1 Mokole 14:6 - Wunta Mempori

⁶ Mansano irongeomo i Ahia unino pelempano beine, anu mewinso a mpewowa, motaeomo, ”Pewinsomo, hei kombiano i Yerobea! Tembio kau po'onde-onde omue mia susua? Tinena aku mohaweo pe'oliwi anu montaso ndi omue.

1 Mokole 14:6 Iomraidhean Croise

1 Mokole 14:2

Ka i'amba i Yerobea motaeakono kombiano, ”Pepatindamo! Po'onde-ondemo kana mia susua, kasi domento'oriko mia nine omue kombiano i Yerobea, ka lakomo i Silo. Nde komba i ra'ai ke po'iangano nabi Ahia. Onae anu umari pauo mongkona ongkue, nine ongkue ta gagi mokoledo tongku andio.

1 Mokole 14:5

Sine Ondae i Ue mepau Iramo ndi i Ahia, ”Menteeano kombiano i Yerobea ta hawe mesikenoakono ndi omue, mongkona anano, hangano anano atuu kontongaano mahaki. Asalakono kanandio-andio pauakono.” Tempono ipewinso beine atuu iweweuo kana-kana onae mia susua.

1 Mokole 14:7

Lakomo pauakono i Yerobea, kanandio, ’Kanandiomo pau-Do i Ue, Ue Alado to Isaraeli: Kutandekomo inso i olodo tongku atuu, ka motoroko gagi mokoledo bawaa-Ku Isaraeli.’

1 Mokole 20:42

Motae nabi atuu ndi onae, ”Kanandio pau-Do i Ue: Hangano upo'ineeo toola mia anu pinakosi ta pinepate hangano ongkue, penaamumo euno penaano ka palilimu euno palilino.”

1 Mokole 22:8

Sumangki mokoledo to Isaraeli ndi Yosapa, ”Da hinao mbo'u asa mia anu molalo onae topokompo'ema pontiso-Do i Ue. Sine ku'o'aliaakono hangano nahi hori mompau anu moiko mongkona ongkue, tendeano butu masolaa. Mia atuu, onaemo i Mika, anano i Yimila.” Motae i Yosapa, ”Siimo ipepau kanatuu mokole.”

Ayubi 5:13

Ondae morako mia monto'ori anu pande me'akala, patuduno mia me'akala nahi Dopokogagio.

Po'unde-unde 33:10

Ondae i Ue nahi Dopokogagio sinongkado luwuno tongku; Ondae umoninio sinongkado suku tongku;

Powadi 21:30

Nahina ponto'ori anu mentee ka ponto'ori, ka nahina pontimbanga anu mokompengkenaako Ira i Ue.

I MARAKUSU 14:21

I Ana Manusia lano Ira lumako menunu saru anu hinao teburi mongkona Ondae, sine masolaomo mia anu hangano onae ka Dopineweengako i Ana Manusia atuu. Da moikoopo mia atuu ba nahi pine'anaako.”

IBARANI 4:13

Ka nahina maupo te'asa anu tuwu tewuni i aro-Do, hangano luwuakoano nahi tetutuwi ka te'ungkahi i arono mata-Do, anu ndi Ondae asalakono kita mentanggumio.

1 Samueli 15:16

”Sompoomo!” Motae i Semueli ndi Saulu, ”Aku pauakomu hapa pau-Do i Ue ndi ongkue hieno wongi.” Sumangki i Saulu, ”Ipauomo.”

1 Samueli 15:26

Sine ipotae i Semueli ndi Saulu, ”Nahi aku behe mbo'u merongaakomu, hangano omue u'ewaiomo pau-Do i Ue, nde Ondae i Ue mbo'u nami Dotarimako gagi mokoledo to Isaraeli.”

1 Samueli 28:18

Hangano u'ewaio songka-Do i Ue ka nahi utondaako Ira po'ehe-Do rumopu ira luwu to Amale. Ondae i Ue Ira weweuo anu kanandio ndi omue oleo andio.