Yeneses 7:21 - Kamula

^21-23 Epalati alinepi hapuloma mate epo tea hapuloma mate epo opa hapuloma mate ta꞉la medla pomelletapo paliyo. Epedeme ta꞉lamo hema pasakalo ha꞉ha꞉lalo alisisi hapulomatapo mosukulu palipa꞉meliyo. Amasiyama hatlo Nowata koa dulu dla elemtuwale sotapo pasakalo gadlowe haiyo.

Yeneses 7:21 Iomraidhean Croise

Yeneses 1:25

Epame Godtapo alinepi hapuloma mimita꞉pame ma alinepi e tlapame ka꞉pi diyo.

Yeneses 6:17

Epalati na꞉tapo yú puale pato hamilowepo ta꞉lamo dla ha꞉ha꞉ so hapuloma poyulupo depame. Epedeme alisisi hapuloma ta꞉lamo hema ha꞉ha꞉tapo pallipe.

Yeneses 7:4

Wata oloma itle alila 7 pololepo gudlati na꞉tapo tiyo patoye ta꞉lamo dla tulune dlowama. Epalati 40 alila mate epo 40 utula꞉la mate tiyo patota hellepe. Epalati na꞉ta mimita꞉pele opa hapuloma mate epo alinepi hapuloma mateye poyuluwepo,” diyo.

Ma꞉tiyu 24:39

Nowata koa dulu dla tulati opa hapulomatapo koko woyamoloweye ala yeitapo ha꞉ha꞉lati yúta puame poyuiyo. Epammama Opa Yamita puluwe alila dla opa hapulomata dinapopo ha꞉ha꞉lati populuwa.

Ka꞉dle molo atlale yu Lukta ilimale 17:27

Adipalati, Nowata halale oloma edla opatapo daya mate epo yú mate dlomha꞉ha꞉mama opa mate wola꞉ mate halomha꞉ha꞉mdiyo. Epamha꞉ha꞉le oloma edla alila haleta Nowatapo koa dulu dla tulati yúta puame opa hapulomaye poyuiyo.

Loum 8:20

Epapele dulu dla Godtapo ya꞉ta solotamale tle ya꞉ta mimita꞉ple alisisi hapulomaye polowe itiyamale mate epo hutuluwe itiyamale mate dulu dla ipila꞉uwapo. Amasiyama Godta ya꞉ akimlala ikadepe haliyamale dla eleme woyamolowe alila oloma edla God ma meyelo ya꞉ta mita꞉ple alisisi hapulomaye polowe itiyamale tle epo hutuluwe itiyamale tle eleme alikili dla woyamelepe. Epame ya꞉tapo ya꞉ akimlala ikadepe dla hamilowedeme dinapele hela꞉dle mepapeleye ma yia꞉ watle hapilipe.

Loum 8:22

Epapedeme a꞉yatapo owayemala hamolowedeme wotiyalle natimdiye, epammama Godta mimita꞉ple alisisi hapulomatapo alila eta woyamolowe dla omha꞉ha꞉mama wotiyalle dulu dla ha꞉ha꞉po.

2 Pita 2:5

Epedeme wua꞉ natiya, ka꞉yapa Godta ta꞉lamo pato iye yú mate yuli oloma edla batalimale so opiye pogadena. Amasiyama ka꞉dle yu atlalo oplami Nowa mate epo ya꞉ mate hatlo koa dulu dla tumulale so 7 mate tlo gaduwapo.