1 Mokole 1:29 - Wunta Mempori

²⁹ Ka i'amba mesumpa mokole dopotae, ”A nee-Do i Ue anu tuwu, anu motola aku inso a luwuakoano masukaraa,

1 Mokole 1:29 Iomraidhean Croise

Tegagia 48:16

ka kana Mala'eka anu motola akumo inso a luwuno masolaa, Po'ineeomo Ondae anu rumonso ira mia mongura andio. Po'ineeomo neeku saru needo ueku ka amaku, i Burahima ka i Saki, telele hangano ondae ka ira tetiangi hadiodo i tolino.”

2 Samueli 12:5

I Daudi tedoa tekuda a mia atuu ka ipotaeakono i Nata, ”Ia nee-Do i Ue anu tuwu: mia anu moweweu atuu asalakono ta mate!

2 Samueli 4:9

Sine i Daudi sumangkio i Rekabi ka i Baana pepaekompono, anano i Rimoni, to Beero, ipotae ndi ondae, ”A Nee-Do i Ue anu tuwu, anu tumolosiomo penaaku te'inso a luwuno masusaa!

1 Mokole 1:28

Ka i'amba sumangki i mokole Daudi, ”Poboio i Bateseba.” Beine atuu mewinso ka ipentade me'aro ndi mokole.

1 Mokole 17:1

I Elia, to Tisibe inso i Tisibe-Gilea, motaeakono i Ahabi, ”A nee-Do i Ue anu tuwu, Ue Alado to Isaraeli anu pinekakaakoku, nahi ta hina tontoru ke usa a luwuno ta'u andio, sangkadio ongkue anu pauo.”

1 Mokole 18:10

A nee-Do i Ue, Ue Alamiu anu tuwu, menteeano, nahina tongku ke poparentaa anu nahi domelakoio tinenado ueku i Ahabi umungke komiu. Tewala mpotae ira: onae nahi kongko, onaemo kai tuntu ira tongku ke poparentaa atuu mpesumpa nine nahi domehawe komiu.

1 Mokole 2:24

Onaemo pu'uno, a nee-Do i Ue anu tuwu, anu mokorosoo ka montoro aku a ngkadera poparentaano i Daudi, amaku, ka anu wanguakune somboriku kana anu dinandi-Do: a oleo koa mbo'u andio asalakono i Adonia pinepate.”

2 Mokole 4:30

Sine ineno nana'ote atuu motae, ”A nee-Do i Ue anu tuwu ka a ntumuwumiu, nahi aku binta komiu.” Ka i'amba i Elisa mentade ka ipelempa tumondao beine atuu.

2 Mokole 5:16

Sine sumangki i Elisa, ”A nee-Do i Ue anu tuwu, anu pinekakakoku, nahi aku montarima maupo hapa.” I Na'ama dumadasio i Elisa kai tarimao, sine nahi hori behe tumarimao.

2 Mokole 5:20

i Gehasi, atano i Elisa, tetenaa-Do Ue Ala atuu motae, ”Menteeano ondae ueku me'aroa ira lahi ndi Na'ama, to Arami andio, nahi dotarimao pesombano. A nee-Do i Ue anu tuwu, menteeano aku melulu tumonda bungkuo ka aku montarima maupo hapa inso ndi onae.”

Po'unde-unde 136:24

ka motola kita inso a luwuno anu umewai kita, menteeano ranta nahina tampulaano pompehohawa-Do.

Po'unde-unde 138:7

Maupo kupelempa a laro ma'isoa, Omiu kumaduduio tuwuku inso a ntekudado iwaliku; Iweroo kae-Miu, ka kae ngkoana-Miu kumadudui aku.

Po'unde-unde 72:14

Itolosi ira inso a pompokonsiia ka pobobarasaia, reado masuli olino a pongkitano.

Puu Mpobitara 8:19

Ka i'amba motae i Gideo, ”Ondae atuu pepaekompoku, anado Ineku! A nee-Do i Ue anu tuwu, ba impo'inee ira mentuwu, nahi aku mepate komiu.”

1 Samueli 14:39

A nee-Do i Ue anu tuwu, anu kumadudui ira to Isaraeli, tewala hangano wineweuno i Yonata, maupo anaku asalakono hinuku mate.” Sine luwuno palili atuu nahina sumangkio.

1 Samueli 14:45

Sine palili mpotaeakono i Saulu, ”Nde i Yonata anu mowawa poponangi langkai i Isaraeli asalakono ta mate? Osi'i! A nee-Do i Ue anu tuwu, maupo te'asa tangke wuuno inso a uluno nahi ta tedonta a wita! Nde luwuno wineweuno oleo andio hangano pontulungi-Do i Ue Ala.” Kanandiomo i Yonata dompotolao palili, ka nahi gagi pinepate.

1 Samueli 19:6

Ipe'ala-alao i Saulu pinauno i Yonata, onaemo ka ipesumpa, ”A nee-Do i Ue anu tuwu, i Daudi nahi ta pinepate.”

1 Samueli 20:21

Ka uto'oriokoa! Aku montena tetenaaku, ’Lakomo bini ira mata mpana atuu.’ Tewala kupotaeakono tetenaa atuu, ’Kitao mata mpana atuudo te'alaako i ndi'ai, alaomo!’ Ka aiwamo, hangano, a nee-Do i Ue anu tuwu, tekaduduiko ka nahina masolaa hapa-hapa.