1 Mokole 1:37 - Wunta Mempori

³⁷ Kana pokongkomi-Do i Ue, ndi omiu ueku mokole, kanatuumo Dokongkomio i Salomo. Po'ineeomo Doweweuo kadera poparentaano i Salomo marambaopo sekono kadera poparentaano ueku mokole Daudi.”

1 Mokole 1:37 Iomraidhean Croise

2 Samueli 24:3

Motae i Yoabi ndi ondae mokole, ”Po'ineeomo Ondae i Ue, Ue Alamiu, mokohadio ira palili meluka asa etu ka ikitaakono matamiu mokole. Nde tembio mokole ka inehemiu kanandio?”

1 Mokole 1:36

Sumangki i Benaya anano i Yoyada ndi ondae mokole, ”Ami! Kanatuumo pau-Do i Ue, Ue Alamiu ueku mokole!

1 Mokole 1:47

Ka do'amba luwuno pegawaido mokole mehawe mpetabei ira ueto mokole Daudi, ka dompotae, ’Topomperorohi ndi Ondae Ue Alamiu mokogagio neeno i Salomo teleleopo sekono neemiu ka kadera poparentaano laluaopo maramba sekono kadera poparentaamiu.’ Ondae mbo'u mokole menggolontu mesomba a wawo poturiado,

2 Mokole 2:9

Sahawedo i asatowa, i Elia motaeakono i Elisa, ”Emaomo hapa anu aku mokoweweuoakomu, se'eluno napi kutinande inso i aromu.” Sumangki i Elisa, ”Po'ineeomo kupe'ueo orua ntia inso a mpabawa tiano nabi.”

1 Tawarika 28:20

Ka i'amba motae i Daudi ndi Salomo, anano, ”Pokorosoomo aroamu ka weweuomo atuu, siimo doito ka siimo itelusa aroamu, hangano Ondae Ue Ala, Ue Alaku, kumongkomiko. Nahi Ira mo'ineeko ka bintako ranta ka i'umari luwuno anggaa a mpesombaa i raha-Do Ue Ala.

1 Tawarika 29:25

Ondae i Ue weweuo i Salomo tedoa langkai a pongkitado luwuno to Isaraeli ka moweeakono marambano poparentaa anu nahi hori hina a luwuno mokole anu moparenta i Isaraeli se'eluno onae.

2 Tawarika 1:1

I Salomo ana ntamano i Daudi komoro-morosono a pentoroano gagi mokole. Ondae Ue Alano kumongkomio ka weweuo pabawano tedoa langkai.

Po'unde-unde 46:11

”Penoro-noromo ka to'oriomo, nine Ongkuemo Ue Ala! Ongkuemo anu inude-unde i olodo tongku, inunde-unde i tolino!”

Po'unde-unde 46:7

Luwuno tongku mpohohoi, luwuno poparentaa telelu. Dopoporongeo suara-Do, ka tolino mondidi-ndidi.

Po'unde-unde 72:8

Po'ineeomo ipoparenta inso a ntahi lumako a ntahi, inso a ngkoro Eparata hawe a tompano tolino!

Po'unde-unde 89:27

Onae ta moboi Aku, ’Omiumo Amaku, Ue Alaku, torukuno watu tekaduduiku.’

Peluarakoa 3:12

Onaemo ka Dopepau i Ue, ”Aku koa kumongkomiko! Ndiomo petondoni ndi omue, nine ongkue anu tumenako; Tewala uwawa iramo tongku atuu mpeluarako inso i wita Masiri, komiu mpesomba ndi Ondae Ue Ala i torukuno andio.”

Yesaya 8:10

Impotudaomo akala, manasa nahi ta gagi! Impo'alamo tepo'asaa mpau, manasa nahi ta pinokoweweu! Hangano Ondae Ue Ala kumongkomi kami!

Danieli 7:14

Ka i'amba ndi onae wineeako pabawa ka marambaa, saru pentoroa gagi mokole, ka mia inso a luwuno tongku, suku tongku ka pau mpepe'ata ndi onae. Pabawano onaemo pabawa anu nahina tampulaano, anu nahi ta tampula, ka poparentaano onaemo poparentaa anu nahi ta ropu.

I MATIU 1:23

”Menteeano, ana beine atuu ta mentia ka me'anaakono aasa ana ntama ka doneeako Ira Imanueli” – anu pengkonaano: Ondae Ue Ala kumongkomi kita.

ROMA 8:31

Onaemo pu'uno hapake anu ta pinauto mongkona luwuno atuu? Tewala Ondae Ue Ala me'alaako ndi ontae, isemake ta umewai kita?

Yosua 1:17

kana kimperorongeakono songkano i Musa, kanatuu koa mbo'u kimperorongeakomiu. Butu, Ondae i Ue, Ue Alamu, Ira wela kumongkomi komiu, kana Dokongkomio i Musa.

Yosua 1:5

Isemamokoa nahi ta hina mia moko'ewaiko asa ntinuwumu; kana Kukongkomio i Musa, kanatuu koa mbo'u Kukongkomiko. Nahi Aku mo'ineeko ka bintako.

1 Samueli 20:13

Tewala tinoodo amaku ira sumolangiko, po'ineeomo Ondae i Ue moweeakono pohuku anu mobea ndi Yonata ka maupo laalo mbo'u, ba nahi kupauakomu ka motolako ka ulako tekadudui. Ondae i Ue kumongkomiko kana Dokongkomi ira amaku i ndi'upua.