1 Mokole 2:12 - Wunta Mempori

¹² Kanatuumo i Salomo mentoro a ngkadera poparentaano i Daudi, amano ka poparentaano tedoa moroso.

1 Mokole 2:12 Iomraidhean Croise

2 Samueli 7:29

Po'ineeomo ka Ironsoo somborino tetenaa-Miu andio kai kongko mpiha i aro-Miu ranta nahina tampulaano. Hangano Omiu, oo Ue Ala, Omiumo anu mepau ka hangano poronso-Miu somborino tetenaa-Miu andio rinonso ranta nahina tampulaano.”

1 Mokole 1:13

Ilakomo tepohaweako ira mokole Daudi ka ipauako ira: Nahi komba omiuke ueku mokole, anu umari medandi ndi ongkue atamiu andio: I Salomo, anamu ta gagi mokole umarino ongkue, ka onaemo anu ta mentoro a ngkadera poparentaaku? Tembio kanandio-andio i Adonia ka igagi mokole?

1 Mokole 1:30

oleo andio aku weweuo sumpa anu horio kupauo ndi omue a nee-Do i Ue, Ue Alado to Isaraeli: I Salomo anamu ta gagi mokole umarino ongkue. Onaemo anu ta mentoro a ngkadera poparentaa umeu aku.”

1 Mokole 1:35

Umarino atuu asalakono impelempa mpekule mentondao. Ka i'amba ta mewinso mentoro a ngkadera poparentaaku, hangano onaemo anu asalakono gagi mokole umeu aku, ka onaemo anu tinisoku gagi petewawado to Isaraeli ka to Yehuda.”

1 Mokole 1:46

Kanandio-andio i Salomo mentoroomo a ngkadera poparentaa.

1 Mokole 2:46

Ondae mokole mompowee parenta ndi Benaya anano i Yoyada. Lumakoomo i Benaya ka i'amba mepateo i Simei. Kanatuumo poparentaa atuu moroso a ngkaeno i Salomo.

1 Tawarika 23:1

Mansano mota'uomo i Daudi ka tende ntumuwu, ipotoroo i Salomo, ana ntamano gagi mokole a nto Isaraeli.

2 Tawarika 1:1

I Salomo ana ntamano i Daudi komoro-morosono a pentoroano gagi mokole. Ondae Ue Alano kumongkomio ka weweuo pabawano tedoa langkai.

Po'unde-unde 132:12

tewala luwuno anamu mpe'ini a mpedandia-Ku, ka a luwuno atora-Ku anu Kupaguruako ira, asalakono luwuno anado ranta nahina tampulaano ira mpentoro a wawo ngkadera poparentaamu.”