1 Mokole 11:3 - Wunta Mempori

³ Onae pitu etu kombiano inso a ulea mokole ka tolu etu samburueno. Kombiano atuudo mokopansiao aroano.

1 Mokole 11:3 Iomraidhean Croise

2 Tawarika 11:21

I Rehabea mehohawao i Ma'aka, anano i Abisalo laluaopo sekono luwuno kombiano ka samburueno. Onae mo'ala hopulu ka oalu kombiano ka nomo pulu samburueno, saru hinao rua pulu ka oalu ana ntama ka nomo pulu ana beine.

Esetere 1:18

I oleo koa mbo'u andio kombiado luwuno mia langkai potorodo i Peresia ka i Media anu merongeo pinogauno mokole beine, ira mempauo anu gagi atuu a ntamado, ranta nahi hori menaa-naa pompokokodeia ka tekudaa.

Puu Pontutulu 2:8

Ongkue mbo'u mopumpu tiaku salaka ka wulaa, arataado mokole ka wita poparentaa. Ku'ala ira puu mpenani moiko tama maupo beine, ka hadio samburue, pinesompodo anano mia.

Puu Pontutulu 7:28

Hapa anu da inungkeku sine nahi kupohawe, kuhaweo butu a asa mia i olono asa nsowu sine nahi kupohawe maupo a asa mia i olono beine.

Penani Maramba 6:8

Kombiado mokole hinao nomo pulu, samburue halu pulu, ka luwuno ana beine nahi pinokodoa hadiono.

Penani Maramba 6:9

Sine onaemo asa-asano marapatiku, linolaroku, asa-asano anano ineno, ana mpinehohawano anu me'anaakono. Domengkitao ana beine ka mpotaeakono me'ura, luwuno kombiado mokole ka luwuno samburue me'unde-undeo.

Winali 17:17

Kasi tiangio hadiono kombiano, kasi pansia aroano. Osi'i mbo'u ipokohadioo lahi wulaano ka salakano.

Puu Mpobitara 3:6

To Isaraeli mpo'ala ira ana beinedo gagi kombiado ka dompeweengakono ana beinedo ia ana ntamado mia atuu, ka dompesomba a lahumoado.

Puu Mpobitara 9:5

Lumakoomo ia rahano amano i Opara, ka ipepate ira pitu pulu pepaekompono, luwuno anano i Yeruba'ala, i wawono asa watu. Sine i Yota, tompasusuno i Yeruba'ala kongko tuwu, hangano mewuni.