1 Mokole 18:24 - Wunta Mempori

²⁴ Ka i'amba asalakono impoboio neeno pinesombaimiu ka ongkue aku moboio nee-Do i Ue. Pinesombai anu sumangkiaako api, Ondaemo Ue Ala!” Luwuno palili mesangki, dompotae, ”Moikoomo kanatuu!”

1 Mokole 18:24 Iomraidhean Croise

Tegagia 4:26

Asa mbo'u ana ntamano i Seti pine'anaako, ka ineeakono i Enosi. I tempomo atuu mia mpompu'u mpoboio nee-Do i Ue.

2 Samueli 14:19

Mesikeno ira mokole, ”Ipokowaliko i Yoabi ke a luwuakoano andio?” Sumangki beine atuu, ”A ntumuwumiu, ueku mokole, nahina anu pansia i koana ke i manggali inso a luwuno anu pinaumiu ueku mokole. Menteeano atamiumo i Yoabi anu parenta aku. Onae anu tumena aku pauo pau andio.

1 Mokole 18:23

Ipoweeakamimo orua sapi laki. Po'ineeomo dompobiniki asa sapi, mebatu-batuo, menaao i wawono i wawono keu ponahu, sine sidompopolanga api. Ongkue mbo'u aku patindao sapi anu asa, numaao i wawono keu ponahu ka nahi aku mompolanga api.

1 Mokole 18:25

Ka i'amba i Elia motaeako ira nabi Ba'ala atuu, ”Impobinikimo asa sapi ka imempatindao se'elu pesombamiu hangano omiu mehadio komiu, umarino atuu impoboiomo neeno pinesombaimiu, sine si mpopolanga api.”

1 Mokole 18:38

Ka i'amba metiiomo api-Do i Ue kumaano pesombaa tinunu, keu, watu ka wita atuu, sekonopo uwoi a pangkoro pingko isile'io.

1 Mokole 18:39

Kumitao anu gagi atuu, luwuno palili mpenggolontu, ka dompotae, ”Ondae i Ue, Ondaemo Ue Ala! Ondae i Ue, Ondaemo Ue Ala!”

1 Mokole 2:38

Ka i'amba motae i Simei ndi ondae mokole, ”Moikomo, kana pinaumiu ueku mokole, kanatuumo ta weweuo atamiu andio.” Onaemo ka ipo'ia i Simei i Yerusale ba opia tempo tehineno.

1 Tawarika 21:26

I ra'ai i Daudi mowangu meda pontunua pesomba ndi Ondae i Ue, mompesombaako pesomba tinunu ka pesomba tekaduduia, saru moboi Ira i Ue. Ondae i Ue sumangkiakono api anu metii inso i langi a wawo meda pontunua pesomba tinunu atuu.

2 Tawarika 7:1

Mansano mokotampulao i Salomo pekakaino, metiiomo api inso i langi kumaano pingko pesomba tinunu ka luwuno pesomba sinumbele atuu, ka maramba-Do i Ue buketio raha atuu.

2 Tawarika 7:3

Mansado mengkitao luwuno to Isaraeli api atuu metii ka maramba-Do i Ue buketio raha atuu, mpenggolontu iramo a horo saru rupado a wita, ka do'amba mpetuundu mpesomba ka mpenaniako po'unde-unde tia-Do i Ue, ”Hangano Ondae moiko! Menteeano nahina tampulaano petenunu ka pompehogawa-Do.”

Yesaya 39:8

Sumangki i Hisikia ndi Yesaya, ”Moiko ntu'u pau-Do i Ue anu pinaumu atuu!” Sine pinewowolono, ”Polo ka ihina manangai ka rodoa asa ntinuwuku!”

Yeremia 27:18

Tewala ondae atuu lano nabi ka pau-Do i Ue kongko ndi ondae, moikoomo dodadai Ira Ueno luwuakoano, ka si winawa i Babeli luwuno parewa anu da tebinta a Raha-Do i Ue, a langkanaeno mokoledo to Yehuda, ka i Yerusale.

Imama 9:24

Meluarakoomo api inso i aro-Do i Ue kumaano pesomba tinunu ka luwuno taba i wawono meda pontunua pesomba. Mansado luwuno tongku atuu mengkitao, mpeboo-booli iramo ka do'amba mpenggolontu mpesomba.

Puu Mpobitara 6:21

Mala'eka-Do i Ue tumasio tuko anu ia ngkae-Do, untuno dumanggio bau ka roti atuu. Melangaomo api inso ia watu atuu tumunuo bau ka roti ranta kai pingko. Umari atuu moliuomo Mala'eka-Do i Ue inso ia pongkitano.