1 Mokole 17:17 - Wunta Mempori

¹⁷ Ba opia tempo lembuino, ana beineno ue raha atuu mahaki. Hakino tedoa mobea ranta tampula mpenaa.

1 Mokole 17:17 Iomraidhean Croise

1 Mokole 17:16

Tarigu a ngkusi atuu nahi pingko ka lana a mpido nahi makura, kana pau-Do i Ue anu pinohawe-Do molalo i Elia.

1 Mokole 17:18

Ipotae beine atuu ndi Elia, ”Hapake tinoomu ndi ongkue, oo tetenaa-Do Ue Ala? Hapake aiwamu ndi ongkue hawe mopoto'oriakune salaku ka onae pu'uno anaku ka imate?”

Ayubi 12:10

nine a ngkae-Do ipo'ia penaano luwuno anu tuwu ka penaano sompo mia?

Ayubi 34:14

Tewala Ondae montoo i laro aroa-Do, wali umalao Penaa mempori-Do ka penaa-Do,

Po'unde-unde 104:29

Tewala Iwunio rupa-Miu, ondae ntededengke; tewala I'alao penaado, ondae memate ka mpekule gagi pampawu.

Danieli 5:23

Omiu ueku mompelangka-langkai ndi Ondae Anu Pabawa i suruga. Parewa inso a Raha-Do domewawao mia ndi omiu, ka i'amba omiu ueku saru anu langkai potorono a poparentaamiu, luwuno kombiamiu ka samburuemiu mpo'inu anggoro inso a mparewa atuu; omiu ueku umunde-unde ira pinesombai inso a nsalaka ka wulaa, inso a mala, labu, keu ka watu, anu nahi pongkita, moronge ke monto'ori. Omiu ueku nahi pelangkai Ira Ue Ala, anu kumungkuo penaamiu ka tumantuio luwuno pesalaamiu ueku.

Sakaria 12:10

”Aku motiio penaa pompehohawa ka po'emano somborino i Daudi ka palilino Yerusale. Ira mengkita Aku anu tinobodo. Ira mensabangio kana mia monsabangi ana anu asa-asa, ka ira mpengeseio a laro masukarano tumuwu kana mia mompengesei ana aka.

I YOHANE 11:14

Onaemo pu'uno ka Dopauo i Yesu a manasaano, ”I Lasaru mateomo;

YAKOBU 1:12

Me'uraomo mia anu mompetea a laro po'ara-arahako, hangano tewala ipokolaloomo po'arahako, ta tumarimao ramba-ramba ulu tuwua anu dinandi-Do Ue Ala ndi ba isema anu mehohawa Ira.

YAKOBU 2:26

Hangano kana koroi nahina penaano, maate, kanandio koa mbo'u pompe'ala-ala nahina wineweu, maate.

1 PETURU 1:7

Tinoono luwuno atuu onaemo ka ipinokomengkaa menteeno pompe'ala-alamiu – anu masuliopo olino sekono wulaa anu ta pingko, anu inarahakoako api menteeno – onaemo ka impohawe po'unde-unde ka marambaa ka pelangkai a oleo Dopepokomengkaa i Yesu Kerisituu.

1 PETURU 4:12

Luwuno pepaekompo anu pinehohawa, siimo imengkohali-haliakono langano api pobobarasaia anu hawe ndi omiu gagi po'arahako, kana hinao bahapa anu tedoa langkai gagi ndi omiu.