1 Mokole 18:29 - Wunta Mempori

²⁹ Mansano laloomo ntonga oleo, kana iramo mia pinewinsokino i mosa'o ranta kai haweako tempono mompesombaako pesomba ngkiniwia, sine nahina anu sumangki, nahina merio ira.

1 Mokole 18:29 Iomraidhean Croise

1 Mokole 18:26

Dome'alao sapi anu domewineeako, mempatindao ka mempoboio neeno Ba'ala mompu'u mo'oru hawe ntonga oleo, dompotae, ”Oo Ba'ala, sangki kamimo!” Sine nahina anu sumangki. Mpelonso-lonso ira melimbuo meda pontunua pesomba anu wineweudo.

1 Mokole 18:36

Ka i'amba tempono mompesombaako pesomba ngkiniwia, mentadeomo i nabi Elia ka ipotae, ”Oo Ue, Ue Alado i Burahima, i Saki ka i Isaraeli, po'ineeomo kai tino'ori oleo andio nine Omiumo Ue Ala i Isaraeli ka ongkue andio tetenaa-Miu, ka a mpau-Miumo kuweweuo luwuno andio.

1 Mokole 22:10

Mokole to Isaraeli ka i Yosapa, mokole to Yehuda, singge mia mentoro a ngkadera poparentaano saru mesangka mokole, i asa mpo'ianga ponsesaa i arono pewowa langkai Samaria. Luwudo nabi atuu pompau i arodo.

1 Mokole 22:12

Luwuno mbo'u nabi atuu mpopau kanatuu, dompotae, ”Lakomo i Ramoti-Gilea ka komiu monangi. Ondae i Ue Ira meweengakono a ngkaemiu mokole.”

Po'unde-unde 115:4

Luwuno lahumoado butu salaka ka wulaa, wineweuno kaeno mia,

Po'unde-unde 141:2

Po'ineeomo pekakaiku ka itinarima kana pesomba dupa i aro-Miu, ka kaeku anu tetande kana pesomba ngkiniwia.

Peluarakoa 29:39

Bimba anu asa, asalakono patindao tempono mo'oru ka bimba anu susua, patindao tempono ngkiniwia.

Peluarakoa 29:41

Bimba anu susua asalakono patindao tempono ngkiniwia. Mengkena kana pesomba kaanga ka pesomba tinawa tempono mo'oru, asalakono patindao gagi pesomba anu mo'ahi woono, aasa pesomba anu tinunuako api tia-Do i Ue.

Peluarakoa 8:14

Tumpa anu memate atuudo, domepumpu ira mpehowu-howu, onaemo kai mewoo mana moboo wawo wita atuu.

Yesaya 16:12

Maupo Moabi lumako mesomba ka me'isei a wawo pongku pesombaa ka mewinso mekakai a mpo'ianga memporino, nahi mohawe maupo hapa.

Yesaya 46:7

Domentandeo a wawo owea ka domentembio, ka do'amba menaao a mpo'iangano; onae mentade mpiha ka nahi pokompelimba inso a mpo'iangano. Maupo dompebooli mia ndi onae, onae nahi sangki ka nahi kadudui ira inso a ma'isoado.

Danieli 9:21

da kontongaaku mepau a laro mpekakai, i Gabarieli anu kukitaomo a laro pongkita se'eluno i tempono mpopesombaako pesomba ngkiniwia, magasi ipenee te'aro ndi ongkue.

GALATIA 4:8

I ndi'upua, tempono nahi imento'ori Ira Ue Ala, impe'atao koroimiu a luwuno pinesombai anu menteeano komba Ondae Ue Ala.

1 Samueli 10:5

Umarino atuu komo hawe i Gibea-Ue Ala, i tu'ai hinao po'ianga podagaiado sorodadu to Pelisiti. Itempono upewinso i kota, kotepotowoako ira asa bawaa nabi anu mpontindulu inso a pongku mpesomba, saru mia mpegambusu, mperebana, mpesiloli ka mpekasapi i arodo. Kanatuumo ondae mebukeako penaa kana nabi.

1 Samueli 18:10

Tisomono, pabawano i mosa'o anu Dope'eheo Ue Ala mewinsokio aroano i Saulu, onaemo ka igagi kana mia mekombe i laro raha. I Daudi memaeakono kasapi a ngkaeno kana biasano, sine i Saulu mo'ini kansai.