1 Mokole 13:18 - Wunta Mempori

¹⁸ Ka i'amba motae nabi mota'u atuu ndi onae, ”Ongkue mbo'u asa nabi kana omue. A mpetena-Do i Ue, asa Mala'eka mepau ndi ongkue: Wawaomo kai pekule saru omue i rahamu, ka ipongkaa roti ka mo'inu uwoi.” Kanandiomo igaupio.

1 Mokole 13:18 Iomraidhean Croise

Tegagia 27:24

sine onae mesikeno mbo'u, ”Menteeke omue andio anaku Esau?” Sumangki i Yako, ”Humbee!”

Tegagia 3:13

Mepau Iramo Ue Ala a beine atuu, ”Hapa anu wineweumu andio?” Motae beine atuu, ”Ule atuu anu popandei aku, ka kukaano.”

1 Mokole 13:19

Ka i'amba mia atuu lumako merongaakono, kai pongkaa roti ka mo'inu uwoi i rahano.

1 Mokole 20:35

Asa mia inso a bawaano nabi motaeakono walino a petena-Do i Ue, ”Tunduhi akumo!” Sine, mia atuu nahi behe tumunduhio.

1 Mokole 22:22

Sangkino, ’Aku meluarako gagi penaa megaupi a gagado luwuno nabino.’ Mepau Ira i Ue, Po'ineeono omue popandeio ka manasa biisa. Peluarakomo ka weweumo kanatuu.

Powadi 12:19

Wiwi anu mompau menteea kongko mpiha ranta nahina tampulaano, sine elo pegaupi butu tiano asa mpiniro.

Powadi 12:22

Mia anu megaupi wiwino mokoburu-Do i Ue, sine mia anu peleluno metenunu Dopehohawao.

Powadi 19:5

Sakosii megaupi nahi ta tola inso a mpohuku, mia anu mepuuriako pegaupi nahi ta tola.

Yesaya 36:10

Ka mbo'u, nahike saru Ondae i Ue kulako umewaio wita andio ka kuropuo? Ondae isa'a i Ue mepau ndi ongkue: Lakomo sapoio wita atuu ka ropuomo!”

Yesaya 9:15

Hangano luwuno petewawado tongku andio onaemo pompokotesaa, ka mia anu mepinarenta gagi tesiarawo.

Yeremia 23:14

Maupo i olodo nabi i Yerusale Kukitao mongkona anu mongkokongiri: ondae mponsosabo ka mentuwu mpelelu nahi moleo; ondae menteahako ira mia anu mpoweweu mosa'o, ranta nahina maupo te'asa mia anu tepidi inso a wineweuno anu mosa'o. Luwudo megagi kana Sodomo ndi Ongkue ka palilino kana Gumora.”

Yeremia 23:17

Ondae wela mpotae a luwuno mia anu mentetewehi Aku: ’Ondae i Ue mepau Komiu ntekadudui!’ ka a sompo mia anu mentondao moteano aroado dompotae: Masolaa nahi ta umalu komiu!”

Yeremia 23:32

Menteeano, Aku umewai ira anu mpompau luwuno mo'ipi pegaupi, kanandiomo pau-Do i Ue ka anu tumutuluo ranta bawaa-Ku ntesaaako pegaupido ka mpompaudo anu nahi mentee. Nahi Kuhori tumena ira ka nahi Kuhori parenta ira. Ondae nahina ntu'u tududo a tongku andio, kanandiomo pau-Do i Ue.

Yeremia 29:31

”Oliwiomo lele andio a luwuno mia mentinadi, Kanandiomo pau-Do i Ue mongkona i Semaia, to Nehelami atuu: I Semaia mompauomo anu ta gagi ndi omiu, maupo nahi Kutenao, ka iweweu komiumo mpompe'ala-ala a mpegaupi.

Yeremia 29:32

Onaemo pu'uno, kanandiomo pau-Do i Ue: Menteeano, Aku humukuo i Sepania, to Nehelami atuu, ka inuleno. Nahina maupo te'asa mia inso ndi onae ta mo'ia i tonga-tongano tongku andio ka kumitao anu moiko anu Aku weweuo a bawaa-Ku, kanandiomo pau-Do i Ue, hangano onae mompaleleomo pe'ewa ndi Ondae i Ue.”

Yeremia 5:12

Domehapu Ira i Ue ka mpotae, ”Nahi Dopoweweu hapa-hapa! Nahi ta umalu kita masolaa, peteaa ka mokoninggoa nahi kita mpembasaio.

