1 Mokole 17:18 - Wunta Mempori

¹⁸ Ipotae beine atuu ndi Elia, ”Hapake tinoomu ndi ongkue, oo tetenaa-Do Ue Ala? Hapake aiwamu ndi ongkue hawe mopoto'oriakune salaku ka onae pu'uno anaku ka imate?”

1 Mokole 17:18 Iomraidhean Croise

Tegagia 44:16

Motae i Yehuda, ”Kami mpokompotae hapa ndi omiu ueku? Hapa anu kami mpokopauo? Hapa anu kami mpokopauakomiu? Kana'umpe kami mpokomenteeo koroimami? Dopopokitaomo Ue Ala salado atamiu andio. Gagi, po'ineeomo kimegagi atamiu ueku, moiko omami maupo mia anu hinawe numaa piala atuu.”

Tegagia 50:15

Tempono domengkitao pepaekompono i Yusupu nine mateomo amado, mpotae ira, ”Bara'ura i Yusupu da monaa aroa ndi ontae ka ta mombaloakono ndi ontae luwuno wineweu mosa'o anu tomeweweuomo ndi onae.”

Tegagia 50:17

Kanandiomo asalakono imempauakono i Yusupu: Po'ineeomo i'ampunio sala ka halado pepaekompomu, hangano mpoweweu iramo anu mosa'o ndi omiu. Kanandio-andio, po'ineeomo ka i'ampunio sala anu wineweudo tetenaa-Do Ue Alado amamiu.” Ka i'amba mengeseomo i Yusupu mansano rumongeo dompepau kanandio ndi onae.

2 Samueli 16:10

Sine dopotae mokole, ”Hapake urusuaku saru omue, hei anano i Seruya? Po'ineeomo ipontotonaa! Hangano tewala Ondae i Ue mepau ndi onae: Totonaaomo i Daudi, isemake anu ta mesikeno: tembio kau poweweu kanatuu?”

2 Samueli 19:22

Sine ipotae i Daudi, ”Hapake urusuaku saru omiu, hei anano i Seruya, ranta omiu ia oleo andio gagi iwaliku? Tekonake a oleo andio asa mia hinuku mate i Isaraeli? Kombake kuto'orio ntu'u nine oleo andio ongkuemo mokoledo to Isaraeli.”

1 Mokole 12:22

Sine haweomo pau-Do Ue Ala ndi nabi Senaya, kanandio,

1 Mokole 13:1

Tempono i Yerobea mentade umpeda a meda pontunua pesomba ta montunu pesomba, hangano parenta-Do i Ue hawe asa nabi-Do Ue Ala inso i Yehuda lumako i Beteli.

1 Mokole 17:17

Ba opia tempo lembuino, ana beineno ue raha atuu mahaki. Hakino tedoa mobea ranta tampula mpenaa.

1 Mokole 17:19

Ipotae i Elia ndi onae, ”Peweengakonomo anamu atuu ndi ongkue.” I Elia umalao nana'ote atuu inso a mpekopuino beine atuu ka iwawao a bolongko i wawono peratoano, ka i'amba momboleo nana'ote atuu a mpoturiano.

1 Mokole 18:9

Sine sumangki i Obaja, ”Hapamo ke, hala anu wineweuku ka komiu meweengakono atamiu andio ndi Ahabi kai pinepate?

1 Mokole 20:28

Tetenaa-Do Ue Ala atuu umpedaakono mokoledo to Isaraeli ka ipotae, ”Kanandio pau-Do i Ue: Hangano to Arami atuu mpotae iramo: Ondae i Ue, onaemo Ue Ala i torukuno komba Ue Ala i lembono, onaemo pu'uno luwuno sorodadu anu hadio atuu, Aku meweengako ira a ngkaemu, kai mento'orio nine Ongkuemo Ue.”

2 Mokole 1:9

Ka i'amba mokole tumenao asa petewawa sorodadu saru lima pulu ana buano ndi Elia. Petewawa sorodadu atuu mewuatako tepohaweakono i Elia anu tekonai mentoro a punsuno torukuno ka ipotaeakono, ”Tetenaa-Do Ue Ala, dopotae mokole: Petiimo!”

