1 Mokole 18:5 - Wunta Mempori

⁵ Ipotae i Ahabi ndi Obaja, ”Pelempamo sompoo wita andio ranta hawe a luwuno mata uwoi ka korono; bara'ura kita mohawe ewo, ka da domentuwukoa ngara ka bagali, ka siimo toponsumbele maupo te'asa pinotuwu.”

1 Mokole 18:5 Iomraidhean Croise

1 Mokole 18:4

I tempono i Isebeli mepate ira nabi-Do i Ue, i Obaja umala ira asa etu mia nabi ka iwuni ira i larono ngkunepo, asa mpo'ianga lima pulu mia, ka ipompatindaako ira kaanga ka inuado.

1 Mokole 18:6

Ka do'amba metiao wita atuu anu ta lakoado. I Ahabi lumako asa-asano a mpo'ianga anu asa, ka i Obaja lumako a mpo'ianga anu susua.

Po'unde-unde 104:14

Omiu motuwuo ewo tiano pinotuwu ka luwuno pinopaho ka dompete'umalao mia, ka ipehasiliako kaanga inso a laro wita,

Yeremia 14:3

Anu langkai potorodo mentena ira puu pompekakaakodo mpo'ungke uwoi. Mansado mehawe a nsumuru, nahi dompohawe uwoi, onaemo ka dompekule saru ponaapado anu mooa. Memokoko'ii ka mengkurama, onaemo ka domensoumbuo uludo.

Yoeli 1:18

Luwuno pinotuwu mpe'anaiki ira ntu'u ka luwuno bawaano sapi mbo'u pompemasusa, hangano nami hina mbo'u ewo a mpada tiado; asa bawaa mbo'u bembe bimba tetonda marasai.

Yoeli 1:20

Luwuno mbo'u kondehora mo'ila ntekewoi ndi Omiu, hangano korono wela mo'are, mo'areomo, ka wita pompakambia mbo'u i pada one pingkoomo ikaano api.

Yoeli 2:22

Si medoito, hei luwuno kondehora i tongampada, hangano wita pompakambia i pada one mololowulu, keu mewua, keu ara ka keu anggoro mompowee pompolino.

Amosi 4:8

palilino orua otolu kota melako kobangku-bangku i asa kota ira mpo'inu uwoi, sine nahi domentende. Sine, nahi mpepokule ndi Ongkue,” kanandiomo pau-Do i Ue.

Habaku 3:17

Maupo keu ara nahi pensisi, keu anggoro nahi pewua, ka hasilino keu saitu mompokomasusa aroa, maupo luwuno lere nahi pehasiliako kaanga, bawaa bembe bimba tesaari inso a mpo'ukoa, ka nahina sapi a laro wala,