1 Mokole 1:25 - Wunta Mempori

²⁵ Hangano oleo andio lumakoomo monsumbele hadio pinotuwu anu mewalo, sapi ka bimba. Ipoboi ira luwuno ana mokole, luwuno tadulako sorodadu ka sando mpesomba i Abiata. Kanandio-andio kontongaado mempongkaa ka mpo'inu i arono ka dompebooli: Tuwu komiu mokole Adonia!

1 Mokole 1:25 Iomraidhean Croise

2 Samueli 16:16

I Husai, to Araki, sambe'eno i Daudi aiwa ndi Abisalo. Motae i Husai ndi Abisalo, ”Tuwu mokole! Tuwu mokole!”

1 Mokole 1:19

Onae monsumbeleomo hadio sapi, bimba ka pinotuwu anu mewalo ka ipoboi ira luwu ana mokole, i sando mpesomba i Abiata saru tadulako sorodadu, sine i Salomo nahi poboio.

1 Mokole 1:24

Ipotae i nabi Nata, ”Nde omiu koake ueku mokole anu mepau, ’I Adonia anu ta gagi mokole umarino ongkue anu ta mentoro a ngkadera poparentaaku?’

1 Mokole 1:34

Sando mpesomba i Sadoki ka i nabi Nata asalakono umurapio i ra'ai gagi mokoledo to Isaraeli. Ka i'amba asalakono imempuurio tawuwua ka mpebooli: Tuwu komiu mokole Salomo!

1 Mokole 1:39

Sando mpesomba i Sadoki umalao tandu me'ihi lana inso a ngkema ka i'urapio i Salomo. Ka do'amba mempompuuri tawuwua, ka luwuno palili mpebooli, ”Tuwu komiu mokole Salomo!”

1 Mokole 1:9

Asa tempo i Adonia mompesombaako bimba, sapi ka pinotuwu anu mewalo gagi pesomba umpeda Watu Sohele i horino Ena-Rogeli. Ipoboi ira luwu pepaekompono, luwuno ana mokole ka luwuno to Yehuda anu mpo'angga ndi ondae mokole.

1 Mokole 2:15

Ipotae mbo'u, ”Omiumo isa'a tumo'orio, nine ongkuemo anu tekona mentorokio pentoroano mokole ka nine luwudo to Isaraeli mpomperorohi kai ongkue gagi mokole. Sine pentoroano mokole melimbaomo ndi uaiku, hangano inso ndi Ondae i Ue ihaweo.

2 Mokole 11:12

Umarino atuu i Yoyada wawao ana ntamado mokole atuu meluarako ka i'amba mokonaakono songko mokole ka meweeakono songka-Do Ue Ala. Dompotoroo gagi mokole ka me'urapio, kontongaado mpotopa mpebooli ira, ”Tuwu iramo mokole!”

2 Mokole 11:14

Ikitao mokole mentade umpeda a ngkaru raha-Do i Ue, menunu saru anu wela wineweu, kontongaado anu langkai potorono saru luwuno puu pompuuri tawuwua kongko umpeda ndi ondae mokole. Luwuno palili mpo'unde ka dompopuuri tawuwua. I Atalia berio sangkano ka ipebooli, ”Domerontuomo pabawaku, domerontuomo pabawaku!”

2 Mokole 9:13

Pontuturako iramo singge mia me'alao sangkano ka mewileo a toto ngkaruno i Yehu a wawo ensa, ka do'amba mempuurio tawuwua saru mpebooli, ”I Yehu mokole!”

1 Tawarika 29:13

Kanandio-andio, oo Ue Alamami, mpontarimakasi kami ndi Omiu ka me'unde-undeo nee-Miu anu langkai.

1 Tawarika 29:21

Tisomono mpompesombaako ira pesomba sinumbele ka pesomba tinunu ndi Ondae i Ue, onaemo asa nsowu sapi lakino, asa nsowu bimba lakino ka asa nsowu bimba mongura, saru luwuno pesomba tinawano ka pesomba sinumbele anu hadio ntu'u a luwuno Isaraeli.

2 Tawarika 23:11

Umarino atuu i Yoyada ka luwuno anano wawao ana ntamado mokole atuu meluarako. Dompokonaakono songko mokole ka meweeakono songka-Do Ue Ala ndi onae. Dompotoroo gagi mokole ka me'urapio, umarino atuu mpebooli, ”Tuwu iramo mokole!”

I MATIU 21:9

Ka mia hadio anu mpelempa i aro-Do i Yesu ka anu tumonda Ira inso i bungku-Do mpebooli, dompotae, ”Hosana Anano i Daudi, rinonso Iramo anu hawe a nee-Do i Ue, hosana a mpo'ianga anu i wawono ntu'u!”

I MATIU 22:4

Itena ira mbo'u atano anu susua, pe'oliwino: Pauako ira mia anu me'inolu atuudo: Menteeano kaanga, kupatindaomo, sapi lakino ka pinotuwuku kusumbele iramo; luwuno tetindaomo, ime'aiwamo a mpelimbua petaoa andio.

I LUKASI 19:38

Dompotae, ”Rinonso Iramo anu hawe gagi Mokole a nee-Do i Ue, rodoa i suruga ka marambaa a mpo'ianga anu i wawono ntu'u!”

1 Samueli 10:24

Ipotaeako ira i Semueli luwuno tongku atuu. ”Imengkitaomo mia anu bininiki-Do i Ue atuu? Nahina kana onae a luwuno tongku andio.” Mpebooli iramo tongku atuu, ”Hio! Tuwu mokole.”