1 Mokole 14:21 - Wunta Mempori

²¹ Onaemo i Rehabea, anano i Salomo, moparenta i Yehuda. Tinuwuno i Rehabea pato pulu ka asa nta'u tempono igagi mokole, ka hopulu ka opitu nta'u tehineno ipopareta i Yerusale, kota anu bininiki-Do i Ue inso a luwuno sukudo to Isaraeli gagi po'ianga Donaao nee-Do. Neeno ineno, i Na'ama, asa beine to Amoni.

1 Mokole 14:21 Iomraidhean Croise

1 Mokole 11:1

I mokole Salomo mompekokono hadio beine mia hawe. Komba butu anano i Pirao, ipekokono ira mbo'u beine to Moabi, to Amoni, to Edomi, to Sidoni ka to Heti,

1 Mokole 11:32

Sine, asa suku ta me'ueo mpiha hangano i Daudi, tetenaa-Ku ka hangano Yerusale, kota anu Kubinikio inso a luwuno sukudo to Isaraeli.

1 Mokole 11:36

Ndi anano Aku weeakono asa suku, kaihina mpiha inuleno tetenaa-Ku i Daudi i aro-Ku i Yerusale, kota anu Kubinikio kai po'ia nee-Ku i ra'ai.

1 Mokole 11:43

Ka i'amba i Salomo mate ka kinaburu i kota Daudi, amano. I Rehabea, anano umeuo gagi mokole.

1 Mokole 12:17

Sine to Isaraeli anu mempo'ia a luwuno kotado to Yehuda, i Rehabea gagi mokoledo.

1 Mokole 14:20

I Yerobea moparenta rua pulu ka orua nta'u tehineno, ka i'amba mohawe penaa-naaano saru uempu'uno. Ka i'amba i Nadabi, anano gagi mokole umeuo.

1 Mokole 14:31

I Rehabea mate. Onae kinaburu i horino uempu'uno i kota Daudi. Neeno ineno i Na'ama, asa beine to Amoni. Ka i'amba i Abiama anano i Rehabea, gagi mokole umeuo.

1 Mokole 22:42

I Yosapa tolu pulu ka olima nta'u tinuwuno tempono i gagi mokole, ka rua pulu ka olima nta'u tehineno i poparenta i Yerusale. Neeno ineno, i Asuba, anano i Silihi.

1 Mokole 8:16

Mompu'u Kuwawa ira bawaa-Ku Isaraeli mpeluarako inso i wita Masiri, nahi Kupobiniki maupo kota hapa inso i olono luwuno suku Isaraeli kai winangu asa raha kai po'ia nee-Ku i ra'ai, sine Kubinikiomo i Daudi kai pabawai ira bawaa-Ku Isaraeli.”

1 Mokole 8:29

Po'ineeomo ka Ipensiroio mpiha raha andio meene ka wongi, a mpo'ianga anu pinau-Miu, ’nee-Ku ta mo'ia i ra'ai,’ ka irongeo pekakai anu winuatakono tetenaa-Miu a mpo'ianga andio.

1 Mokole 8:44

Tewala bawaa-Miu mpeluarako mpetea umewai ira iwalido, maupo isua Itena ira, ka dompekakai ndi Omiu Ue, mpe'aro i kota anu Ibinikiomo ka a raha kuwanguomo tiano nee-Miu,

2 Tawarika 12:1

Tempo pabawano i Rehabea gagi mokole rodo ka moroso, onae saru luwuno Isaraeli mebintao songka-Do i Ue.

2 Tawarika 12:13

Mokole Rehabea mokorosoo koroino ka moparenta i Yerusale. Tinuwuno i Rehabea pato pulu ka asa nta'u tempono igagi mokole, ka i larono hopulu ka opitu nta'u ipoparenta i Yerusale, kota anu bininiki-Do i Ue inso i olono luwuno suku Isaraeli ka ipo'ia nee-Do i ra'ai. Neeno ineno i Na'ama, asa beine Amoni.

2 Tawarika 13:7

Luwuno mia mpelakopi ka mia lambaha, ntepo'asa saru onae. Moroso irapo sekono i Rehabea anano i Salomo, anu da mongura ka napi moroso aroano, saru nahi polio umaropi ira.

Peluarakoa 20:24

Asalakono impoweweu pontunua mpesomba ndi Ongkue inso a wita ka impesombaakonomo i wawono, pesombamiu anu tinunu ka pesomba tekaduduiamiu, bembe bimba ka sapi. Sompo po'ianga anu Kutisoakomu, gagi po'ianga impelangkaio nee-Ku, Aku hawe ndi omiu rumonso komiu.

Yesaya 12:6

Peboolimo ka temaroamo impebooli, hei palilino Sioni, hangano maramba Iramo Anu Tedoa Mempori, Ue Alado to Isaraeli, i tonga-tongamiu!”

Winali 12:21

Tewala po'ianga anu Ira binikio i Ue, Ue Alamiu ka mokomengkaao nee-Do i ra'ai, olai lahi inso a mpo'iangamiu, onae moiko imposumbele sapi ka asa bawaa bembe bimba anu Doweeakomiu i Ue, kana anu kuparentaakomiu, ka imengkaano bauno i kotamiu po'eheno aroamiu.

Winali 12:5

Sine, asalakono komiu me'ungkeo po'ianga Ira binikio i Ue, Ue Alamiu, inso a luwuno sukumiu gagi po'ianga-Do mokomengkaao nee-Do i ra'ai. I ra'aimo asalakono imelako.

Winali 23:3

Asa to Amoni ke to Moabi sipewinso a bawaa-Do i Ue, tendeano maupo inuledo anu kohopulu nahi bisa ipewinso a bawaa-Do i Ue, ranta nahina tampulaano,