi puu pongkoloro, mia anu mateako ponai ba anu makuraako kaanga.”

2 Samueli 3:37

I oleo atuu domento'oriomo luwu palili ka luwudo to Isaraeli nine mateno i Abinere anano i Nere, komba tinoodo mokole.

2 Samueli 3:39

Maupo umari akumo inurapi gagi mokole, ongkue kanandio-andio me'aroa akumo, sine mia atuudo, luwuno anano i Seruya, tedoa kupelambaha ira. Po'ineeomo Ondae i Ue sumuloo wineweuno mia anu mosa'o menunu kana mosa'ono.”

2 Samueli 4:11

Tamoako kanandio-andio, tempono mia melambaha mpompepate asa mia mentee, a mpoturiano i rahano onaeno, kana'umpe ka nahi aku tumuntuo reano inso ndi omiu ka rumopu komiu inso i tolino?”

1 Mokole 2:44

Mepau ira mbo'u mokole ndi Simei, ”Omuemu isa'a tumo'orio i laro aroamu luwuno wineweumu anu mosa'o ndi Daudi, amaku. Gagi, Dopopotembiakomumo i Ue wineweumu anu mosa'o a ngkoroimu omuemu.

1 Mokole 2:5

Ka omue mbo'u uto'orio hapa anu wineweuno i Yoabi, anano i Seruya ndi ongkue, hapa anu wineweuno ndi Abinere anano i Nere ka i Amasa anano i Yetere, orua ira tadulako sorodadu to Isaraeli. Ipepate ira ka mo'uwu rea i tempono manangai kana tempono peteaa, ranta sulepeno ka sandalano rea luwu.

1 Mokole 8:32

po'ineeomo Irongeo i suruga, Iweweuo ka Ibitara ira tetenaa-Miu: humukuo anu sala saru mombalo wineweuno a ngkoroino onaeno, ka mokomenteeo mia anu mentee, saru moweeakono ponsulo menunu saru menteeno.

2 Tawarika 21:13

tendeano tumondao sala ntumuwudo mokole i Isaraeli ka weweuo Yehuda ka palilino Yerusale mponsosabo, kana anu wineweudo somborino i Ahabi. Tendeano upepate iramo pepaekompomu, luwuno somborido amamu anu moiko irapo sekono omue.

2 Tawarika 21:14

Onaemo pu'uno Ondae i Ue Ira moweakono tula langkai a mpalilimu, luwuno anamu, beinemu, ka a luwuno arataamu.

Esetere 1:19

Tewala ipemoikoo mokole, asalakono kai linuarako asa parenta inso ndi omiu mokole ka binuri a laro atora Peresia ka Media, ranta nahi ta pinokobali mbo'u, nine i Wasati inonto tepohaweako ira mokole Ahasiwero, ka ondae mokole ira meweengakono potorono gagi mokole beine a mia susua anu moikoopo sekono onae.

Po'unde-unde 7:16

Onae moweweu aa ka kumekeo, sine onaeno tedonta a laro aa anu wineweuno.

Po'unde-unde 7:17

Lambahaa anu wineweuno mepokule umaluo uluno, ka lambahano metii dumunsio taku uluno.

Yehesikieli 17:19

Onaemo pu'uno, kanandiomo pau-Do Ue Ala: A nee-Ku anu tuwu, manasa Aku motiiakono a uluno sumpano ndi Ongkue anu pine'uru-uruno ka pedandia-Ku anu hinapuno.

Podoaa 32:23

Sine tewala nahi mpoweweu kanatuu, mentee ntu'u ntehala komiu ndi Ondae i Ue, ka komiu mpopembasai, nine halamiu atuu ta umalukomiu.

Puu Mpobitara 9:24

Nde kanandiomo lambahado a pitu pulu anano i Yeruba'ala tembalo ka reado pinopokonaiako ndi Abimele, pepaekompodo anu mepate iramo ka a mpalili kota Sikeme anu mokowalio mepate ira luwuno pepaekompono atuu.

Puu Mpobitara 9:57

Ka mbo'u luwuakoano wineweudo to Sikeme anu mosa'o dopokokonaako ira Ondae Ue Ala ndi ondae. Kanandiomo petotonaano i Yota anano i Yeruba'ala kumonai ira.

1 Samueli 15:28

Ka i'amba motae i Semueli ndi onae, ”Oleo andio Dokansao i Ue poparentaa Isaraeli inso ndi omue ka Doweeakono mia susua anu moikoopo sekono omue.