1 Mokole 18:36 - Wunta Mempori

³⁶ Ka i'amba tempono mompesombaako pesomba ngkiniwia, mentadeomo i nabi Elia ka ipotae, ”Oo Ue, Ue Alado i Burahima, i Saki ka i Isaraeli, po'ineeomo kai tino'ori oleo andio nine Omiumo Ue Ala i Isaraeli ka ongkue andio tetenaa-Miu, ka a mpau-Miumo kuweweuo luwuno andio.

1 Mokole 18:36 Iomraidhean Croise

Tegagia 26:24

Ia wongi atuu Ondae i Ue mepopokita ndi onae saru mepau, ”Ongkuemo Ue Alano i Burahima, amamu. Si doito, hangano Ongkue kumongkomiko. Aku rumonsoko ka weweuo inulemu hadio hangano tetenaa-Ku i Burahima.”

Tegagia 28:13

Mentade Iramo Ue i horino ka mepau, ”Ongkuemo Ue, Ue Alano i Burahima, uempu'umu, ka Ue Alano i Saki. Wita pepomboleamu andio Aku weeakomu ka a inulemu.

Tegagia 31:53

Ondae Ue Alano i Burahima ka Ue Alano i Nahori, Ue Alano uempu'udo, Ondaemo gagi puu mpobitara i oloto.” Ka i'amba i Yako mesumpa a nee-Do anu Pinelangkaino i Saki, amano.

Tegagia 32:9

Ka i'amba motaeomo i Yako, ”Oo Ue Alano i Burahima, uempu'uku, ka Ue Alano i Saki, amaku, Oo Ue anu mepau Komiumo ndi ongkue, ’Pekulemo i witamu saru a mpepaekompomu ka Aku moweweu moiko ndi omue.’

Tegagia 46:3

Ka Do'amba mepau, ”Ongkuemo Ue Ala, Ue Alano amamu. Siimo doito lako i Masiri, hangano Aku weweuko gagi tongku anu langkai i ra'ai.

2 Samueli 7:26

Nee-Miu ta gagi langkai ranta nahina tampulaano ka dompotae mia, ’Ondae Ueno luwuakoano, onaemo Ondae Ue Alado to Isaraeli.’ Inuleno i Daudi, tetenaa-Miu andio ta moroso i aro-Miu.

1 Mokole 18:21

I Elia rumangkuhi ira luwuno palili atuu ka ipotae, ”Hawe te'ipia mbo'u me'orua laro? Tewala Ondae i Ue atuu Ue Ala, imentonda Ira, tewala Baala, imentondao,” Sine palili nahi domesangki maupo te'asa mpali pau.

1 Mokole 18:29

Mansano laloomo ntonga oleo, kana iramo mia pinewinsokino i mosa'o ranta kai haweako tempono mompesombaako pesomba ngkiniwia, sine nahina anu sumangki, nahina merio ira.

1 Mokole 18:35

Waaomo uwoi lumimbuo meda pontunua pesomba atuu; ka pangkoro atuu bukeakoomo uwoi.

1 Mokole 18:37

Isangki akumo oo Ue, Isangki akumo, ka domento'orio tongku andio nine Omiumo Ue Ala, oo Ue, ka Omiumo anu weweuo aroado mpepokule ndi Omiu.”

1 Mokole 20:13

Nahi kinokoo-koo, asa nabi umpedaakono i Ahabi, mokoledo to Isaraeli, ipotae, ”Kanandiomo pau-Do i Ue: Ukitaomo ke howuno anu langkai atuu? Menteeano Aku meweengako ira oleo andio a ngkaemiu, kau to'oriokoa nine Ongkuemo Ue.”

1 Mokole 20:28

Tetenaa-Do Ue Ala atuu umpedaakono mokoledo to Isaraeli ka ipotae, ”Kanandio pau-Do i Ue: Hangano to Arami atuu mpotae iramo: Ondae i Ue, onaemo Ue Ala i torukuno komba Ue Ala i lembono, onaemo pu'uno luwuno sorodadu anu hadio atuu, Aku meweengako ira a ngkaemu, kai mento'orio nine Ongkuemo Ue.”