Yeremia 5:31

Luwuno nabi mpompau anu ta gagi nahi mentee ka luwuno sando mpesomba mpetewawa po'ehedo, ka bawaa-Ku inehedo mongkona anu kanatuu! Sine, hapa anu komiu mpoweweu, tewala hawe oleo tampulaano?

Yehesikieli 13:22

Hangano omiu mpokomolemaakono pegaupi aroano mia mentee, sekono Ongkue nahi Kupokomasusao aroano, ka tendeano ipokomoteao aroano mia mosa'o gauno, onaemo ka nahi tepidi inso a mpeleluno anu mosa'o gauno atuu, ka impo'ineeo ka ituwu,

Yehesikieli 13:8

Onaemo pu'uno, kanandiomo pau-Do Ue Ala, hangano omiu mpohaweo luwuno pau pegaupi ka mpokita mongkona anu nahi mentee, ka Aku gagi ewaimiu, kanandiomo pau-Do Ue Ala.

Podoaa 22:35

Sine, mepau Mala'eka-Do i Ue ndi Bilea, ”Lakomo perongaako ira mia atuudo. Sine, butu hapa anu Aku pauoakomu asalakono uweweuo.” Ka i'amba i Bilea lumako merongaako ira mia memota'uno i Bala atuu.

I MATIU 24:24

Hangano mia mpompe Mesi-mesia ka mpompe nabi-nabi ira mehawe ka ira mpoweweu hadio petondoni anu langkai ka anu mengkinohali-haliako, ranta ba mansa domempolio mopo'oo ira mbo'u mia mebininiki.

I MATIU 7:15

”Imetangkoro ira nabi mpegaupi anu mehawe ndi omiu kana bimba, sine menteeano ondae onaemo serigala anu lambaha.

ROMA 16:18

Hangano mia kanandiodo komba dompo'anggaako Ira i Kerisituu, Ueto, sine mpo'angga tiano kompodo ondaedo. Ka saru luwuno paudo anu mpo'o'ahiti ka pepaudo anu momoiko mopo'oo ira mia anu moleo aroado.

2 KORINTI 11:3

Sine doito aku, ba mansa pinokontesaa pinewowolomiu inso a mpetenunumiu ntu'u ndi Ondae i Kerisituu, mengkena kana i Hawa pinopandeiako pe'akalano ule atuu.

GALATIA 1:8

Sine maupo omami ke asa mala'eka inso i suruga anu paleleo ndi omiu asa Lele Mawongkoa anu teposisingge saru Lele Mawongkoa anu kimempaleleomo ndi omiu, onae tetotonaaomo.

1 TIMOTIU 4:1

Sine manasa Dopauo Penaa nine a tempo-tempo lembuino, hinao mia anu ta mepoura ka i'amba tumonda ira penaa mompopo'oo ka pompagurudo onitu

1 TIMOTIU 4:2

hangano pompopo'oodo anu mpompau pegaupi anu aroa mewinedo mpetondoniako tondonido.

2 PETURU 2:1

Ba kana'umpe luwuno nabi mpegaupi i ndi'upua mpentade i tonga-tongado bawaa-Do Ue Ala, kanandio koa mbo'u i olomiu ta hina guru mpegaupi. Ira mewinsoo luwuno pompaguru mompopo'oo anu mompepate, tendeano ondae ira mehapu Ira Anu Pabawa anu tumolosi iramo ka saru mesala kanandio ronga mowawa mateado.

1 YOHANE 4:1

Pepaekompo luwu-luwu anu kinekewoiku, si mpe'ala-alao sompo penaa, sine ime'arahako ira penaa atuudo, ke nte'inso koa ndi Ondae Ue Ala; hangano hadio ira nabi mpegaupi anu mpesabaako iramo ka domelako i asa wawontolino.

MENGKAAA 19:20

Ka kona rakoomo kondehora atuu ka meronga saru onae nabi megaupi, anu mompokohinaomo hadio petondoni i arono matano, ka hangano kanandio ipopo'oo ira anu mpontarima iramo pontondoni inso a ngkodehora atuu ka anu mpesombaiomo tinahano. Oruano pinetadiako tuwu-tuwu a laro ntahi api anu kolanga-langaako walira.

Puu Mpobitara 13:3

Ka i'amba Malaeka-Do i Ue mepopokita ia beine atuu ka ipepauakono, ”Mentee omue biita, nahina anamu, sine ikomentia ka me'anaako asa ana ntama.