1 Mokole 2:3 - Wunta Mempori

³ Petenunumo weweuo songka-Do i Ue, Ue Alamu, ka tuwu tumodao sala-Do, ka pekariao luwuno pinakosi, parenta, ka atora-Do, kana anu teburi a songkano i Musa. Ba kanandio, kome'ura a laro luwuakoano anu wineweumu ba isuamokoa ulako,

1 Mokole 2:3 Iomraidhean Croise

2 Samueli 8:14

Ka i'amba numaa ira luwuno sorodadu mpodagai i wita Edomi. A luwuno wita Edomi inaa ira sorodadu mpodagai, ranta luwuno wita Edomi mpetenunu ndi Daudi. Ondae i Ue moweeakono ponangia ndi Daudi isuamo koa ilako.

2 Samueli 8:6

Ka i'amba i Daudi numaa ira luwuno sorodadu mpodagai a witado to Arami i Damasi. To Arami mpetenunu ira ndi Daudi ka asalakono pompesombaako peki'ue. Ondae i Ue moweeakono poponangia ndi Daudi isuamo koa ilako.

1 Mokole 3:3

I Salomo mehohawa Ira i Ue saru tuwu montonda luwuno pompakosino i Daudi, amano. Butumokoa, onae da mompesombaako pesomba sinumbele ka dupa a pongku-pongkuno wita pompesombaa.

2 Mokole 18:7

Ondae i Ue kumongkomio, maupo isua ilako mehasili. Onae umewaio mokoledo to Asuri ka nami petenunu mbo'u ndi onae.

1 Tawarika 29:19

Ndi Salomo, anaku Ipoweeakonomo aroa anu moleo ka ipekariao luwuno parenta-Miu ka pepopoto'ori-Miu ka pompakosi-Miu, weweuo luwuakoano ka wanguo raha anu kupatindaomo.”

Po'unde-unde 119:111

Luwuno pepopoto'ori-Miu onaemo tia pusakaku ranta nahina tampulaano, hangano luwuno atuu gagi pokomawongkono aroaku.

Po'unde-unde 119:138

Luwuno pepopoto'ori-Miu Ipohaweomo montonda moleoa ka butu a laro luwuno petenunu.

Po'unde-unde 119:2

Me'uraomo mia anu uminio luwuno pepopoto'ori-Do, anu umungke Ira tompaano aroano.

Po'unde-unde 19:7

Inso i tompano langi onae mesabaako, ka ipelempa hawe i tompano anu susua; nahina anu te'engoi inso a ntedoa mokulano.

Puu Pontutulu 12:13

Poko'ariano pau inso a luwuno anu rinonge onaemo doitoako Ira Ue Ala ka pekariaomo luwuno parenta-Do, hangano andio onaemo anu ta wineweudo sompo mia.

Imama 8:35

I larono opitu oleo asalakono impo'ia i arono pewowa Kema Tepotowoa meene ka wongi. Asalakono impetenunu meweweuo anu lano anggaamiu ndi Ondae i Ue kasi memate, hangano kanandiomo parenta-Do ndi ongkue.”

Maleaki 4:4

Impewowoloomo Taura anu Kuparentaakono i Musa, tetenaa-Ku, i torukuno Hore tiado luwuno to Isaraeli, onaemo luwuno pompakosi ka luwuno songka.

Winali 29:8

Tompoko'alao witado ka meweengakono a nto Rube, a nto Gadi, ka a nsuku Manase anu entongano atuu, gagi tia pusakado.

Winali 29:9

Onae atuu kai mpe'inimo a mpauno pedandia andio, kai meme'ura a luwuno anu wineweumiu.

Winali 4:1

”Kanandio-andio, hei to Isaraeli, imerongeomo pompakosi ka atora anu kupaguruakomiu kai wineweu, kai mentuwu ka kai mpewinso saru mpetorokio wita anu Doweeakomiu i Ue, Ue Alado uempu'umiu.

Winali 4:45

Ndiomo pepopoto'ori, pompakosi, ka atora anu pinohaweno i Musa a nto Isaraeli, a laro pelempaado mpeluarako inso i wita Masiri,

Winali 4:5

Impewowoloomo, kupaguruakomiumo pompakosi ka atora, kana anu Doparentaakune i Ue, Ue Alaku, kai meweweuo kanandio i wita, anu komiu mpewinsokio kai mpetorokio.

Winali 4:8

Tongku langkai isuake anu hinao pompakosi ka atora moleo kanandio kana luwuno songka andio, anu kupohaweakomiu oleo andio?

Winali 5:1

I Musa moboi ira luwu to Isaraeli mpepumpu ka ipotaeako ira, ”Imerongeomo, hei to Isaraeli, pompakosi ka atora anu kupohaweakomiu a oleo andio, kai mpepaguruakono ka mpetenunu meweweuo.

Yosua 22:5

Butu onae impetenunu meweweuo, hapa anu imentinenaako, songka inso ndi Musa tetenaa-Do i Ue, Ue Alamu, tuwu kana sala anu tiniso-Do, imekongko tumondao po'ehe-Do, me'ini temoroso ka mesombai Ira tompaano aroamiu ka tompaano sumangamiu.”

Yosua 23:6

Impokomorosoo ntu'u aroa miu mpekariao ka meweweuo luwuno anu teburi ia wuntano i Musa. Sii mepansia i koana ke i manggali.

1 Samueli 18:14

Luwuakoano anggaa anu pinolempano i Daudi gagi luwu moiko, hangano onae Dokongkomio i Ue.

1 Samueli 18:30

Sompo domelako tadulako sorodadu to Pelisiti mpeteaako ira to Isaraeli, i Daudi anu hadio ponangino sekono miano i Saulu anu susua, onaemo kai tedoa telele neeno.

1 Samueli 18:5

Poponangi mpiha i Daudi ba itenao i Saulu lumako metea onaemo ka ipotoroo i Saulu gagi petewawa asa ntia sorodadu. Mongkona andio dompemoikoo luwuno palili ka anu langkai potorodo ndi Saulu.