1 Mokole 11:28 - Wunta Mempori

²⁸ I Yerobea, asa mia sorodadu anu moroso ntu'u. Mansano kumitao i Salomo nine mia mongura mokua mo'angga, onaemo kai poweeakono anggaa dumagai ira luwu mia mpo'angga inso a inuleno i Yusupu.

1 Mokole 11:28 Iomraidhean Croise

Tegagia 47:6

Wita Masiri andio te'ungkahi ndi omue. Wawa iramo amamu ka luwuno pepaekompomu po'ia mpiha a mpo'ianga lalu moiko i wita andio; po'ineeomo dompo'ia i wita Gose. Tewala hinao mia tino'orimu i olodo anu hinao pompolino, naa ira gagi puu mpodagai pinotuwuku.”

2 Samueli 19:20

Hangano ito'oriomo atamiu andio, nine tehala akumo. Onaemo a oleo andio, ongkuemo anu amba-ambano aiwa inso a luwuno inuleno i Yusupu aiwa tumotowo komiu ueku mokole.”

1 Mokole 11:26

I Yerobea anano i Nebati, to Eparai inso i Sereda, umewai ira mbo'u mokole. Onae asa mia pegawaino i Salomo ka ineno, asa tuwu beine, meneeako i Seruya.

1 Mokole 14:7

Lakomo pauakono i Yerobea, kanandio, ’Kanandiomo pau-Do i Ue, Ue Alado to Isaraeli: Kutandekomo inso i olodo tongku atuu, ka motoroko gagi mokoledo bawaa-Ku Isaraeli.’

1 Mokole 5:16

Umarino atuu i Salomo hinao tolu nsowu ka tolu etu mia mandoro anu metewawa a anggaa atuu ka dumagai ira palili anu me'anggao anggaa atuu.

Powadi 22:29

Horikoke mongkita mia anu pande ntu'u a laro mpo'anggaano? I arodo luwuno mokole onae ta mentade, komba i arodo mia anu pinokongkodei.

Yesaya 14:25

Aku mepate ira to Asiuri a laro wita-Ku ka lumolanda ira a wawo ntorukuno-Ku; pasanga anu ninaado a bawaa-Ku ta tinadi kanatuu koa mbo'u tinembi anu dopopotembiako ira a oweado.”

Amosi 5:6

Ungke Iramo i Ue, ka komiu mentuwu, kasi Dotiuo inuleno i Yusupu anu piingko kana ikaano api, nahina anu mepateakono Beteli.

Sakaria 10:6

Aku mokomorosoo suku Yehuda, ka Aku kumaduduio inuleno i Yusupu. Aku mokomoikoo tuwudo, hangano Kupehohawa ira. Ondae ira megagi kana nahi Kuhori tumempu ira, hangano Ongkuemo Ue, Ue Alado, ka Aku sumangki ira.

I MATIU 11:30

Hangano tinembi anu Kupopotembiakomiu atuu monongko.”

Winali 1:12

Sine kana'umpe aku polio asa-asaku tumembio anggaa a masusaamiu, tinembimiu ka kara-karamiu?

Yosua 18:5

Umari atuu ka dompetiao gagi opitu ntia. Tongku Yehuda ira mpo'ia mpiha ia witado i selata ka inuleno i Yusupu ira mpo'ia mpiha i wita utara.