1 Mokole 17:15 - Wunta Mempori

¹⁵ Lumakoomo beine atuu ka iweweuo kana anu pinauno i Elia. Beine atuu ka pe'asa rahano saru i Elia, mpongkaa ira mpiha sompo oleo.

1 Mokole 17:15 Iomraidhean Croise

Tegagia 12:4

Ka i'amba lumakoomo i Burama kana anu pinau-Do i Ue ndi onae, ka i Lo'oti mbo'u metonda meronga onae. Tinuwuno i Burama pitu pulu ka olima nta'u tempono i pelungka inso i kota Harani.

Tegagia 22:3

Tisomono mo'oru i Burahima mewangu, lumampio kalideno ka ipoboio orua ira atano saru i Saki, anano. Ibansio mbo'u keu pontunu pesomba tinunu, ka i'amba melungka lumako a mpo'ianga anu Dopauakono Ue Ala.

Tegagia 6:22

Ka i'amba i Noho weweuo luwuno atuu; kona ntu'u kana peparenta-Do Ue Ala ndi onae, kanatuumo iweweuo.

1 Mokole 17:14

Hangano kanandiomo pau-Do i Ue, Ue Alado to Isaraeli: Tarigu a ngkusi atuu nahi ta pingko ka maupo lana a mpido atuu nahi ta makura ranta ka Dopompotii usa i Ue i wawontolino.”

1 Mokole 17:16

Tarigu a ngkusi atuu nahi pingko ka lana a mpido nahi makura, kana pau-Do i Ue anu pinohawe-Do molalo i Elia.

2 Mokole 4:5

Beine atuu lumako inso ndi onae. Itondoomo pewowa umarino onae ka luwuno anano mpewinso. Luwuno anano mewawa ira bolusa umpeda ndi onae, kontongaano montawa mpiha. Mpowawa bolusa umpeda ndi onae.

2 Tawarika 20:20

Tisomono mo'o-mo'oru melako ira te'aro i pada one Tekoa. Mansano ira mpelungka, mentadeomo i Yosapa, ka ipotae, ”Rongeo, oo Yehuda ka palilino Yerusale! Impe'ala-ala Iramo i Ue, Ue Alamiu, ka komiu memoroso mpiha! Impe'ala-ala iramo nabi-Do, ka komiu mpehasili!”

I MATIU 15:28

Onaemo ka Dosangki i Yesu ka motaeakono, ”Hei beine, langkai pompe'ala-alamu, ka gagiomo ndi omue kana anu ino'aroamu.” Ka i tempo koa mbo'u atuu tompaomo anano.

I MARAKUSU 12:43

Onaemo ka Dopoboi ira ana guru-Do ka Dopotaeako ira, ”Kupauakomiu, menteeano tuwu beine mongkokolaro andio mompowee hadioopo sekono luwuno mia anu mpowinso doi a laro burua ponaapa pesomba.

I YOHANE 11:40

Sumangki Ira i Yesu, ”Kombake umariomo Kupauakomu: Tewala upe'ala-alao kokumitao maramba-Do Ue Ala?”

IBARANI 11:17

Hangano pompe'ala-ala onaemo i Burahima tempono i inara-arahako, ipesombaakono i Saki. Onae, anu tumarimaomo dandi atuu, ipe'induakono mesombaakono anano anu asa-asa,