1 Mokole 2:31 - Wunta Mempori

³¹ Dopotaeakono mokole ndi onae, ”Weweuomo kana anu nineeno. Pepateomo ka kaburuo. Bakanatuu uliahakonomo inso ndi ongkue ka luwuno pe'etuku rea anu inuwuno i Yoabi maupo nahina pu'uno.

1 Mokole 2:31 Iomraidhean Croise

2 Samueli 3:28

Ba opia tempo lembuino, tempono irongeo i Daudi mongkona atuu, metaeomo, ”Ongkue ka poparentaaku nahina salano i aro-Do i Ue a reano i Abinere anano i Nere ranta nahina tampulaano.

2 Samueli 3:29

Po'ineeomo atuu ipinopotembiako a uluno i Yoabi ka a luwuno pe'etuno. Po'ineeomo a inuleno i Yoabi nahi hori otu-otu mia anu moluarako nana, mia anu haki ngkuli mesaki, tama anu gagi puu pongkoloro, mia anu mateako ponai ba anu makuraako kaanga.”

1 Mokole 2:30

I Benaya mewinso a laro ngkema-Do i Ue ka ipotaeakono, ”Kanandiomo parentado mokole: Peluarakomo.” Sumangki, ”Naahi, hangano ineheku mate i ndi'ai.” Ipohaweo i Benaya sangkino atuu ndi ondae mokole, ipotae, ”Kanandiomo ipotae i Yoabi ka kanandiomo sangkino ndi ongkue.”

2 Mokole 9:26

’Menteeano indiawi, Kukitao reano i Naboti ka reado luwuno anano’, pau-Do i Ue, ’ka Aku mombalo ndi omue i lere andio’, kanandio pau-Do i Ue. Onaemo pu'uno tandeo ka petadiakono a lere andio, menunu saru pau-Do i Ue.”

Peluarakoa 21:14

Tewala asa mia tensila aroano tekuda a mpe'asa miano, ranta kai pepateakono tinoo mosa'o, omue asalakono umalao mia atuu maupo inso a pontunua pesomba-Ku, kai hinuku mate.

Powadi 28:17

Mia anu montanggumi reano mia susua ta molai hawe a laro ngkaburu. Si ontoo!

Podoaa 35:33

Si mensosa'orio wita po'iangamiu, hanganomo rea anu sumosa'orio wita atuu. A wita atuu nahi pinokompoweweuako pesintuwua, hangano rea anu te'uwu i ra'ai, sangkadio saru reano mia anu umuwuomo.

WINEWEUDO TINENA 28:4

Mansado mengkitao mia atuudo ule atuu mendoe-ndoe a ngkaeno i Paulu, mpepau-pau iramo pada ondaedo, ”Mia andio manasaomo mia mompepate, hangano, maupo tolaomo inso a ntahi, nahi dopo'ineeo Pe'uea Beine Moleo ba ituwu.”