1 Mokole 13:1 - Wunta Mempori

¹ Tempono i Yerobea mentade umpeda a meda pontunua pesomba ta montunu pesomba, hangano parenta-Do i Ue hawe asa nabi-Do Ue Ala inso i Yehuda lumako i Beteli.

1 Mokole 13:1 Iomraidhean Croise

1 Mokole 12:22

Sine haweomo pau-Do Ue Ala ndi nabi Senaya, kanandio,

1 Mokole 13:26

Mansano rumongeo nabi anu popandeio ka ipekule inso a nsalano, anu gagi atuu, ipotae, ”Onaemo tetenaa-Do Ue Ala anu umewaio petena-Do i Ue. Ondae i Ue meweengakono a nsinga, ka iberi-berio ka mepateo menunu saru pau-Do i Ue anu pinau-Do ndi onae.”

1 Mokole 13:32

Hangano pau anu ipebooliakonomo a mperenta-Do i Ue mongkona meda pontunua pesomba anu i Beteli atuu ka a luwuno raha mpelahumoaa i pongku wita pesombaa a luwuno kota Samaria manasa ta gagi.”

1 Mokole 13:5

Meda pontunua pesomba atuu, tepeha ka awuno te'uwu inso a meda mpotunua pesomba atuu menunu saru petondoni kinohali-haliako anu pinoweeno nabi atuu a parenta-Do i Ue.

1 Mokole 13:9

Hangano kanandiomo Doparenta aku i Ue: Si pongkaa roti ke mo'inu uwoi ka si pekule telalo a nsala anu utondaomo atuu.”

1 Mokole 20:35

Asa mia inso a bawaano nabi motaeakono walino a petena-Do i Ue, ”Tunduhi akumo!” Sine, mia atuu nahi behe tumunduhio.

2 Mokole 23:15

Ipobangkuo mbo'u meda pontunua pesomba i Beteli, po'ianga pompesombaia anu wineweuno i Yerobea anano i Nebati anu poko'ariano to Isaraeli mpoweweu hala. Meda pontunua pesomba ka po'ianga pompesombaia mbo'u atuu ipobangkuo. Luwuno watuno ipehao ka ipokomotutuo gagi awu, ka i'amba tumunuo karuno lahumoa.

2 Mokole 23:17

Ipotae, ”Hapake tondonino kaburu anu kinitaku andio?” Mia a ngkota atuudo mesangkio, ”Onaemo atuu kaburudo tetenaa-Do Ue Ala anu me'aiwa inso i Yehuda ka mpebooliakono luwuakoano anu uweweuomo a meda pontunua pesomba i Beteli andio.”

2 Tawarika 26:16

Mansano morosoomo, onae gagi mompelangka-langkai ranta ka ipoweweu hala anu dumontaio. Onae moweweu nahi petenunu ndi Ondae i Ue, Ue Alano, ka mewinsokio raha-Do i Ue ta montunu pesomba dupa a wawo meda pontunua pesomba dupa.

2 Tawarika 26:18

ondae mpentade i arono mokole Usia ka dompotae ndi onae, ”Hei, Usia, komba anggaamu montunu pesomba dupa ndi Ondae i Ue. Luwuno sando mpesomba inuleno i Haruni koa anu umari iramo mpinokomempori anu tiado mpotunu pesomba mana mo'ahi! Peluarakomo inso a mpo'ianga mempori andio, hangano melelukomo nahi petenunu! Nami ta hina mbo'u pontudu ndi omue inso ndi Ondae Ue Ala.”

2 Tawarika 9:29

Anu susuano inso a nteweweuno i Salomo inso a pompu'uano hawe pokotampulaano, kombake luwuno atuu teburi a laro wunta teweweuno i nabi Nata, ka a laro pe'oliwi-Do i Ue ndi Ahia, to Silo atuu, ka a laro luwuno pongkitano i Ido, puu mpongkita atuu, mongkona i Yerobea anano i Nebati?

Yeremia 11:12

Ka i'amba luwuno kotano Yehuda ka palilino Yerusale melako mpeboo-booli a luwuno pinesombai anu inunde-undedo saru mpotunu pesomba. Sine, luwuno pinesombai atuu nahi pokontulungi ira ntu'u i tempono i'alu ira masolaa.

Yeremia 25:3

”Mompu'u ta'u kohopulu ka otolu poparentaano i Yosia anano i Amoni, mokoledo to Yehuda, hawe oleo andio, gagi rua pulu ka otolu nta'umo tehineno, pau-Do i Ue hawe ndi ongkue ka kongkoku mpiha mohaweo ndi omiu, sine omiu nahi mebehe mperorongeakono.

Yeremia 32:29

To Kasidimi anu mpeteaakono kota andio ira me'aiwa mesongkoo ka mokomo'aio mbo'u luwuno raha anu a wawo atono mia mpotunu pesomba a Baala ka mpopesombaako pesomba tinawa a luwuno pinesombai susua ka dompokotesingkao tekuda-Ku.

Amosi 7:13

Sine siimo mbo'u pompau anu ta gagi i Beteli, hangano onaemo andio po'ianga memporido mokole, onaemo andio raha memporino poparentaa.”

Amosi 7:16

Kanandio-andio, rongeomo pau-Do i Ue! Omue motae, ’Siimo pompau anu ta gagi umewaio Isaraeli, ka si kuahako ira inuleno i Saki.’

Maleaki 1:11

Hangano mompu'u saba oleo hawe sumooano, nee-Ku langkai i olodo tongku. A sompo po'ianga ta pinesombaako dupa mana mo'ahi tiano nee-Ku ka pesomba kana mbo'u anu morina, hangano langkai nee-Ku i olodo tongku, pau-Do Ueno luwuakoano.

Podoaa 16:40

Mongkona atuu gagi petondoni a nto Isaraeli, kasihina mepopokita mia biasa anu komba inso a inuleno i Haruni anu montunu dupa i aro-Do i Ue, ka onae kasi gagi kana i Kora ka bawaa anu tumondao. Kanandiomo iwineweu kana anu pinau-Do i Ue telalo ndi Musa.

1 TESALONIKA 4:15

Ndio kimempauakomiu a mpau-Do i Ue: ontae anu mentuwu, anu da mpo'ia ranta hawea-Do i Ue, nahi ntu'u kita mpese'elungi ira anu memate iramo.

MENGKAAA 8:3

Ka aiwaomo aasa mala'eka susua, ka ilako mentade umpeda meda pontunua pesomba saru aasa pontunua dupa wulaa. Ka ndi onae wineeako hadio dupa ka ipesombaakono meronga saru pekakaido luwuno mia mempori a wawo meda pontunua pesomba wulaa i arono kadera poparentaa atuu.

1 Samueli 2:27

Asa nabi hawe ndi Eli ka ipotae ndi onae, ”Kanandiomo pau-Do i Ue: I tempono ue mpu'umiu da ipabawai ira i Pirao i Wita Masiri, mepopoto'ori Akumo ndi ondae.

1 Samueli 9:6

Sine ata atuu motaeakono, ”Siipo'ari, i kota andio hinao asa tetenaa-Do Ue Ala, asa mia anu tedoa pinelangkai. Luwuno anu pinaudo asalakono gagi. Aiwamo ka tolako i ra'ai, bara'ura ira ta paua kita pesalaa anu ta tinondato.”