1 Mokole 10:1 - Wunta Mempori

¹ Mansano rumongeo mokole beine i wita Seba teleleno i Salomo, hangano nee-Do i Ue, onae aiwa ta umarahakono ka moweeakono pesikeno anu motungko luwu.

1 Mokole 10:1 Iomraidhean Croise

Tegagia 10:28

i Obala, i Abimaeli, ka i Sieba,

Tegagia 10:7

Inuleno i Kusi, onaemo i Seba, i Hawila, i Sabata, i Raema, ka i Sabeteka. Luwuno anano i Raema, onaemo i Sieba, ka i Dedani.

Tegagia 25:3

I Yokisani hinao anano i Sieba ka i Dedani. Inuleno i Dedani, onaemo to Asuri, to Letusi ka to Leumi.

1 Mokole 10:24

Asa wawontolino mposongka ira ntepohaweakono i Salomo, ira merongeo ondaedo pande anu Doweeakonomo Ue Ala i laro aroano.

1 Mokole 4:31

Onae pandeopo mosongka sekonopo luwuno mia, maupo sekono i Etani, to Eserahi ka i Hemani, i Kalikoli saru i Darida, luwuno anano i Maholi. Onaemo pu'uno neeno telele i olodo luwuno tongku petengi-tengino.

1 Mokole 4:34

Onaemo ka domehawe hadio mia inso a luwuno tongku ira merongeo pandeno mepau i Salomo. Ondae tinenado luwuno mokole i tolino anu merongeomo mongkona ponto'orino mompewowolo.

1 Mokole 5:14

Itena ira melako i Libano, hopulu nsowu mia sompo wula, wela mpe'eu-eu: i larono asa wula i Libano, ka i larono orua wula i raha. I Adonira gagi petewawado mia mpo'angga dinadai.

Ayubi 28:28

Sine a mia mepau Ira: Menteeano, doitoako Ira i Ue, onaemo ponto'ori, ka olaiakono wineweu mosa'o onaemo pinewowolo molino.”

Ayubi 6:19

Bawaano mia mpebalu-balu inso i Tema mpo'ungke uwoi ka pebawaa inso i Sieba mperorohiakono,

Po'unde-unde 49:4

Ngangaku ta mompau ponto'ori anu mentee, ka pine'ihilarono aroaku mopoto'orio pengkonaano.

Po'unde-unde 72:10

po'ineeomo luwuno mokole inso i Tarasisi ka luwuno togo dompowawa pesomba; po'ineeomo luwuno mokole inso i Sieba ka Seba dompowawa peki'ue!

Po'unde-unde 72:15

Tuwu iramo mokole! Po'ineeomo ka ipinesombaako ndi onae wulaa Sieba! Po'ineeomo ka ipinekakaiako mpiha, ka pino'emaako ronso hawe sumoo oleo!

Yesaya 60:6

Hadio ntu'u unta ta buketio witamu, unta memongura inso i Midia ka Epa. Luwudo ira me'aiwa inso i Sieba, mpowawa wulaa ka dupa, saru mempaleleo tepalele-Do i Ue.

Yeremia 6:20

Hapake tuduno ndi Ongkue impowawa dupa inso i Sieba ka towu anu moiko inso i wita anu olai? Nahi Kupekono ira pesomba tinunumiu ka luwuno pesomba sinumbelemiu nahi pokonsanaa Aku.

Yehesikieli 16:14

Neemu telele i olodo luwuno tongku hangano tekosimu, hangano sompo ntu'u tekosimu marambaako peramba-ramba-Ku anu Kuweeakomu, kanandiomo pau-Do Ue Ala.”

Yehesikieli 38:13

Wita Seba ka Dedani, saru luwuno puu mpebalu-baludo to Tarasisi ka luwuno anu mempabawa ira mpotae ndi omue: Nde ko'aiwa morontuke, pumpu ira tepo'asamu komiu mpomuru, wawa ira salaka ka wulaa, umala ira pinotuwu ka arataa, ka mporontua anu hadio ntu'u?

I MATIU 12:42

I tempono pobitaraa, mokole beine inso i selata atuu ta mentade saru mia andiodo ka onae ta humuku ira mbo'u. Hangano mokole beine andio aiwa inso i tompano tolino ta rumongeo ponto'ori menteeno i Salomo, ka menteeano anu kongko i ndi'ai laluaopo sekono i Salomo!”

I MATIU 13:11

Sumangki Ira i Yesu, ”Ndi omiu mewineeako ka imento'orio rahasiano Poparentaa Suruga, sine ndi ondae naahi.

I MATIU 13:35

ka i'inihii koa pau anu pinaudo nabi, ”Aku mepau pauo potundaano, Aku pauo anu tewuni mompu'u ipinokogagi wawontolino.”

I MARAKUSU 4:34

ka ba nahi a mpotundaano nahi Dopepau ndi ondae, sine a ana guru-Do Dopauako ira luwuakoano butu ondae.

I LUKASI 11:31

I tempono pebitaraa, mokole beine inso i Selata atuu ta mentade saru mia andiodo ka onae ta humuku ira. Hangano mokole beine andio hawe inso i tompano tolino ta rumongeo ponto'orino i Salomo, ka menteeano anu kongko i ndi'ai lauaopo sekono i Salomo!

I YOHANE 17:3

Ndiomo tuwua anu nahina tampulaano atuu, onaemo nine domento'ori Komiu, butu Omiu Ue Ala anu mentee, ka tumo'ori Ira i Yesu Kerisituu anu tinena-Miu.