1 Mokole 12:16 - Wunta Mempori

¹⁶ Mansado mengkitao luwuno to Isaraeli nine nahi perorongeako ira mokole, mesangki ira palili ndi mokole, ”Hapa kita mpohawe ndi Daudi? Nahina tia pusakato ndi anano i Isai atuu! Imelako a ngkemamiu, hei to Isaraeli! Kanandio-andio orusuomo omuemu rahamu, hei Daudi!” Onae ka domelakomo to Isaraeli a ngkemado.

1 Mokole 12:16 Iomraidhean Croise

2 Samueli 15:13

Asa mia puu mpowawa lele aiwa ndi Daudi, ipotae, ”Aroado to Isaraeli te'alaakoomo ndi Abisalo.”

2 Samueli 16:11

Motae mbo'u i Daudi a luwuno pegawaino ka ndi Abisai, ”Sekonopo ana ngkoroiku ta mingki umoninio penaaku, tamoako to Benami andio! Po'ineeomo, po'ineeomo ipontotonaa, hangano Ondae i Ue mepau Iramo ndi onae kanandio.

2 Samueli 20:1

I ra'ai hinao asa mia lambaha, meneeako i Seba anano i Bikiri, to Benami. Ipuurio tawuwua ka ipotae, ”Nahi tompohawe tia a poparentaano i Daudi. Nahi tompohawe tia pusaka a inuleno i Isai. Singge mia lumako a ngkemano, hei to Isaraeli!”

1 Mokole 11:11

Ka i'amba mepau Iramo i Ue ndi Salomo, ”Hangano pelelumu kanatuumo, ka nahi upekariao pedandia ka luwuno pompakosi-Ku anu umariomo Kuparentaakomu, menteeano Aku Kumansao poparentaa atuu inso ndi omue ka meweengakono a atamu.

1 Mokole 11:13

Sine, nahi ta luwuno poparentaa atuu Aku Kumansao. Asa suku Aku weeko, hangano tetenaa-Ku i Daudi, ka hangano Yerusale anu Kubinikiomo.”

1 Mokole 11:34

Nahi Aku umalao luwu poparentaa atuu inso a ngkaeno, sine onae pinokogagi mpiha mokole asa ntinuwuno hangano i Daudi tetenaa-Ku anu Kubinikiomo ka anu tumondao luwuno parenta ka pompakosi-Ku.

1 Mokole 11:35

Aku umalao poparentaa atuu inso a ngkaeno anano ka meweengakono hopulu suku ndi omue.

1 Mokole 11:36

Ndi anano Aku weeakono asa suku, kaihina mpiha inuleno tetenaa-Ku i Daudi i aro-Ku i Yerusale, kota anu Kubinikio kai po'ia nee-Ku i ra'ai.

1 Mokole 11:39

Onaemo pu'uno Aku mokongkodeio inuleno i Daudi, sine komba ta kanatuu mpiha.”

1 Mokole 22:17

Ka i'amba sumangki i Mika, ”Kukita iramo to Isaraeli ntesiarawo a luwuno torukuno kana bawaano bimba anu nahina puu pompakambi. Mepau Iramo i Ue: Ondae andio hina uedo, laluopo singge mia mekule i rahano ka itekadudui.”

1 Mokole 22:36

Mansano tamo sumoo oleo terongeomo peboolido inso i olono baresido sorodadu atuu, ”Singge mia lumako i kotano, singge mia lumako i witano!”

2 Tawarika 10:16

Mansado mengkitao luwuno to Isaraeli nine i mokole nahi perorongeako ira, palili mesangkio mokole, ”Tia hapa anu kita mpohawe inso ndi Daudi? Nahina pusakato hapa-hapa inso ndi anano i Isai atuu! Singge mia lumako a ngkemano, oo to Isaraeli! Kanandio-andio orusuomo rahamu omuemu, oo Daudi!” Ka melako iramo luwuno to Isaraeli a ngkemado.

Po'unde-unde 132:17

I ra'aimo Aku motuwuo asa tandu rosono i Daudi, Aku patindao asa hulu tiano mia anu inurapi-Ku.

Po'unde-unde 76:10

i tempono Dopentade Ue Ala Ira mobitara, ka kumadudui ira luwuno anu tepokonsii i tolino. Sela

Powadi 15:1

Sangki anu molusa-lusa mompokomorini tekuda, sine pau anu molea mompokotesingka tekuda.

Yesaya 7:17

Ondae i Ue Ira mompotii ndi omue, a mpalilimu ka a mpe'etumu tempo masukaraa kana anu napi hori gagi mompu'u i Eparai meliahako inso i Yehuda, molalo mokoledo to Asuri.”

Yesaya 7:2

Tempono ipinauako somborino i Daudi, ”to Arami mpekema iramo i wita Eparai,” aroano i Ahasi ka palilino mpondidi-ndidi medoito kana keu a ntobu mpelelu ipuurio angi.

Yeremia 33:21

asalakono pedandia-Ku saru tetenaa-Ku i Daudi poli koa mbo'u ibinali ranta onae nahi ta hina mbo'u anano moparenta a ngkadera poparentaano; kanatuu koa mbo'u pedandia-Ku saru luwuno to Lewi, sando mpesomba anu gagi puu pompekakaako-Ku.

Yehesikieli 37:16

”Hei anano mia, alaomo asa mpole keu ka burio i wawono: Tiano Yehuda ka to Isaraeli, tepo'asano. Ka i'amba alaomo asa mpole keu anu susua ka burio i wawono: Tiano i Yusupu, keu Eparai, ka luwuno suku Isaraeli anu tepo'asa saru onae.

I MARAKUSU 3:24

Tewala aasa poparentaa tetia-tia, poparentaa atuu nahi ta mokompo'ia mpiha,

I LUKASI 19:14

Sine mia pe'asa tongkuno me'o'aliaakono, ka do'amba mpotena mia tumonda lembuio mempauo, Nahi kimebehe mia andio gagi mokolemami.

I LUKASI 19:27

Sine luwuno anu umewai aku andio, anu nahi behe ba kugagi mokoleno, wawa iramo ramai ka impepate iramo i arono mataku.”

I YOHANE 13:8

Motae i Peturu ndi Ondae, ”Nahi Komiu wo'ohiakune karuku hawe nahina tampulaano.” Sumangki Ira i Yesu, ”Tewala nahi Kuwo'ohiko, nahi komohawe tia ndi Ongkue.”

Puu Mpobitara 8:35

Ondae nami dompopokitao pompehohawado ia tongku Yerubaala onaemo i Gideo, mototo luwuno wineweuno anu moiko, a nto Isaraeli.

Puu Mpobitara 9:28

Motaeomo i Ga'ala anano i Ebedi, ”Isema ke i Abimele ka isema ke ontae to Sikeme, ranta ka to gagi atano? Nde nahi komba anano i Yeruba'ala atuu ka i Sebula, sarungkaruno, hori ira gagi atado to Hemori, amano to Sikeme. Tembio ke ka kita gagi atano?