1 Mokole 22:28

Sine sumangki i Mika, ”Tewala mentee omue mekule da tuwu, manasaomo Ondae i Ue nahi Ira mepau molalo ongkue.” Ka i'amba motae mbo'u, ”Imerongeo, hei luwuno bawaa!”

1 Mokole 8:43

po'ineeomo Irongeo mbo'u i suruga, po'ianga-Miu mpiha. Po'ineeomo Iweweuo menunu saru luwuno anu pinebooliakono mia hawe atuu ndi Omiu, ka luwuno tongku i tolino tumo'orio nee-Miu ka dumoitoako-Miu mengkena kana bawaa-Miu Isaraeli. Onaemo ka domento'orio nine raha anu kuwanguomo andio pinesusua tiano nee-Miu.

2 Mokole 1:10

Sumangki i Elia a mpetewawa sorodadu atuu, ”Tewala ongkue tetenaa-Do Ue Ala, po'ineeomo kai petii api inso i langi kai pingko ikaako saru lima pulu ana buamu.” Ka i'amba metiiomo api inso i langi kai pingko ikaano onae saru lima pulu ana buano.

2 Mokole 1:3

Sine mala'eka-Do i Ue mepau ndi Elia, to Tisibe, ”Lakomo pontuturako tepohaweako ira mia tinenano mokoledo to Samaria ka pauako ira: Nde nahina ke Ue Ala i Isaraeli, ranta ka komiu melako mpesikeno ndi Baala-Sebubi, anu pinesombai i Ekeroni?

2 Mokole 1:6

Domesangkio, ”Hinao mia hawe tepohaweakami ka ipotaea kami: Impekulemo ndi ondae mokole anu tumena komiumo ka imempauako ira: Kanandiomo pau-Do i Ue: Nde nahina ke Ue Ala i Isaraeli, ranta kai petena mesikeno ndi Baala-Sebubi, pinesombai i Ekeroni? Onaemo pu'uno nahi komiu metii mbo'u inso a mpoturia pepomboleamiu, hangano omue manasa komate.”

2 Mokole 19:19

Onaemo pu'uno, oo Ue, Ue Alamami, Ikadudui kamimo inso a ngkaeno ka domento'orio luwuno poparentaa i tolino nine butu Omiumo isa'a Ue Ala, oo Ue.”

2 Mokole 20:11

Mebooliomo i nabi Yesaya ndi Ondae i Ue, ka i'amba Ondae i Ue weweuo eo-eo atuu mosuka hopulu laampa'a i bungkuno inso a olono anu umariomo ipelempario a pontisono mata oleo wineweuno i Ahasi.

2 Mokole 5:15

Ka i'amba onae saru luwuno binawaano mpekule a ntetenaa-Do Ue Ala atuu. Mansado mehawe, onae mentade i arono i Elisa ka ipotae, ”Kanandio-andio kuto'orio nine i asa wawontolino nahina Ue Ala sangkadio i Isaraeli. Onaemo pu'uno, itarimaomo pompoweeno atamiu!”

2 Mokole 5:8

Mansano rumongeo i Elisa, tetenaa-Do Ue Ala atuu, nine mokoledo to Isaraeli moberi sangkano, me'oliwiomo ndi ondae mokole, kanandio, ”Tembio kai berio sangkamiu? Po'ineeomo mia atuu kai aiwa ndi ongkue, kai to'orio nine hinao asa nabi i Isaraeli.”

1 Tawarika 29:18

Oo Ue, Ue Alano i Burahima, i Saki ka i Isaraeli, uempu'umami, Ipekaria iramo ranta nahina tampulaano aroado bawaa-Miu anu kanandio-andio ka kongko Iwawao aroado ndi Omiu.

2 Tawarika 30:6

Ka i'amba melako iramo luwuno tinena a luwuno Isaraeli ka Yehuda mewawao wunta inso a mokole ka luwuno petewawa. Menunu saru parentado mokole, dompotae, ”Hei, to Isaraeli, impepokulemo ndi Ondae i Ue, Ue Alano i Burahima, i Saki ka i Isaraeli, ka Ondae Ira mekule ia anu tebinta inso i olomiu, ondae anu mentola inso a ngkaedo mokole Asuri.

