1 Mokole 14:23 - Wunta Mempori

²³ Ondae mbo'u mpowangu hadio pongku wita pesombaa saru hadio tugu ka hadio karuno pelahumoaa i wawono sompo pongku wita anu mantande ka i totono sompo keu anu marombo.

1 Mokole 14:23 Iomraidhean Croise

1 Mokole 12:31

Iweweu ira mbo'u raha mpesombaa po'unde-undea lahumoa ka ipotoro ira sando mpesomba inso a mpalili anu komba inuleno i Lewi.

1 Mokole 14:15

Ka Do'amba i Ue humuku ira to Isaraeli kana gelaga anu bunembua a uwoi ka butasi ira inso a wita moiko andio anu Doweeako ira uempu'udo. Ondae Ira weweuo ka dontetia-tia i asatowano koro Eparata, hangano mpoweweu iramo luwuno karuno lahumoado, ranta mokotesingkao tekuda-Do i Ue.

1 Mokole 15:12

Onae nami po'eheako mbo'u pebelesua i wita atuu ka lumiahakono luwuno pelahumoaa anu wineweudo uempu'uno.

1 Mokole 20:23

Luwuno pegawaino mokoledo to Arami mpotaeakono, ”Luwuno pinesombaido onaemo pinesombai i torukuno. Onaemo pu'uno memoroso irapo sekono ontae. Sine, tewala mpetea kita i lembono, manasa memoroso kitapo sekono ondae.

1 Mokole 3:2

Butumokoa, tongku atuu da mpopesombaako pesombado a pongku-pongkuno wita pompesombaa, hangano raha po'iangano nee-Do i Ue napi winangu hawe i tempo atuu.

1 Mokole 3:3

I Salomo mehohawa Ira i Ue saru tuwu montonda luwuno pompakosino i Daudi, amano. Butumokoa, onae da mompesombaako pesomba sinumbele ka dupa a pongku-pongkuno wita pompesombaa.

2 Mokole 10:26

Domeluarakono luwuno tuguno raha Ba'ala ka do'amba mentunuo.

2 Mokole 16:4

Onae mompesombaako pesomba ka montunu pesomba a luwuno po'ianga pesombaa a luwuno pongku wita ka i totono sompo keu anu marombo.

2 Mokole 17:16

Dompebungkuio luwuno parenta-Do i Ue, Ue Alado, ka mpoweweu ira orua ana nsapi tinawa. Mpoweweu ira mbo'u tinaha Asera ka mpenggolontu mpesomba a luwuno sorodadu langi saru mpesomba ndi Ba'ala.

2 Mokole 17:19

To Yehuda mbo'u nahi dompekariao parenta-Do i Ue, Ue Alado. Mentuwu ira montonda luwuno anu wela wineweudo to Isaraeli.

2 Tawarika 24:18

Domebintao raha-Do i Ue, Ue Alano uempu'udo, ka do'amba mpesomba a luwuno karuno lahumoa ka tinaha lahumoa. Hangano hala atuu Yehuda ka Yerusale i'aluo pontekudaako.

2 Tawarika 28:4

Ipesombaakono ka montunu pesomba a luwuno po'ianga pompesombaa a wawo mepongkuano ka i totono sompo keu anu marombo.

Peluarakoa 34:13

Tendeano luwuno meda pontunuado pesomba impobangku ira, luwuno tugu lahumoado imerawo-rawoo, ka karuno lahumoado imentuehi ira,

Yesaya 57:5

Omiu mentondao lahi po'eheno aroamiu umpeda a luwuno ngkeu me'onitu, i totono sompo keu anu marombo, omiu sumumbele ira nana'ote a luwuno lembono, i olo-olono pongku watu.

Yeremia 17:2

gagi pepopoto'ori ndi ondae! Luwuno meda pontunua pesomba ka luwuno karuno pelahumoaado lano kongko i horino keu anu marombo leweno i wawono luwuno pongku anu mantande,

Yeremia 2:20

Hangano mompu'u i ndi'ipua upuduomo pasangamu, ka biteo koloro tanggomu. Upotae: Nahi kubehe mbo'u pine'ata. Mentee ntu'u i wawono sompo pongku anu kontasi-tasi ka i totono sompo keu anu marombo omue mepombole ka mebelesu.

Yeremia 3:13

Polomo koa akuiomo salamu, nine u'ewai Iramo i Ue, Ue Alamu. Utia-tiaomo pongkekewoimu a luwuno pinesombaido mia mehawe a ntoto sompo keu anu marombo, ka nahi perorongeakono pau-Ku, kanandiomo pau-Do i Ue.”

Yehesikieli 6:13

Komiu mento'orio nine Ongkuemo Ue, tempono luwuno miado anu mempinepate ntebangku i tonga-tongano luwuno lahumoado lumimbuo luwuno meda pontunua pesomba, i wawono sompo pongku anu mantande ka i wawono luwuno punsuno torukuno, i totono sompo keu anu marombo ka sompo keu tarabanti anu hadio leweno, luwuno po'iangado mpowawa pesomba anu mana mo'ahi tiado luwuno lahumoado.

Yehesikieli 6:3

Pauomo: Hei luwuno torukuno Isaraeli, rongeomo pau-Do Ue Ala! Kanandiomo pau-Do Ue Ala a luwuno torukuno ka pongku, a luwuno waaano korono ka lembono: Mentee ntu'u, Aku mompotiiakomu ponai ka Aku merawo-rawoo luwuno po'ianga pesombaamu.

Yehesikieli 6:6

Isuamo koa impo'ia, luwuno kotamiu ta gagi tekale-kale ka luwuno po'ianga pesombaamiu ta gagi boni-boni, ka irinawo-rawo luwu meda pontunuamiu pesomba ka bininta boni-boni, luwuno lahumoamiu pinuro ka nami hina, luwuno pontunuamiu dupa rinawo-rawo ka luwuno wineweuno kaemiu pinokotampula.

Hosea 10:1

Isaraeli onaemo keu anggoro anu tuwu mewalo, anu mehasiliako wua. Kohadi-hadiono wuano, kohadi-hadiono meda pontunua pesomba wineweuno. Komoi-moikono witano, komoi-moikono wineweuno luwuno tugu lahumoa.

Imama 26:1

”Si mpoweweu lahumoa pesombaamiu, si mpompontade tinaha ke tugu pelahumoaamiu, ka si mponaa watu ngginori i witamiu ka impenggolontu mpesomba ndi onae, hangano Ongkuemo Ue, Ue Alamiu.

Mika 5:14

Aku mombalo pontoo a laro ntekuda ka saru mokulano tekudaku, a luwuno tongku anu nahi behe momperorongeako.

Winali 12:2

Asalakono imeropu ira ntu'u luwuno po'ianga pesombaa anu pinesombaido tongku anu liniahakomiu atuu, moiko a ntorukuno ondau, a pongku wita ka i totono sompo keu anu marombo.

Winali 16:22

Osi'i mbo'u impowangu tugu lahumoa, hangano mongkona atuu Do'o'aliaakono i Ue, Ue Alamiu.