1 Mokole 2:26 - Wunta Mempori

²⁶ Ndi ondae sando mpesomba Abiata, mepau ira mokole, ”Lakomo i Anatoti, a wita pine'uemu, hangano omue tekona hinuku mate. Sine, a oleo andio nahi aku mepateko, hangano omue montandekomo burua pedandia-Do Ue Ala i arodo amaku i Daudi, ka hangano sarumo omue marasai a laro luwuno marasaia anu pinembasaido amaku.”

1 Mokole 2:26 Iomraidhean Croise

2 Samueli 12:5

I Daudi tedoa tekuda a mia atuu ka ipotaeakono i Nata, ”Ia nee-Do i Ue anu tuwu: mia anu moweweu atuu asalakono ta mate!

1 Mokole 1:25

Hangano oleo andio lumakoomo monsumbele hadio pinotuwu anu mewalo, sapi ka bimba. Ipoboi ira luwuno ana mokole, luwuno tadulako sorodadu ka sando mpesomba i Abiata. Kanandio-andio kontongaado mempongkaa ka mpo'inu i arono ka dompebooli: Tuwu komiu mokole Adonia!

1 Mokole 1:7

Onaemo ka itepopauakono i Yoabi, anano i Seruya ka sando mpesomba i Abiata. Ka i'amba ondae gagi mpentonda ndi Adonia.

1 Mokole 2:35

Ondae mokole motoroo i Benaya anano i Yoyada umeuo i Yoabi gagi tadulako sorodadu. Dopotoroo mbo'u sando mpesomba Sadoki umeuo i Abiata.

Yesaya 10:30

Imperaalimo temeroku, hei ana beineno Galimi! Pekokoongakonomo, hei Laisia! Sangkiomo, hei Anatoti!

Yeremia 1:1

Ndiomo luwuno pauno i Yeremia anano i Hilikia, inuleno sando mpesomba anu i Anatoti i wita Benami.

I MATIU 10:42

Ka ba isema mompowee uwoi morini maupo te'asa sangkirimo koa a mia anu kodei andio, hangano onae ana guru-Ku, Kupauakomiu: Menteeano nahi ta tetadi tambono inso ndi onae.”

I LUKASI 22:28

Omiumo anu mpo'ia mpiha meronga saru Ongkue a laro luwuno po'ara-arahakoa anu pinembasai-Ku.

GALATIA 3:4

Nahina tudunoke luwuno pinembasaimiu anu hadio atuu? Potaeku komba nahina tuduno!

Yosua 21:18

Anatoti saru wita pompakambiano, ka Alamoni saru wita pompakambiano, luwuno opaa kota.

1 Samueli 2:32

Kana iwali, komosisiriakono kumitao luwuakoano poronso-Ku a nto Isaraeli. Tamo kanatuu mpiha, nahi ta hina maupo te'asa mia inulemu anu melai tinuwuno.

1 Samueli 26:16

Nahi moiko wineweumu atuu. A nee-Do i Ue anu tuwu, asalakono komate, hangano nahi udagaio uemu mia anu inurapi-Do i Ue. Kanandio-andio kitaomo, isua kansaido mokole ka ponaapado uwoi anu ninaa umpeda i uludo?”