1 Mokole 19:11 - Wunta Mempori

¹¹ Ka i'amba pau-Do, ”Peluarakomo ka pentade i wawono torukuno atuu i aro-Do i Ue!” Ka i'amba telalo Iramo i Ue. Angi langkai ka mokora bansio luwuno torukuno ka pehao luwuno pongku watu mese'elungi Ira i Ue. Sine Ondae i Ue nahi Dokongko a laro angi atuu. Umarino angi haweomo lelu. Sine Ondae i Ue nahi Dokongko a laro lelu atuu.

1 Mokole 19:11 Iomraidhean Croise

Ayubi 38:1

Ka i'amba inso a laro angi mokora Ondae i Ue sumangkio i Ayubi,

Po'unde-unde 50:3

Ondae Ue Alato hawe ka nahi Ira mo'ia-ia, i aro-Do api mensila'e, angi mokora anu mongkokongiri mepuuri lumimbu Ira.

Po'unde-unde 68:8

Oo Ue Ala, tempono Ilako metea i arodo bawaa-Miu, tempono Ipelempa a mpada malua, Sela

Po'unde-unde 68:9

tolino leelu ka langi mo'uwu usa i aro-Do Ue Ala i Sinai, i aro-Do Ue Ala, Ue Alado to Isaraeli.

Peluarakoa 19:16

Umarino atuu gagiomo a oleo ko'otolu mo'oru, rundu, koliki ka seru mokapa i wawo ntorukuno saru unino tawuwua anu tedoa meroku, onaemo ka dompondidi-ndidi, luwuno mia anu kongko a mpekemaa.

Peluarakoa 19:20

Umarino atuu Ondae i Ue metii a wawo ntorukuno Sinai, a punsuno torukuno atuu. Ka Do'amba i Ue moboio i Musa i punsuno torukuno atuu. Ka i Musa morake lumako i wawono.

Peluarakoa 20:18

Luwuno tongku atuu mensakosiio rundu bote, koliki pesosangki, tawuwua me'uni ka torukuno me'ahu. Medoito iramo tongku atuu mpondidi-ndidi ka mpentade ola-olai.

Peluarakoa 24:12

Mepau Ira i Ue ndi Musa, ”Porakemo pe'aro ndi Ongkue a wawo ntorukuno ka pesikorimo i ra'ai. Aku moweeakomu lempe watu anu me'ihiako songka ka petena, anu Kuburiomo ka domempinaguruako.”

Peluarakoa 24:18

I Musa mewinso a laro nseru ka ipotilalo morake a ntorukuno atuu. Onae mo'ia a ntorukuno atuu pato pulu oleo ka pato pulu wongi.

Peluarakoa 34:2

Umpeda meene pepatindamo, ka mo'oru porakemo a ntorukuno Sinai. Pentademo itahai me'aro ndi Ongkue a punsuno torukuno atuu.

Peluarakoa 34:6

Ka Do'amba i Ue telalo i arono mebooli, ”Ue, Ue, Ue Ala puu pompehohawa, ondau sabara, anu langkai pompehohawa ka petenunu-Do,

Yesaya 30:30

Ondae i Ue Ira moporongeo suara-Do anu maramba, Ira mopokitao kae-Do anu montunduhi saru tekuda anu mongkokongiri ka langano api anu mengkaa ka ipingko, saru usa marombo, angi mokora ka usa watu.

Yehesikieli 1:4

Ka ku'amba kumitao, mentee ntu'u, angi mokora mepuuri inso i utara saru asa boto seru langkai me'ihi api anu tesosangkilo anu ilimbuo wanta. I tonga-tongano api atuu tengkita asa kana suasa mangkilo.

Yehesikieli 37:7

Ka ku'amba pauo anu ta gagi kana anu kupinarentaako. Kontongaaku pauo anu ta gagi, terongeomo uni, mentee ntu'u uni kekele, ka luwuno wuku atuu pada ntepo'asa saru anu susua.

Nahumi 1:3

Ondae i Ue atuu tedoa sabara ka langkai pabawa-Do, sine tedoa ntu'u nahi Dopotola ira mia mensala inso a mpohuku. Ondae i Ue melempa a laro lompiu ka angi mokora pelempa-Do ka seru onaemo awu a pelengkaru-Do.

Sakaria 14:5

Komiu mempolai a lembono luwuno torukuno-Ku, hangano lembono torukuno atuu ta hawe i Asali. Komiu mempolai kana hori komiu mempolaiako lelu tempono i Usia, mokole i Yehuda. Ka i'amba Ondae i Ue, Ue Alaku, Ira hawe, ka luwuno mia mempori merongaako Ira.

Sakaria 4:6

Onae mepau ndi ongkue, ipotae, ”Ndiomo pau-Do i Ue ndi Serubabeli, kanandio: Komba saru mosia ka komba saru roso, tendeano saru penaa-Ku, pau-Do Ueno luwuakoano.

I MATIU 24:7

Hangano tongku ta mentade umewaio tongku, ka poparentaa umewaio poparentaa. Ta hina mokoninggoa ka leelu a ba opia po'ianga.

I MATIU 28:2

Ka gagiomo leelu anu tedoa meroku hangano aasa mala'eka-Do i Ue metii inso i langi ka aiwa a watu atuu ka lumundio ka i'amba mentoro i wawono.

IBARANI 12:26

Tempo atuu suara-Do lumeluo tolino, sine kanandio-andio Dodandio, ”Pohonapo mbo'u Aku lumeluo komba butu tolino, tendeano langi mbo'u.”

MENGKAAA 11:19

Ka te'ungkahiomo Raha Mempori-Do Ue Ala anu i suruga, ka tengkitaomo burua pedandia-Do i larono Raha Mempori atuu ka gagiomo koliki ka u'uruno rundu ka leelu ka usa seru baku marombo.

MENGKAAA 16:18

Ka mepansariomo koliki ka u'uruomo unino rundu, ka gagiomo leelu anu mongkokongiri kana napi hori gagi mompu'u ihina mia i wawontolino. Tedoa mokora leelu atuu.

MENGKAAA 20:11

Ka ku'amba kumitao aasa kadera poparentaa mopute anu langkai ka Ondae, anu mentoro i wawono. Inso i aro-Do moliuomo tolino ka langi ka nami hinawe mbo'u po'iangano.

1 Samueli 14:15

Ka mpondende iramo a mpekemaa, a mpeteaa, ka ia olodo luwuno palili. Puu mpetea mpodagai ka puu mpetea mporopu, mpondende ira koa mbo'u. Wawontolino mbo'u mondende. Gagiomo pondendea anu mongkokongiri.