1 Mokole 12:29 - Wunta Mempori

²⁹ Ka i'amba numaao asa sapi wulaa i Beteli, ka sapi susuano inaao i Dani.

1 Mokole 12:29 Iomraidhean Croise

Tegagia 12:8

Ka i'amba inso i tu'ai onae melimba a mentorukuno i sabaano oleo Beteli. Ipasao kemano i olono Beteli i sumooano oleo ka kota Ai i sabaano oleo. Ka i'amba i tu'ai iwanguo meda pontunua pesomba ndi Ondae i Ue ka moboio nee-Do i Ue.

Tegagia 14:14

Mansano rumongeo i Burama, nine anano pepaekompono tinawa, iwawa ira tolu etu ka hopulu ka oalu miano anu ntepaguru, luwuno ata anu mehina i rahano, ka i'amba lumulu ira iwali hawe i Dani.

Tegagia 28:19

Ineeakono po'ianga atuu Beteli, sekono i ndi'ipua neeno kota atuu Lusi.

Tegagia 35:1

Ondae Ue Ala mepau ndi Yako, ”Pepatindamo, lakomo i Beteli, po'iamo i ra'ai. Weweuomo i ra'ai meda pontunua pesomba ndi Ondae Ue Ala, anu mepopokita Iramo ndi omue, tempono upolai inso ndi Esau, pepaekompomu.”

1 Mokole 13:4

Mansano rumongeo mokole pauno nabi anu pinebooliakono a meda pontunua pesomba i Beteli, itasiakono kaeno inso a mpuu meda pontunua pesomba ka ipotae, ”Imerakoomo!” Sine kaeno anu tinasiakono tumisoo nabi atuu gagi tiido, ranta nahi pokompokuleo mbo'u.

1 Mokole 15:20

I Benihada rumongeo po'emano mokole. Itena ira tadulako sorodaduno sumapoio luwuno kota i Isaraeli. Ioni, Dani, Abeli-Beti-Ma'aka, ka luwuno Kineroti saru luwuno wita Napatali, inangiomo.

2 Mokole 10:29

Butumo koa, i Yehu nahi bintao luwuno halano i Yerobea anano i Nebati, onaemo hala mesombaia ira tinaha anano nsapi wulaa anu i Beteli ka anu i Dani, anu poko'ariano to Isaraeli mpoweweu mbo'u hala.

2 Mokole 2:2

Motaeomo i Elia ndi Elisa, ”Po'iamo i ndi'ai, hangano Ondae i Ue tumena aku lumako i Beteli.” Sine sumangki i Elisa, ”A nee-Do i Ue anu tuwu ka a ntumuwumiu, nahi aku binta komiu.” Ka do'amba lumako i Beteli.

2 Tawarika 13:8

Kanandio-andio impewowoloo nine komiu mempolio umaropio poparentaa-Do i Ue, anu a laro ngkaeno inuleno i Daudi, hangano mehadio komiu ka kongko ndi omiu anano sapi wulaa anu wineweuno i Yerobea gagi pesombaamiu.

Yeremia 48:13

Moabi ta gagi mokoko'ii hangano pinesombai Kamosi, kana suku Isaraeli gagi mokoko'ii hangano Beteli, pinerorohido.

Yeremia 8:16

”Pewunsulino ngarado iwali inso i Dani; hangano pekiilino ngara lakinodo mondidi-ndidiomo asa wawontolino. Ondae me'aiwa ka mengkaano pingko wita ka luwuno ihino, kota saru palilino.

Hosea 10:5

Palilino Samaria mpondidi-ndidi, medanggaraakono ana nsapi Beti-Aweni. Mentee ntu'u, palilino ira mpompemasusaakono, ka luwuno sando mpesombano ira mensabangio, hangano marambano meliahakoomo inso ndi onae.

Hosea 4:15

Tewala mansako monsosabo, hei Isaraeli, siimo Yehuda tetonda saala! Siimo lako i Giliga; siimo pewuatako i Beti-Aweni, ka siimo pesumpa, ”A nee-Do i Ue anu tuwu!”

Amosi 5:5

Siimo ime'ungkeo Beteli, siimo imelako i Giliga ka siimo impe'asambaliako i Bereseba, hangano Giliga manasa tinadi a mpontadia ka Beteli ta tampula.”

Amosi 7:13

Sine siimo mbo'u pompau anu ta gagi i Beteli, hangano onaemo andio po'ianga memporido mokole, onaemo andio raha memporino poparentaa.”

Amosi 8:14

ondae anu mpesumpa a neeno i Asima, pesomba beine Samaria ka dompotae, ’A nee-Do Ue Alamiu anu tuwu, hei Dani!’ saru, ’Tiano sala anu nahi mempori lumako i Bereseba!’ Ira ntebangku ka nahi ira mpewangu mbo'u.”

Winali 34:1

Ka i'amba i Musa mewuatako inso i lembono Moabi, motilaloi wawono torukuno Nebo, a punsuno Pisiga, anu i asambalino Yeriko. Ka i'amba Ondae i Ue mopokitaakono luwuno wita atuu; wita Gileadi hawe i kota Dani,

Yosua 7:2

Montenaomo mia i Yosua orua ira inso i Yeriko lumako i Ai, umpeda i Beti-Awe, sabaano oleo inso i Beteli, ka i potaeako ira kanandio, ”Lakomo raane ka i padasoo inia atuu.” Lumako iramo mia atuu ka dopadasoo i kota Ai.

Puu Mpobitara 18:26

Mpotilalo iramo inuleno i Dani, ka hangano pongkitano i Mika memoroso irapo sekono onae, mepokuleomo i rahano.

Puu Mpobitara 20:1

Melako iramo luwudo to Isaraeli, te'inso i Dani hawe i Bereseba ka inso i wita Gilea, pepumpu iramo mperonga-ronga mpe'aro ndi Ondae i Ue i Misipa.