1 Mokole 14:15 - Wunta Mempori

¹⁵ Ka Do'amba i Ue humuku ira to Isaraeli kana gelaga anu bunembua a uwoi ka butasi ira inso a wita moiko andio anu Doweeako ira uempu'udo. Ondae Ira weweuo ka dontetia-tia i asatowano koro Eparata, hangano mpoweweu iramo luwuno karuno lahumoado, ranta mokotesingkao tekuda-Do i Ue.

1 Mokole 14:15 Iomraidhean Croise

1 Mokole 14:9

Omue moweweukomo anu mosa'o, lansaraopo sekono anu mese'elungiko. Uweweuomo tiamu luwuno pinesombai susua ka luwuno tinaha tinawa, ranta mokotesingkao tekuda-Ku, tendeano upebungkui Akumo.

2 Mokole 15:29

I tempo poparentaano i Pekahi mokole i Isaraeli, haweomo i Tigalati-Pileseri mokole i Asuri mongko'alao Iyoni, Abeli-Beti-Ma'aka, Yanoahi, Kedesi ka Hasori, Gileadi ka Galilea saru luwuno wita Napatali. Ka i'amba wawa ira palilino a pontadia i Asuri.

2 Mokole 17:11

I ra'ai i wawono sompo pongku wita atuu mpontunu ira pesomba mengkena kana luwuno tongku anu Doliahako iramo i Ue inso i arodo. Mpoweweu ira luwuakoano anu mosa'o ranta mokotesingkao tekuda-Do i Ue.

2 Mokole 17:16

Dompebungkuio luwuno parenta-Do i Ue, Ue Alado, ka mpoweweu ira orua ana nsapi tinawa. Mpoweweu ira mbo'u tinaha Asera ka mpenggolontu mpesomba a luwuno sorodadu langi saru mpesomba ndi Ba'ala.

2 Mokole 17:17

Dompesombaako ira anado gagi pesomba a laro api. Mpoparesa ira ura ke rugino mia ka mpopau ira anu ta gagi, saru me'asao koroido mpoweweu anu mosa'o a pongkita-Do i Ue, ranta mokotesingkao tekuda-Do i Ue.

2 Mokole 17:23

ranta ka Doropu ira i Ue to Isaraeli inso i aro-Do kana anu Dopauomo molalo luwuno tetenaa-Do, luwuno nabi. To Isaraeli mewinawa inso i witado a pontadia i Asuri. Kanandiomo hawe oleo andio.

2 Tawarika 7:20

manasa Aku buta komiu inso i wita-Ku anu umariomo Kuweeakomiu, ka raha andio anu Kupokomemporiomo tiano nee-Ku, Aku tumadio inso i aromiu ka Aku mokogagio potundaa ka pasinggiri i olodo luwuno tongku.

Po'unde-unde 52:5

Omue kumekewoio anu mosa'o laluaopo sekono anu moiko, ka pegaupi sekonopo pau anu mentee. Sela

Powadi 2:22

sine mia mosa'o gauno ta pinoko tampula inso i wita atuu, ka anu mohapu pedandia ta tinadi inso i ra'ai.

Yeremia 24:10

Aku mompotii ponai, mokoninggoa ka haki lele i olodo, ranta ka domepingko pinokotampula inso i wita anu Kuweeako iramo ndi ondae ka uempu'udo.”

Yeremia 28:8

Luwuno nabi se'eluno ongkue ka se'eluno omue, inso i ndi'ipua mpopau iramo anu ta gagi a hadio wita po'ianga ka a luwuno poparentaa anu langkai mongkona peteaa, masolaa, ka haki lele.

Imama 26:43

Wita atuu ira mebintao ka membasaio luwuno ta'u Saba onaemo tempono wita atuu londa, ka domebintao, ira me'owahio salado, komba hangano hapa, onaemo hangano nahi domentondao atora-Ku ka aroado nte'osa a pompakosi-Ku.

Amosi 2:9

Kahinaano inso i arodo Kuropu iramo to Amori, anu ondaudo kana ondauno keu arasi ka rosodo kana keu tarabanti. Kupokotampulaomo wuano inso i wawono ka hakano inso i totono.

Amosi 5:27

ka Aku wawa komiu a pontadia olai i asambalino Damasi,” pau-Do i Ue, Ue Alano luwuakano, nee-Do.

Sepanya 2:4

Hangano Gasa ta bininta ka Asikeloni ta gagi boni-boni; palilino Asidodi ta sinaari ntonga oleo ka Ekeroni ta rinongka.

I MATIU 11:7

Mansado melako ana guruno i Yohane, mompu'u Iramo i Yesu mepau a mia hadio atuudo mongkona i Yohane, ”Pombioke ka imelako i pada one? Mpokita intowu anu lineluno angi ngkoraane ngkoramai?

I MATIU 15:13

Sumangki Ira i Yesu, ”Sompo pinopaho anu nahi Dopahoo Ama-Ku anu i suruga ta binuta saru luwuno hakano.

I LUKASI 7:24

Mansado lumako tinenano i Yohane atuu, mompu'u Iramo i Yesu mepauako ira mia hadio atuu mongkona i Yohane, ”Pombioke ka imelako i pada one? Mpongkita intowu anu lineluno angi ngkoraane ngkoramai?

WINEWEUDO TINENA 7:43

Nahi mehori, tendeano imenselao kemano i Molo ka buntala pinesombaino i Repani, luwuno tinaha anu mewineweumiu atuu ka ipinesombai. Onaemo ka Aku wawa komiu a laro pontadia, hawe i asambalino raane Babeli.

Winali 28:36

Ondae i Ue, Ira wawakomiu meronga saru mokole anu pinotoromiu a asa tongku anu nahi imento'orio maupo ondae uempu'umiu. I ra'aimo komiu mpesomba a pinesombai susua, a ngkeu ka a watu.

1 Samueli 12:25

Sine, tewala mpoweweukomiu mpiha anu mosa'o, asalakono komiu mempinokotampula saru mokolemiu atuu.”