1 Mokole 11:5 - Wunta Mempori

⁵ Kanandiomo i Salomo mesombaio i Asitore, lahumoa beinedo to Sidoni ka i Miliko, pesombaado to Amoni anu mokoburu.

1 Mokole 11:5 Iomraidhean Croise

1 Mokole 11:33

Hangano dompembungkui Akumo ka mpenggolontu ira mpesombaio i Asitore, pinesombaido to Sidoni, i Kamosi, pinesombaido to Moabi, ka i Miliko, pinesombaido inuleno i Amoni. Ondae mbo'u nahi domentuwu mentondao sala-Ku ka mpoweweu anu mentee a pongkita-Ku, luwuno pompakosi ka atora-Ku kana i Daudi, amano.

1 Mokole 11:6

I Salomo moweweu anu mosa'o i aro-Do i Ue ka nami buke aroano tumonda Ira i Ue, kana i Daudi, amano.

1 Mokole 11:7

I tempo atuu, i Salomo mowangu pongku wita pesombaa ndi Kamosi, mokoburua anu pinesombaido to Moabi, i torukuno i sabaano oleo i Yerusale ka ndi Moloki, mokoburua anu pinesombaido inuleno i Amoni.

2 Mokole 23:13

Ondae mokole mokoburutio luwuno pongku wita pesombaa anu kongko i sabaano oleo Yerusale i selatano Pongku wita Tekalea ka anu winanguno i Salomo mokole i Isaraeli, tiano i Asitore, mokoburua anu pinesombaido to Sidoni, ka tiano i Kamosi, mokoburua anu pinesombaido to Moabi, ka tiano i Milikomi, pontataa anu pinesombaido to Amoni.

Yesaya 44:19

Nahina anu tumimbangao, nahi sompo ponto'ori ke mokonto'orio ka ipauo, ”Entongano kutunuomo a laro api ka a wawo warono mbo'u kutunuo roti, kuraramio bau, ka ku'amba kumaano. Kana'umpe ta moiko toreano kuweweuo gagi lahumoa minokoburuako? Kana'umpe aku menggolontu mesomba a ngkeu motu'i?”

Imama 18:21

Si peweengakono aasa anamu inso a luwuno anamu kai pinesombaako ndi Moloko, kasi ulaloo memporino nee-Do Ue Alamu. Ongkuemo Ue.

Sepanya 1:5

Aku mokotampula ira mbo'u anu mpenggolontu mpesombaio sorodaduno langi a wawo ato ka ondae anu mpenggolontu mpesomba, mpesumpa mpetenunu ndi Ondae i Ue, sine mpesumpa mbo'u a lahumoa Milikomi,

Puu Mpobitara 10:6

To Isaraeli mpoweweu iramo mbo'u anu mosa'o ia pongkita-Do i Ue. Mpesomba ira ia Baala ka ia Asitore, a luwuno anu pinesombaido to Arami, anu pinesombaido to Sidoni, anu pinesombaido to Moabi, anu pinesombaido inuledo to Amoni ka anu pinesombaido to Pilisiti. Domebinta ira i Ue ka nami dompesombai Ira.

Puu Mpobitara 2:11

Onaemo ka to Isaraeli mpoweweu anu mosa'o i aro-Do i Ue, ka mpesomba iramo ia Ba'ala.

Puu Mpobitara 2:13

Kanandiomo domebinta Ira i Ue, ka mpesomba ia Ba'ala ka luwuno Asitore.

1 Samueli 12:10

Mpeboo-booli ira ndi Ondae i Ue: Mentehala kamimo, hangano kimpebungkui Iramo i Ue ka mpesomba a luwuno Baala ka Asitore. Kanandio-andio ipotola kamimo inso a ngkaedo iwali mami, kamimo mpesomba ndi Omiu.