1 Mokole 18:7 - Wunta Mempori

⁷ Tempono i Obaja a laro pelempaa, itepotowoakono i Elia. Ito'orio, onaemo ka ipenggolontuu mesikeno, ”Omiuke andio ueku Elia?”

1 Mokole 18:7 Iomraidhean Croise

Tegagia 18:12

Mengingisiomo i Sara i laro aroano, ipotae, ”Tedoa akumo mota'u, da takoa haweakoke aroaku, ondae mbo'u ueku mota'u iramo?”

Tegagia 18:2

Onae mengkita ngkoraane, ka ikitao otolu mia mpentade, nahi olai inso ndi onae. Hangano ikita ira, onae melulu inso a mpewowa kemano tumotowo ira, ka i'amba menggolontu mesomba hawe a wita.

Tegagia 44:16

Motae i Yehuda, ”Kami mpokompotae hapa ndi omiu ueku? Hapa anu kami mpokopauo? Hapa anu kami mpokopauakomiu? Kana'umpe kami mpokomenteeo koroimami? Dopopokitaomo Ue Ala salado atamiu andio. Gagi, po'ineeomo kimegagi atamiu ueku, moiko omami maupo mia anu hinawe numaa piala atuu.”

Tegagia 44:20

Ka ki'amba mesangki komiu ueku: Da kongko ira amamami anu mota'u iramo ka da hinao anado anu mongura, anu hina tempono domota'umo. Pepaekompono ntu'u mateomo ka butu onae asa-asano anu mo'ia inso ndi ondae me'asa ine. Onaemo pu'uno, amano tedoa mehohawao.

Tegagia 44:33

Kanandio-andio, po'ineeomo atamiu andio mo'ia gagi atamiu ueku umeuo nana'ote atuu. Sine, i'eheakonomo nana'ote atuu mekule meronga luwuno pepaekompono.

Tegagia 50:18

Luwuno pepaekompono mbo'u me'aiwa ka dompenggolontu mpesomba i arono ka dompotae, ”Omami me'aiwa ka kimegagi atamiu.”

2 Samueli 19:18

telalo a mpo'ianga pesakia ta sumakiako ira somborido mokole ka mpoweweu ira anu moiko i kinita. Mansano ira mesakiako mokole a Ngkoro Yarade, i Simei anano i Gera menggolontu i arodo mokole.

1 Mokole 11:29

Tempo ipeluarako i Yerobea inso i Yerusale, i nabi Ahia to Silo tepohaweakono a nsala mesoumbuako sangka wo'ohu. Butu orua ira i tonga mpada.

1 Mokole 18:6

Ka do'amba metiao wita atuu anu ta lakoado. I Ahabi lumako asa-asano a mpo'ianga anu asa, ka i Obaja lumako a mpo'ianga anu susua.

1 Mokole 18:8

Sumangki i Elia ndi onae, ”Mentee! Lakomo pauakono uemu: I Elia kongko i ndi'ai.”

Yesaya 60:14

Luwuno anado mia anu mokonsiiko ira me'aiwa mpetuundu ndi omue, ka luwuno mia anu mepaukiakomu ira mpenggolontu mpesomba a pelengkarumu; Ira mempauko ”kota-Do i Ue,” ”Sioni, tia-Do Anu Tedoa Mempori, Ue Alado to Isaraeli.”

Podoaa 12:11

Ka i'amba motae i Haruni ndi Musa, ”Ipehohawa aku ueku, siimo ipopotembia kami hala mami anu wineweu mami a laro benge-benge mami.

I MATIU 11:8

Ke hapake imelakoako? Mpongkita mia anu mesangka alusu? Mia anu mesangka alusu atuu po'iangano a langkanaeno mokole.

I MATIU 3:4

I Yohane mesangkaako lemba meloe inso a wulu unta, ka boo-boono kuli ka kaangano io kosume ka siu hoani.

1 Samueli 20:41

Mansano lumako tetenaa atuu, meluarakoomo i Daudi inso i bungkuno watu Eseli. Mesombaomo pentolu ra'ino hawe a wita. Pada ira mewoo-woo ka mengese tamoako i Daudi.