1 Mokole 19:14 - Wunta Mempori

¹⁴ Sangkino, ”Tedoa aku me'o'osu mo'angga ndi Omiu Ue, Ue Alano luwuakoano, hangano to Isaraeli mebintao pedandia-Miu, mpobangkuo luwuno meda pontunua pesomba ndi Omiu ka mpepateako ira ponai luwuno nabi-Miu. Butu ongkue asa-asaku anu da tuwu ka ondae mpo'ungke sala ira mpepate aku.”

1 Mokole 19:14 Iomraidhean Croise

1 Mokole 18:22

Ka i'amba i Elia motaeako ira palili atuu, ”Asa-asakumo koa nabi-Do i Ue, sekono luwuno nabino Baala atuu pato etu lima pulu mia.

1 Mokole 18:30

Motae i Elia a luwuno palili, ”Ime'umpedamo ndi ongkue.” Luwuno palili me'umpeda ndi onae. Ka i'amba mokomoikoo meda pontunua pesomba ndi Ondae i Ue anu hinoaomo.

Po'unde-unde 78:37

Aroado nahi petako ndi Ondae, ka nahi dompetenunu a mpedandia-Do.

Yesaya 1:4

Masola ntu'u tongku anu tehala, bawaa anu bukeako sala, inuledo mia anu melolambaha, mia anu mpoweweu mokoburu! Domebinta Ira i Ue, tumata Ira Anu Tedoa Mempori, Ue Alado to Isaraeli, ka mpewolili mpebungkui Ira.

Yesaya 62:1

Hangano Sioni nahi aku menoro-noro, ka hangano Yerusale nahi aku momperodo, hawe menteeano mepansari kana wanta ka tekaduduiano melanga kana hulu.

Yeremia 22:9

Mia ta sumangki: Hangano, domengkolupeomo pedandia-Do i Ue, Ue Alado, ka do'amba mpenggolontu mpesombai ira pinesombai susua ka mpesomba ndi onae.”

Danieli 11:30

Hangano, kapalado to Kitimi ira mehawe me'ewaio onaemo ka itetadi mosiano. Ka i'amba mekule saru monaa aroa a Mpedandia Mempori, ka tinoo atuu iweweuo. Onae ta mekule ka ipopokitao pe'aroano ndi ondae anu mebintao Pedandia Mempori.

Danieli 3:18

Sine ande-andeno naahi, moikoano ka ito'orio ueku, oo mokole, nine nahi kami me'unde-undeo pinesombaimiu ueku, ka nahi kami mpesombaio tinaha wulaa anu pinontademiu atuu ueku.”

Hosea 6:7

Sine kana i Adama, domelinggeiomo pedandia, nahi dompesomba ndi Ongkue i ra'ai.

ROMA 11:3

”Ue, luwuno nabi-Miu dompepate iramo, luwuno meda pontunua pesomba ndi Omiu domerongkaomo; butumo koa ongkue asa-asaku anu da tuwu ka inehedo mpepate aku.”

Winali 29:25

Ira mesangki mia, ”Hangano ondae atuu nahi domentondao pedandia-Do i Ue, Ue Alano uempu'udo, pedandia anu winutu-Do saru ondae tempono Dowawa ira mpeluarako inso i wita Masiri.

Winali 31:20

Hangano Aku wawa ira i wita anu hadio ntu'u susu ka siu hoanino, wita anu Kudandio sura sumpa ndi ondae uempu'udo. Ira mpongkaa ka mowohi saru gagi mewalo, sine ira mpepokule a mpinesombai susua ka mpesomba ndi onae. Ira mpepaukia-Kune ka mehapuo pedandia-Ku.

IBARANI 8:9

komba kana pedandia anu Kuweweuomo saru uempu'udo, i tempono Ku'inio kaedo wawa ira mpeluarako inso i wita Masiri. Hangano nahi dompetenunu a mpedandia-Ku, ka nahi Kutarima ira,” kanandiomo pau-Do i Ue.