1 Mokole 11:13 - Wunta Mempori

¹³ Sine, nahi ta luwuno poparentaa atuu Aku Kumansao. Asa suku Aku weeko, hangano tetenaa-Ku i Daudi, ka hangano Yerusale anu Kubinikiomo.”

1 Mokole 11:13 Iomraidhean Croise

1 Mokole 11:14

Ondae i Ue moweeakono asa mia umewaio i Salomo, onaemo i Hadadi to Edomi, inso a inuleno mokoledo to Edomi.

1 Mokole 11:32

Sine, asa suku ta me'ueo mpiha hangano i Daudi, tetenaa-Ku ka hangano Yerusale, kota anu Kubinikio inso a luwuno sukudo to Isaraeli.

1 Mokole 11:39

Onaemo pu'uno Aku mokongkodeio inuleno i Daudi, sine komba ta kanatuu mpiha.”

1 Mokole 12:17

Sine to Isaraeli anu mempo'ia a luwuno kotado to Yehuda, i Rehabea gagi mokoledo.

1 Mokole 12:19

Kanandiomo pompu'uano to Isaraeli me'ewa a inuleno i Daudi ranta hawe oleo andio.

1 Mokole 12:20

Mansado merongeo luwuno to Isaraeli, nine i Yerobea mekuleomo, mpotena ira mia moboio a ntepotowoa bawaa, ka do'amba mpotoroo gagi mokoledo luwuno Isaraeli. Nami hina mbo'u anu tumonda ira inuleno i Daudi, sangkadio suku Yehuda.

1 Mokole 8:29

Po'ineeomo ka Ipensiroio mpiha raha andio meene ka wongi, a mpo'ianga anu pinau-Miu, ’nee-Ku ta mo'ia i ra'ai,’ ka irongeo pekakai anu winuatakono tetenaa-Miu a mpo'ianga andio.

2 Mokole 13:23

Sine Ondae i Ue tedoa mehohawa ira. Mewolili Ira ndi ondae hangano pedandia-Do saru i Burahima, i Saki ka i Yako. Nahi Do'eheakono rumopu ira ka tumadi ira inso i aro-Do ranta kanandio-andio.

2 Mokole 17:18

Onaemo pu'uno Ondae i Ue tedoa Ira ntu'u tekuda a nto Isaraeli, ka Doropu ira inso i aro-Do. Nahina torea sangkadio butu suku Yehuda.

2 Mokole 19:34

Aku walao kota andio kumaduduio, hangano Ongkue ka hangano i Daudi tetenaa-Ku.”

2 Mokole 21:4

Iwanguo luwuno meda pontunua pesomba a raha-Do i Ue, kahinaano mepau Iramo i Ue, ”Aku weweuo nee-Ku mo'ia i Yerusale!”

2 Mokole 23:27

Ka i'amba mepau Ira i Ue, ”To Yehuda mbo'u Aku lumiahako ira inso i aro-Ku kana Kuliahako ira to Isaraeli, ka nahi Aku tumarimao Yerusale, kota anu bininiki-Ku andio, ka raha andio, maupo mepau Akumo: Nee-Ku ta mo'ia i ra'ai!”

2 Mokole 8:19

Maupo kanandio, nahi Dobehe i Ue rumopuo Yehuda hangano i Daudi, tetenaa-Do, menunu saru dandi-Do ndi Daudi, nine Ira tumeahakono langano pelita ndi onae ka ana'ueno ranta nahina tampulaano.

2 Tawarika 21:7

Maupo kanandio, nahi Dobehe i Ue rumopuo somborino i Daudi, hangano pedandia anu winutu-Do saru i Daudi, menunu saru dandi-Do, nine Ira tumeahakono langano pelita ndi onae ka ana'ueno ranta nahina tampulaano.

Po'unde-unde 132:1

Penani mekoho. Irambeomo, oo Ue, i Daudi ka luwuno pe'iseino,

Po'unde-unde 132:17

I ra'aimo Aku motuwuo asa tandu rosono i Daudi, Aku patindao asa hulu tiano mia anu inurapi-Ku.

Po'unde-unde 89:49

Isemake anu polio tuwu mpiha ka nahi pembasaio matea, anu polio motolao penaano inso a mpabawano tolinodo mia mate? Sela

Yesaya 14:32

Sangki hapake anu ira mewineeako a mia mentinenado tongku atuu? ”Doponaakonomo i Ue empehino Sioni, ka i ra'aimo mia memarasai inso a bawaa-Ku dompohawe pekaduduia.”

Yesaya 62:1

Hangano Sioni nahi aku menoro-noro, ka hangano Yerusale nahi aku momperodo, hawe menteeano mepansari kana wanta ka tekaduduiano melanga kana hulu.

Yesaya 62:7

ka si po'inee Ira mo'ia menoro-noro, ranta ka Doteahakono Yerusale ka ranta Doweweuo gagi telele i tolino.

Yesaya 9:7

Doluarakonomo i Ue pau-Do ndi Yako, ka pau-Do atuu umaluo Isaraeli.

Winali 12:11

Ka i'amba a mpo'ianga anu bininiki-Do i Ue, Ue Alamiu, weweuo nee-Do ka ipo'ia i ra'ai, asalakono imewawao luwu anu kuparentaa komiu: pesomba tinunu ka pesomba sinumbele, pesomba tia hopulu ka pesomba pinesusuamiu, ka luwuno pesomba pontangamiu anu tebiniki, anu tinangamiu ndi Ondae i Ue.

Winali 12:5

Sine, asalakono komiu me'ungkeo po'ianga Ira binikio i Ue, Ue Alamiu, inso a luwuno sukumiu gagi po'ianga-Do mokomengkaao nee-Do i ra'ai. I ra'aimo asalakono imelako.

Winali 9:5

Komba hangano menteemiu ke moleono aroamiu impentorokio witado. Sine hangano koa mosa'ono gaudo tongku atuu ka Dosaari ira i Ue, Ue Alamiu inso i aromiu, ka Do'ihiio i Ue dandi-Do anu pinau-Do saru sumpa ndi ondae i Burahima, i Saki ka i Yako, uempu'umiu.