1 Mokole 11:26 - Wunta Mempori

²⁶ I Yerobea anano i Nebati, to Eparai inso i Sereda, umewai ira mbo'u mokole. Onae asa mia pegawaino i Salomo ka ineno, asa tuwu beine, meneeako i Seruya.

1 Mokole 11:26 Iomraidhean Croise

Tegagia 35:16

Umarino atuu ondae mpelungka inso i Beteli. Tempono nahi dome'olai mbo'u inso i Eparata, i Raheli me'ana, sine pe'anano tedoa motungko.

2 Samueli 20:21

Menteeano komba kanatuu teweweuno. Sine asa mia inso i mentorukuno Eparai, anu meneeako i Seba anano i Bikiri, itandeomo kaeno umewai ira mokole Daudi; ipeweengakonomo asa-asano, manasa akumo monsuka inso i kota andio.” Motaeomo beine atuu ndi Yoabi, ”Moiko, uluno ta pinetadiako ndi omue inso i bungkuno bente andio.”

1 Mokole 11:11

Ka i'amba mepau Iramo i Ue ndi Salomo, ”Hangano pelelumu kanatuumo, ka nahi upekariao pedandia ka luwuno pompakosi-Ku anu umariomo Kuparentaakomu, menteeano Aku Kumansao poparentaa atuu inso ndi omue ka meweengakono a atamu.

1 Mokole 11:25

Onae gagi ewaido to Isaraeli asa ntinuwuno i Salomo, moweweuako ira masukaraa kana anu wineweuno i Hadadi. Imokoburuako ira to Isaraeli ka igagi mokoledo to Arami.

1 Mokole 11:28

I Yerobea, asa mia sorodadu anu moroso ntu'u. Mansano kumitao i Salomo nine mia mongura mokua mo'angga, onaemo kai poweeakono anggaa dumagai ira luwu mia mpo'angga inso a inuleno i Yusupu.

1 Mokole 12:2

Mansano rumongeo mongkona atuu, i Yerobea anano i Nebati anu da mo'ia i wita Masiri, hangano molai inso ndi mokole Salomo, mekule inso i wita Masiri.

1 Mokole 14:16

To Isaraeli iramo mempinebungkui, hangano luwuno hala anu iweweuomo i Yerobea ka anu mokontehala ira to Isaraeli.”

1 Mokole 15:30

Mongkona atuu, hangano luwuno hala anu wineweuno i Yerobea, anu gagi pu'uno to Isaraeli mpoweweu mbo'u hala. Kanandiomo ipokotesingkao tekuda-Do i Ue, Ue Alado to Isaraeli.

1 Mokole 16:3

Hangano atuu, menteeano Aku rumoahio morina i Baesa ka somborino. Aku weweuo somborimu kana somborino i Yerobea anano i Nebati.

1 Mokole 21:22

Aku weweuo somborimu mengkena kana somborino i Yerobea, anano i Nebati ka somborino i Baesa, anano i Ahia, hangano upokotesingkao tekudaku, ka hangano wineweumu, to Isaraeli mpoweweu mbo'u hala.

1 Mokole 9:22

To Isaraeli nahina anu pinokogagi atano i Salomo. Ondae megagi sorodadu, pegawai, anu langkai potorono, ka sorodadu langkai pangkano, ke tadulakodo sorodadu mpekareta ka sorodaduno mpengara.

1 Tawarika 2:19

Umarino mate i Asuba, i Kalebi kumombiao i Eperati anu me'anaakono i Huri.

2 Tawarika 13:6

Sine, i Yerobea anano i Nebati, atano i Salomo anano i Daudi, mentadeomo umewaio ueno.

2 Tawarika 9:29

Anu susuano inso a nteweweuno i Salomo inso a pompu'uano hawe pokotampulaano, kombake luwuno atuu teburi a laro wunta teweweuno i nabi Nata, ka a laro pe'oliwi-Do i Ue ndi Ahia, to Silo atuu, ka a laro luwuno pongkitano i Ido, puu mpongkita atuu, mongkona i Yerobea anano i Nebati?

Puu Mpobitara 12:5

To Gilea mpetorokio luwuno pesakiakoa koro Yarade ta umaropi ira tongku Eparai. Bahinao anu molai inso a tongku Eparai motae, ”I'ehe akumo me'asatowaako,” to Gilea motae ndi onae, ”Nde to Eparaikoke?” Tewala sumangki, ”Nahi,”

Ruti 1:2

Neeno mia atuu i Elimele, neeno kombiano i Naomi, ka orua ira anano i Mahaloni ka i Kilioni, luwudo to Eparata inso i Beteleme Yehuda. Hawedo i wita Moabi, mpo'ia iramo i ra'ai.

1 Samueli 1:1

Hinao asa mia tama te'inso i Ramataimi i wita Supi, te'inso i mentorukuno Eparai, neeno i Elikana anano i Yerohama anano i Elihu, anano i Tohu anano i Supi, to Eparai.

1 Samueli 17:12

I Daudi anano i Isai to Eparata inso i Beteleme-Yehuda. I Isai hinao anano oalu ira tama. Tempono poparentaano i Saulu, mia atuu mota'uomo ka pinemota'u.