2 Mokole 3:13

Motae i Elisa ndi mokoledo to Isaraeli, ”Hapake orusuaku saru omiu? Lakomo a luwuno nabido amamiu ka inemiu.” Sumangki mokoledo to Isaraeli ndi onae, ”Naahi, hangano Ondaemo i Ue anu moboi ira otolu mokole andio, ka domempineweengako a ngkaedo to Moabi!”

2 Tawarika 35:21

Ka i'amba onae montena mia ndi Yosia, saru pe'oliwi, ”Hapake orusuamu ndi ongkue, mokole i Yehuda? Tempo andio komba aiwa aku umewaiko, sine umewaio somborino mokole anu kontongaano kupeteaakono. Ondae Ue Ala parenta aku ka kuronga lumeluo. Penaa-naakonomo tinoomu umewai Ira Ue Ala anu kumongkomi aku, kasi Doropuko!”

Ayubi 13:23

Opiamo hadiono salaku ka halaku? Ipauakunemo salaku ka halaku atuu.

Ayubi 13:26

Hangano Omiu buri ira mongkona anu mopa'i ndi ongkue ka mopo'umbuakune salaku tempono kumongura;

Podoaa 5:15

asalakono mia atuu wawao kombiano a sando mpesomba. Asalakono mia mbo'u atuu mowawa pesomba hangano beine atuu hadiono asa ntia hopulu efa tarigu jelai. Nahi moiko ipontawa lana i wawono maupo monaakono dupa, hangano pesomba atuu onaemo pesomba kaanga mosiria, asa pesomba pepopoto'ori anu mopoto'oriakono mia mongkona mosa'oa.

I MATIU 8:29

Ka mebooli iramo, dopotae, ”Hapa I'ungkeakami, hei Ana-Do Ue Ala? Nde onaeke I'aiwaako ramai Komiu bobarasai kami napi tempono?”

I MARAKUSU 5:7

ka meroku ikokora-kora, ”Hapa ta mbinio-Miu ndi ongkue, hei Yesu, Ana-Do Ue Ala Anu Lalu i wawono? A nee-Do Ue Ala, si bobarasai aku!”

I MARAKUSU 6:16

Tempono irongeo i Herode mongkona atuu, ipotae, ”Naahi, onae atuu i Yohane anu ku'impahiomo uluno, ka wali mewangu.”

I LUKASI 4:34

”Hei Omiu, Yesu to Nasare, Komiu aiwa mombioke ndi omami? Nde Komiu aiwa mepate kami? Kuto'orio isema Omiu: Anu Mempori inso ndi Ondae Ue Ala.”

I LUKASI 5:8

Mansano kumitao i Peturu anu gagi atuu menggolontuomo i aro-Do i Yesu ka ipotae, ”Ue, Ibinta akumo, hangano ongkue andio asa mia tehala.”

I LUKASI 8:28

Tempono ikita Ira i Yesu, kumoraomo ka i'amba menggolontu i aro-Do ka ipepau meroku, ”Komiu mbio aku, hei Yesu Ana-Do Ue Ala Anu i Wawono luwuakoano? Ku'emao ntu'u ndi Omiu, si bobarasai aku.”

I YOHANE 2:4

Dopotae i Yesu, ”Hapake inehemiu inso ndi Ongkue, ine? Napi haweako tempo-Ku.”

Puu Mpobitara 13:6

Ka i'amba beine atuu tepohawekono tamano ka ipotae, ”Haweomo ndi ongkue asa tetenaa-Do Ue Ala, rupano kana rupa mala'eka-Do Ue Ala, tedoa mongkokodoito. Nahi kusikenoo ba isua insoano, ka onae koa mbo'u nahi pauo neeno ndi ongkue.

1 Samueli 16:4

Iweweuo i Semueli menunu kana pau-Do i Ue. Mansano hawe i Beteleme, mpondende ira mia mota'u mentotowoo, ka dompotae, ”Hawemiu andio, nde mowawa komiu moikoa?”