Po'unde-unde 141:2

Po'ineeomo pekakaiku ka itinarima kana pesomba dupa i aro-Miu, ka kaeku anu tetande kana pesomba ngkiniwia.

Po'unde-unde 83:18

Po'ineeomo domempinokoko'ii ka ntededengke nahina tampulaano; po'ineeomo dompohawe pontetewehi ka memate,

Peluarakoa 3:6

Mepau Ira mbo'u i Ue, ”Ongkuemo Ue Alado uempu'umu, Ue Alado i Burahima, i Saki ka i Yako.” Ka i'amba i Musa tumutuwio rupano, nde doitono kumita Ira Ue Ala.

Peluarakoa 4:5

”Weweuomo atuu ka dompompe'ala-ala, nine Ondae i Ue, Ue Alado uempu'umiu, Ue Alano i Burahima, Ue Alano i Saki ka Ue Alano i Yako, umari Iramo mepopokita ndi omue.”

Yesaya 37:20

Onaemo pu'uno, oo Ue, Ue Alamami, Ikadudui kamimo inso a ngkaeno, kai to'orio luwuno poparentaa i tolino nine butu koa Omiu Ue.”

Yehesikieli 36:23

Aku mokomemporio nee-Ku anu langkai anu kinokoburutiomo i olodo luwuno tongku, ka anu kinokoburutimiu i tonga-tongado. Ka luwuno tongku ira mento'orio nine Ongkuemo Ue, kanandiomo pau-Do Ue Ala, tempono Kupopokitao mempori-Ku ndi omiu i arodo luwuno tongku.

Yehesikieli 39:7

Aku mokomengkaao nee-Ku anu mempori i tongano bawaa-Ku Isaraeli ka nahi Kupo'ineeo mbo'u nee-Ku anu mempori kinokoburuti, ranta luwuno tongku ira mento'orio nine Ongkuemo Ue, Anu Tedoa Mempori i Isaraeli.

Danieli 12:11

Mompu'u ipinenaa-naaako pesomba sompo oleo ka luwuno pinesombai mokoburu anu mompepate atuu tineahako, hinao asa nsowu ka rua etu ka sio pulu oleo.

Danieli 8:13

Ka i'amba kurongeo asa mia mempori mepau, ka asa mia mempori susua motaeakono anu mepau atuu, ”Hawe opia tempono igagi pongkita mongkona pesomba sompo oleo ka gau mosa'o anu mompepate, mongkona po'ianga mempori anu pineweengako ka sorodadu i langi anu melinolanda?”

Danieli 9:21

da kontongaaku mepau a laro mpekakai, i Gabarieli anu kukitaomo a laro pongkita se'eluno i tempono mpopesombaako pesomba ngkiniwia, magasi ipenee te'aro ndi ongkue.

I MATIU 22:32

Ongkuemo Ue Alano i Burahima, Ue Alano i Saki ka Ue Alano i Yako? Ondae komba Ue Alado mia memate, tendeano Ue Alano mia tuwu.”

I YOHANE 11:42

Kuto'orio, nine Iwela merorongea-Kune, sine hangano mia hadio anu mpentade i ndi'ai melimbu Aku, Kupauo, ka dompe'ala-alao, nine Omiumo anu tumena Aku.”

WINEWEUDO TINENA 10:30

Sumangki i Koroneliusu, ”Opaa oleo anu telalo bara'ura a tempo anu mengkena kanandio-andio, onaemo langku otolu owowa oleo, kontongaaku mekakai i raha. Borono hinao asa mia mentade i aroku, sangkano tesosangkilo

WINEWEUDO TINENA 3:1

Pohona tamo ronga tempono pekakaia, onaemo langku otolu owowa oleo, mewuatakoomo i Peturu ka i Yohane a Raha-Do Ue Ala.

EPESU 1:17

ka umemao ndi Ondae Ue Ala Ueto i Yesu Kerisituu, Ondaemo Ama anu maramba atuu, ka Dopoweeakomiu Penaa ponto'ori anu mentee ka mengkaa ka imento'ori Ira a menteeano.

EPESU 3:14

Onaemo pu'uno ka kupenggolontu mesomba ndi Ondae i Ama,