Yuda 1:14 - Kamula

^14-15 Epedeme A꞉dam ya꞉ mamadulo dulu dla 7 oloma dla hallalo oplami Inoktapo ipapele so opa koko dla momolo atlemama epo atluwapo, “Wua꞉ natiya. Lodtapo ya꞉ opa sikemte pasatale mate puapo, ta꞉la so opa hapuloma yia꞉ koko gladlowedeme. Epame ya꞉tapo God mate opahale demha꞉ha꞉mama ya꞉ dla batalimale koko halomha꞉ha꞉ so opaye koko gladla puapo. Epame ya꞉tapo God pomalamalalo wekele so opata ya꞉ putlopo atlamyelalo so dla asiyama hamila puapo,” duwapo.

Yuda 1:14 Iomraidhean Croise

Yeneses 5:18

Epame Yaledtapo 162 sokomoko halepame ya꞉lluta maseyemala hamaiyo, ya꞉ hiye Inok.

Ma꞉tiyu 16:27

Epapedeme Opa Yamitapo ya꞉ ata hela꞉dle mate epo ya꞉ banakaka so mate pumama opa hapuloma dla yia꞉ta halomha꞉ha꞉le asiyamaye mepo ala꞉po halopilipe.

Ma꞉tiyu 25:31

“Opa Yamitapo ya꞉ta itiyamale mate epo banakaka so hapuloma mate pulupiye, oloma edla ya꞉ta hela꞉dle pato mate puame ya꞉ta pollalo mo dla pollope.

1 Tesalonika 3:13

Epame di ma inoma sumale yu hale himima, di Lod Yesuta ya꞉ta sesa꞉le opa mate puale oloma edla wua꞉tapo mikadepe dle dulu dla kokalepo ha꞉ha꞉mama di A God mila꞉pi tle ullu pa꞉po ka꞉ka꞉dle so depo ha꞉ha꞉lepo depame.

Hibulu 12:22

Hao, wua꞉ Sainai tamali dla popuana. Amasiyama wua꞉tapo Sayon tamali dla mo-puapo. Tamali eye pasakalo halemhallalo God ya꞉ mopo. Eye Pepele dimo Yelusalempo. Epedeme mo edla God ya꞉ banakaka so sikemte pasataletapo sisiyele mate alumhalapo.

Bobotimatimale 1:7

Epedeme wua꞉ natiya, ya꞉tapo wuala dulu tle woyapo pulupe. Opa hapuloma mate epo ya꞉ yumili so mateta ya꞉ natilipe. Epame ta꞉la so hapulomatapo ya꞉ta pua koko natipame a꞉lemyelepe. Yao, koko ita woyamelepe. Eye ikadepepo.

Bobotimatimale 5:11

Epame ma na꞉ta natiwa dulu dla banakaka so hapuloma sesa꞉lowe sukulu pa꞉leta yu hala daluwa. Epame yia꞉ta Godta pollalo mate epo pasakalo ha꞉ha꞉lalo alisisi mate epame dokopala so mateta popa꞉lati alikili tle sillidepo ha꞉ha꞉lati natiwa.